Saylovchilar bilan ochiq muloqot o‘tkazildi

Xalq deputatlari Buxoro viloyati Kengashi deputati Jahongir Sharipov tomonidan saylovchilarga deputatlik faoliyati yuzasidan axborot berildi hamda fuqarolar qabuli o‘tkazildi.

Muloqot davomida hududlarni ijtimoiy-iqtisodiy jihatdan rivojlantirish, ayniqsa, kambag‘allikni qisqartirish, aholi bandligini ta’minlash, jinoyatlarni tezkor aniqlash va oldini olish borasida viloyatda amalga oshirilayotgan loyihalar haqida so‘z yuritildi. Shu jumladan, deputat o‘zi saylangan hududda yuqorida belgilangan vazifalar bo‘yicha aniqlangan muammolar yuzasidan ishtirokchilar bilan o‘zaro fikr almashdi.

Qabul jarayonida fuqarolar tomonidan aholini markazlashgan ichimlik suvi bilan ta’minlash, joylarda mavjud eskirgan simyog‘och va transformatorlarni yangisiga almashtirish, ayrim ichki yo‘llarni asfaltlashtirish kabi bir qator muammolarni hal etishni so‘rab murojaatlar qilindi. Hududlardagi bu kabi masalalar deputatlik so‘rovi orqali ijobiy hal etilishi bildirildi.

✅Telegram|✅Facebook | 🌐Instagram |🌐 Web site | 📹You Tube

Til – millat ko‘zgusi, ma’naviyat xazinasi

Bugun O‘zbekiston Ekologik partiyasi Markaziy Kengashida ayni shu mavzuda ma’naviy-ma’rifiy tadbir tashkil etildi.

Unda partiya Markaziy Kengashi xodimlari, hududiy partiya tashkilotlari vakillari (onlayn), taniqli yozuvchi, yuridik fanlar doktori, professor, O‘zbekiston Yozuvchilar uyushmasi a’zosi Komil Sindarov hamda shoir, O‘zbekiston Yozuvchilar uyushmasi a’zosi Alisher Boymurodov, shuningdek, Oliy Majlis Qonunchilik palatasi deputatlari O.Rahimov hamda B.Shodiyevlar ishtirok etdi.

Tadbirda ona tilimizning milliy o‘zlikni anglash, ma’naviy qadriyatlarni asrash va yosh avlod tarbiyasidagi o‘rni haqida so‘z yuritildi. Ona tilimizning milliy o‘zligimiz va ma’naviy hayotimizdagi o‘rnini keng targ‘ib qilish, davlat tiliga bo‘lgan hurmatni yuksaltirish, milliy qadriyatlarimizni asrab-avaylash hamda yoshlar o‘rtasida kitobxonlik madaniyatini rivojlantirish muhimligi alohida qayd etildi.

Shuningdek, ona tilimizning nufuzini oshirish, uning boyligi va nafosatini kelajak avlodlarga yetkazish har bir fuqaroning muhim vazifasi ekani ta’kidlandi. Tadbir ishtirokchilariga milliy til va ma’naviy merosni asrab-avaylash, davlat tilida ish yuritish madaniyatini yuksaltirish hamda o‘zbek tilining jamiyat hayotidagi mavqeini mustahkamlash borasidagi ishlar izchil davom ettirilishi zarurligi eslatildi. Ma’naviy-ma’rifiy tadbir mazmunli muloqot va samimiy taassurotlar bilan yakunlandi.

✅Telegram|✅Facebook | 🌐Instagram |🌐 Web site | 📹You Tube