EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Media is too big
VIEW IN TELEGRAM
Малайзияга борган 3 нафар Ўзбекистон фуқароси синтетик наркотиклар ортидан ўлим жазосига ҳукм қилинди

Telegram I Facebook I YouTube I Instagram
🤔4😢3👍1
Media is too big
VIEW IN TELEGRAM
«100 мингта лайк бўлса, дўконни ёқаман»: Фарғонадаги видео жамоатчиликни хавотирга солди

Ижтимоий тармоқларда Фарғона шаҳридаги «Пўша бозори» ҳудудида тасвирга олингани айтилаётган видео кенг муҳокамаларга сабаб бўлмоқда.

Видеода бир фуқаро қўлида ёниб турган, бензин солинган идиш билан кўринади. Тасвирларда у рўпарасидаги қўшни дўконни кўрсатиб, агар видео 100 мингта лайк тўпласа, ушбу дўконни ёқишини айтаётгани акс этгани айтилмоқда.

Бу таҳдидга сабаб сифатида қўшни дўконда ҳам ўзи сотаётган маҳсулотларнинг сотилиши, яъни рақобат мавжудлиги тилга олинган.

Агар мазкур ҳолат ҳақиқатга мос бўлса, бу оддий контент ёки ҳазил эмас, балки тадбиркорларнинг мол-мулки ва одамлар хавфсизлигига таҳдид туғдириши мумкин бўлган жиддий масала ҳисобланади.

Мазкур ҳолат юзасидан ваколатли органлар томонидан текширув ўтказилиши ва видеодаги ҳолатга ҳуқуқий баҳо берилиши мақсадга мувофиқ.

Telegram I Facebook I YouTube I Instagram
👍2👎2🤔2
Қўшработ ва Каттақўрғон тумани ҳокимларига ҳайфсан берилди

Қўшработ тумани ҳокими давлат маблағлари ҳисобидан амалга оширилган хориж сафари делегацияси таркибига турмуш ўртоғи ва ўғлини киритгани учун интизомий жавобгарликка тортилди.

Шунингдек, Каттақўрғон тумани ҳокими ҳам хизмат сафари мақсадига алоқаси бўлмаган ходимни делегация таркибига қўшгани сабабли ҳайфсан олди.

Ҳар икки ҳолат Коррупцияга қарши курашиш агентлигининг тақдимномаси асосида кўриб чиқилиб, масъулларга нисбатан интизомий чоралар қўлланилди.

Telegram I Facebook I YouTube I Instagram
👎2😢2🤔1
Media is too big
VIEW IN TELEGRAM
Сирдарёда бир вақтнинг ўзида 3 та дўконда ёнғин содир бўлди

Бугун, 29 июль куни соат 12:22 да Сирдарё тумани «Ёшлик» МФЙ ҳудудида жойлашган дўконларда ёнғин содир бўлди.

ФВВ маълумотига кўра, ёнғин соат 13:00 да тўлиқ бартараф этилган. Ҳодиса оқибатида 3 та дўконнинг тахминан 80 квадрат метр майдони ёнган.

Ёнғин туфайли тан жароҳати олганлар йўқ.

Айни пайтда ёнғиннинг келиб чиқиш сабаби ва етказилган моддий зарар миқдори аниқланмоқда.

Telegram I Facebook I YouTube I Instagram
🤔2
This media is not supported in your browser
VIEW IN TELEGRAM
Чорвоқ ҳудудида ёнғин содир бўлди

Ижтимоий тармоқларда Чорвоқ ҳудудида ёнғин содир бўлгани ҳақида хабарлар тарқалмоқда.

Айни пайтда ёнғиннинг келиб чиқиш сабаби, кўлами ва оқибатлари бўйича расмий маълумот эълон қилинмаган.

Расмий ахборот тақдим этилганда қўшимча маълумот берилади.

Telegram I Facebook I YouTube I Instagram
👍1🤔1
Please open Telegram to view this post
VIEW IN TELEGRAM
👍22🔥10😢1
Media is too big
VIEW IN TELEGRAM
Наманганда 4 киши сувда чўкиб кетди. 1 кишининг жасади топилди

Наманган вилоятида дарёга чўкиб кетган 2004 йилда туғилган йигитни қидириш ишлари давомида бошқа бир фуқаронинг жасади топилди. Бу ҳақда вилоят Фавқулодда вазиятлар бошқармаси маълум қилди.

Маълум қилинишича, 26 июль куни соат 14:06 да 112 қисқа рақами орқали келиб тушган мурожаатга кўра, Наманган шаҳрида яшовчи 2004 йилда туғилган фуқаро Наманган тумани ҳудудидан оқиб ўтувчи Сирдарё дарёсига тушиб кетган.

Ҳозирда махсус қутқарув отряди ғаввослари томонидан қидирув-қутқарув ишлари давом эттирилмоқда. 27 июль куни қидирув давомида дарёдан бошқа бир фуқаронинг жасади топилиб, тегишли тартибда топширилган.

ФВБ маълумотига кўра, жорий мавсумда тақиқланган ҳудудларда чўмилиш оқибатида бир неча бахтсиз ҳодисалар содир бўлган. Айни пайтда дарёда чўкиб кетган яна камида икки нафар фуқарони қидириш ишлари давом этмоқда.


Telegram I Facebook I YouTube I Instagram
😢2
Media is too big
VIEW IN TELEGRAM
Япониядаги кучли зилзила қурбонлари сони 13 нафарга етди

Япониянинг жанубида содир бўлган 7,1 магнитудали зилзила оқибатида ҳалок бўлганлар сони 13 нафарга етди. Бу ҳақда 29 июль куни Reuters хабар берди.

Япония бош вазири Санаэ Такаичи қутқарув ишларида ҳар бир дақиқа муҳим аҳамиятга эга эканини таъкидлаб, вайроналар остида қолганларни қутқариш учун барча куч ва воситалар сафарбар этилганини маълум қилди.

Зилзила минглаб уйларни электр таъминотисиз қолдирган, йўллар ва инфратузилмага жиддий зарар етказган. Қутқарувчилар қулаб тушган савдо маркази вайроналари орасидан саккиз нафар инсонни тирик қутқарган.

Маҳаллий ОАВ маълумотига кўра, зилзиладан кейин содир бўлган эҳтимолий газ портлаши оқибатида икки аёл ҳалок бўлган. Шунингдек, бир нечта саноат объектларида ҳам талафотлар қайд этилган.

Ҳокимият Кумамото префектурасида тахминан 260 минг нафар аҳолига эвакуация марказларига кўчиш бўйича кўрсатма берган. Айни пайтда 36 мингдан ортиқ хонадон электр таъминотисиз қолмоқда, мутахассислар эса аҳолини такрорий кучли зилзилалар ва кўчкилар хавфидан огоҳлантирмоқда.

Telegram I Facebook I YouTube I Instagram
😢3
Media is too big
VIEW IN TELEGRAM
Косонда амалдорнинг фуқаро билан қўпол муомаласи юзасидан хизмат текшируви бошланди

Ижтимоий тармоқларда Ўзбекистон маҳаллалари уюшмасининг Косон тумани бўлими бошлиғи Убайдулла Очиловнинг фуқаро билан тортишув вақтида қўпол ва таҳдидли сўзлар ишлатаётгани акс этган видео тарқалди.

Маълум қилинишича, ҳолат фуқародан кўчага тўкилган қумни олиб ташлаш талаб қилинган вақтда содир бўлган. Баҳс давомида амалдор давлат хизматчиси одобига зид муомала қилган.

Мазкур ҳолат юзасидан хизмат текшируви тайинланган. Расмийларга кўра, давлат хизматчилари фуқаролар билан мулоқотда қонун талаблари ва муомала маданиятига қатъий риоя қилиши шарт.


Telegram I Facebook I YouTube I Instagram
👍7🤔1
Шавкат Мирзиёев Остонада «Келажак ўйинлари» очилиш маросимида иштирок этди

Ўзбекистон Республикаси Президенти Шавкат Мирзиёев Қозоғистон пойтахти Остона шаҳрида бўлиб ўтган «Келажак ўйинлари» халқаро мусобақасининг тантанали очилиш маросимида иштирок этди.

«Барис Арена» муз саройида ташкил этилган тадбирда Қозоғистон Президенти Қосим-Жомарт Тўқаев, Қирғизистон Президенти Садир Жапаров, Тожикистон Президенти Эмомали Раҳмон ҳамда бошқа хорижий меҳмонлар ҳам қатнашди.

Telegram I Facebook I YouTube I Instagram
👍41🔥32😢1
Самарқандда газдан ноқонуний фойдаланган чойхона фош этилди

Самарқанд шаҳрида ўтказилган назорат тадбирида табиий газ тармоғига яширинча уланиб, ноқонуний фойдаланиб келган чойхона аниқланди. Дастлабки ҳисоб-китобларга кўра, етказилган зарар 385,3 миллион сўмни ташкил этган.

Бош прокуратура штаби томонидан Самарқанд шаҳрида ўтказилган назорат тадбирида фуқаро К.Р.га қарашли чойхонада табиий газдан ноқонуний фойдаланиш ҳолати фош этилди.

Аниқланишича, чойхона яширин йўллар билан газ тармоғига уланиб, табиий газдан ноқонуний фойдаланиб келган.

Дастлабки ҳисоб-китобларга кўра, ушбу қоидабузарлик оқибатида газ таъминоти корхонасига 385,3 миллион сўм миқдорида зарар етказилган.

Ҳолат юзасидан қонунчиликка мувофиқ тегишли чоралар кўрилмоқда.

Telegram I Facebook I YouTube I Instagram
🔥2😢1
Media is too big
VIEW IN TELEGRAM
Уй-жой нархи ошади

Эскроу тизими бўйича тўртта илмий ташкилот ўрганиш қилиб, ўз хулосасини берган: қурилиш нархи кўтарилиши эҳтимоли бор. Сабаби ҳозирги кунда қурувчилар пулни фуқаролардан тўғридан тўғри, ҳеч қандай фоиз ва рискларсиз олиб ишлатяпти. Бу тартибда эса кредит олгач, унга фоиз ҳисобланади.

Бизнинг асосий мақсадимиз — фуқароларнинг пул маблағларини ҳимоя қилиш, шунинг учун янги тизимни жорий қилишга мажбурмиз. Эртага, тўғри, уйнинг нархи кўтарилади, лекин фуқаро, масалан, уйни ололмай қолса, банкдан пулини бемалол олиши мумкин бўлади.

Жамшид Мирзаев, Урбанизация ва уй-жой бозорини барқарор ривожлантириш миллий қўмитаси масъул ходими.

Telegram I Facebook I YouTube I Instagram
😢6👎1
Media is too big
VIEW IN TELEGRAM
Саноат кооперацияси ва давлат харидлари агентлиги матбуот анжумани бўлиб ўтди

Жорий йилнинг 29 июль санасида Саноат кооперацияси ва давлат харидлари агентлигининг 2026 йил биринчи ярим йиллик фаолияти якунларига бағишланган матбуот анжумани бўлиб ўтди.

Унда саноат кооперациясини ривожлантириш, маҳаллийлаштириш лойиҳаларини қўллаб-қувватлаш, давлат харидларида очиқлик ва рақобатни ошириш, тадбиркорлар билан ҳамкорлик натижалари ҳамда йилнинг иккинчи ярми учун белгиланган устувор вазифалар ҳақида маълумот берилди.

Telegram I Facebook I YouTube I Instagram
👍2🔥2
Media is too big
VIEW IN TELEGRAM
Энди дунё автомобилларида “Made in Uzbekistan” ёзуви ҳам бўлади!

Ўзбекистон технологик металлар комбинати Марказий Осиёда илк бор автомобиль саноати учун юқори аниқликдаги металл деталлар ишлаб чиқарувчи Smart Powder заводини ишга туширмоқда.

Лойиҳага 25,2 миллион доллар инвестиция йўналтирилди. Корхона замонавий Press and Sinter технологияси асосида йилига 50 миллион дона юқори сифатли деталь ишлаб чиқариш қувватига эга бўлади.

Энг муҳими, мазкур маҳсулотлар халқаро автомобиль ишлаб чиқарувчиларига етказиб берилади. Бу эса яқин келажакда дунёнинг турли мамлакатларида ҳаракатланаётган автомобиллар таркибида Ўзбекистонда ишлаб чиқарилган деталлар ҳам бўлишини англатади.

Бу — мамлакатимиз саноати ва экспорт салоҳиятини янги босқичга олиб чиқадиган муҳим қадамдир.


Telegram I Facebook I YouTube I Instagram
👍3🤔2
Media is too big
VIEW IN TELEGRAM
Тошкентда давлат ерини ноқонуний расмийлаштиришни ваъда қилган мансабдор ушланди

Тошкент шаҳрининг Юнусобод туманида ер ҳисоби юритиш шўбаси мутахассиси қонунга зид ҳаракатлари билан фош этилди.

Маълум бўлишича, у Тошкент вилоятида жойлашган 52 сотих ер майдонидаги нотурар бинони давлат кадастр хизматида ишловчи танишлари орқали турар жой сифатида расмийлаштириб беришни ваъда қилган. Шунингдек, бино атрофидаги яна 14 сотих давлат ерини мазкур ҳудудга қўшиб, коттежлар қуриш учун рухсатнома олиб бериш эвазига 5 минг АҚШ доллари талаб қилган.

У 5 минг долларни олган вақтида ҳуқуқни муҳофаза қилувчи органлар томонидан қўлга олинди.

Мазкур ҳолат юзасидан жиноят иши қўзғатилган. Тергов ҳаракатлари давом этмоқда.

Telegram I Facebook I YouTube I Instagram
🔥6