EFFECT.UZ | Расмий канал
✔
17.2K subscribers
71.9K photos
18.9K videos
36 files
73.3K links
🌐 EFFECT.UZ ахборот агентлигининг расмий Telegram канали

Батафсил: @effectuz_live
Сайт: www.effect.uz

Мурожаат ва ҳамкорлик таклифлари учун: @effectgamurojaat

Почта: www.effect.uz@gmail.com

Алоқа учун:
+998971663232
+998979663232
Download Telegram
Ўзбекистонда бир йилда 11 мингдан ортиқ эркак ўзидан катта аёлга уйланган

Ўзбекистонда 2025 йилда 11 040 та никоҳда келиннинг ёши куёвникидан катта бўлган. Бу ҳақда Миллий статистика қўмитаси маълумотлари хабар бермоқда.

Ҳудудлар кесимида:

— Тошкент шаҳри — 1 809 та
— Хоразм вилояти — 1 066 та
— Қашқадарё вилояти — 995 та
— Бухоро вилояти — 979 та
— Самарқанд вилояти — 967 та
— Тошкент вилояти — 928 та
— Сурхондарё вилояти — 850 та
— Қорақалпоғистон Республикаси — 772 та
— Фарғона вилояти — 715 та
— Наманган вилояти — 509 та
— Андижон вилояти — 486 та
— Жиззах вилояти — 373 та
— Навоий вилояти — 351 та
— Сирдарё вилояти — 240 та

Энг кўп бундай никоҳлар Тошкент шаҳрида, энг кам кўрсаткич эса Сирдарё вилоятида қайд этилган.

Telegram I Facebook I YouTube I Instagram
👎3😢1
Фарғонада Кадастрлар палатаси филиали раҳбарига нисбатан жиноят иши қўзғатилди

Фарғона вилоятида Кадастрлар палатаси филиали раҳбари 600 АҚШ доллари пора олгани фош этилди.

Маълум қилинишича, мансабдор шахс ноқонуний қурилган савдо дўконига оид далолатномани бекор қилдириш ва қонуний чора кўрилмаслигини таъминлаш эвазига фуқародан 600 доллар олган.

Бироқ у ваъдасини бажармаган ва кейинчалик фуқарога 500 долларини қайтариб берган.

Ҳолат Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан ўтказилган тезкор-қидирув тадбирлари давомида аниқланган.

Мазкур ҳолат юзасидан мансабдор шахсга нисбатан жиноят иши қўзғатилган. Айни вақтда дастлабки тергов ҳаракатлари олиб борилмоқда.

Telegram I Facebook I YouTube I Instagram
🤔2
Самарқанд шаҳри ҳудуди 17,2 минг гектарга кенгайтирилади

Сенат Самарқанд туманини тугатиш ҳамда бир қатор ҳудудлар чегараларини ўзгартириш тўғрисидаги қарорни қабул қилди.

Қарорга кўра, Самарқанд шаҳри таркибига 17 226,5 гектар ер майдони қўшилади.

Шунингдек, Самарқанд тумани тугатилади. Туманга тегишли 28 295 гектар ер майдони Тойлоқ туманига ўтказилади.

Ҳудудларни қайта тақсимлашдан асосий мақсадлар:
— Самарқанд шаҳрини кенгайтириш;
— инвестицион ва туристик жозибадорликни ошириш;
— транспорт инфратузилмасини яхшилаш;
— саноат ва хизмат кўрсатиш соҳаларини ривожлантириш.

Сенатда маълум қилинишича, Самарқанд шаҳри аҳолиси ҳозирда 880 минг нафарга етган.

Янги ҳудудларда кичик саноат зоналари, технопарклар ва юқори технологияли корхоналар ташкил этилиши, шунингдек, туризм, қурилиш ва хизмат кўрсатиш соҳаларида янги иш ўринлари яратилиши кутилмоқда.

Шу билан бирга, 6 263 гектар қишлоқ хўжалиги ерларининг тоифаси ўзгартирилмайди.

Мазкур қарор маҳалла фуқаролар йиғинлари, халқ депутатлари шаҳар ва туман Кенгашлари ҳамда вилоят Кенгашида муҳокама қилиниб, маъқулланган.

Telegram I Facebook I YouTube I Instagram
🤔1
Энди 500 долларгача валюта хариди учун паспорт талаб этилмайди

Эндиликда банкларда 500 АҚШ долларигача нақд чет эл валютасини сотиб олишда паспорт ёки ID-карта талаб этилмайди.

Янги тартиб 9 августдан кучга кирди.

Аввал ҳужжатсиз валюта хариди лимити 100 доллар эди. Янги тартиб билан бу миқдор 5 баробарга оширилди.

Telegram I Facebook I YouTube I Instagram
👍1
Таиланддаги мактаб отишмасида 9 киши ҳалок бўлди

14 ёшли ўқувчи аввал уйида, сўнг мактабда ўт очган. У қуролдан фойдаланишни ижтимоий тармоқлар орқали ўргангани айтилмоқда.

Таиланднинг Нонтхабури провинциясида 14 ёшли ўқувчи уйида ва мактабида ўт очиши оқибатида саккиз киши ҳалок бўлди. Ўсмир ҳодисадан сўнг ўз жонига қасд қилган.

Полиция маълумотига кўра, у қуролдан фойдаланишни ижтимоий тармоқлар орқали мустақил ўрганган. Терговда унинг зўравонлик мазмунидаги контентни мунтазам кузатгани, ўқиш билан боғлиқ босим, оилавий муаммолар ва дўстлари билан келишмовчиликлар ҳодисага таъсир қилган бўлиши мумкинлиги кўрилмоқда.

Ҳозиргача 17 нафар гувоҳ сўроқ қилинган. Таиланд ҳукумати ҳодисадан сўнг қуролга оид қонунчиликни кучайтиришни ваъда қилган.

Telegram I Facebook I YouTube I Instagram
👎1🤔1
10 август куни автомобилдан фойдаланган давлат хизматчилари жавобгарликка тортилади

«Автомобилсиз кун» акциясида иштирок этмаган давлат фуқаролик хизматчиларига нисбатан чора кўрилиши мумкин.

Президентнинг 2026 йил 25 мартдаги «Тоза ҳаво» умуммиллий лойиҳасини амалга ошириш чора-тадбирлари тўғрисидаги фармонига мувофиқ, ҳар ойнинг 10 ва 25 саналари «Автомобилсиз кун» сифатида ўтказилмоқда.

Ушбу акция доирасида давлат фуқаролик хизматчилари томонидан шахсий ёки хизмат автотранспорт воситаларидан фойдаланиш жавобгарликка сабаб бўлади.

Telegram I Facebook I YouTube I Instagram
🤷‍♂2👍2
Татаристондаги нефтни қайта ишлаш заводига ҳужум қилинди

Россия ҳудудларига дронлар ҳужуми кучайди.

Татаристоннинг Нижнекамск шаҳрида портлашлар ҳақида хабарлар тарқалди. Украина мониторинг лойиҳалари маҳаллий нефтни қайта ишлаш мажмуасига ҳужум қилинганини маълум қилди.

Россия расмийларига кўра, бир кечада мамлакат ҳудудлари узра юзлаб дронлар аниқланган. Мудофаа вазирлиги ҳаво ҳужумидан мудофаа кучлари 456 та дронни урб туширганини билдирди.

Telegram I Facebook I YouTube I Instagram
🔥1
Хитойда кучли бўрон сабаб бир миллиондан ортиқ одам эвакуация қилинди

Йилнинг энг кучли бўронларидан бири шарқий Хитойга етиб келди.

Хитойнинг шарқий ҳудудларида, жумладан Шанхай шаҳрида «Долфин» тайфуни сабаб бир миллиондан ортиқ аҳоли хавфсиз ҳудудларга эвакуация қилинди.

Кучли ёмғир ва шамол транспорт ҳаракатига жиддий таъсир кўрсатди. Фақат Шанхайнинг ўзида қарийб 1000 та авиақатнов бекор қилинган.

Метеорологлар кучли ёғингарчилик, сув тошқинлари ва кўчки хавфи сақланиб қолаётгани ҳақида огоҳлантирмоқда.

Telegram I Facebook I YouTube I Instagram
🤔1
This media is not supported in your browser
VIEW IN TELEGRAM
Жиззахда ресторанда ҳисобни тўламай жанжал қилганлар ушланди

Маст ҳолатдаги бир гуруҳ шахс ресторанда тўловни амалга оширмай, жанжал кўтарган.

Жиззах вилояти Фориш туманидаги ресторанда 5 август куни маст ҳолатдаги бир гуруҳ шахс буюртма қилинган таомлар учун ҳақ тўламай, жамоат тартибини бузган.

Вилоят ИИБ маълумотига кўра, тартиббузарлардан бири — аввал судланган аёл ходимларнинг қонуний талабларига бўйсунмаган ва жанжални давом эттирган. Шу сабабли у ҳушёрхонага жойлаштирилган. Текширувда унинг танасида жароҳат аниқланмаган.

Кейинчалик аёлнинг қизлари ҳушёрхонага келиб, жамоат тартибини бузган, ходимларни ҳақорат қилган ва уларга нисбатан зўравонлик қилишга уринган.

Telegram I Facebook I YouTube I Instagram
🔥2
Нафақага чиқариб беришни ваъда қилган мутахассис ушланди

Наманганда фуқароларни нафақага чиқариб бериш ва нафақа миқдорини оширишни ваъда қилган мутахассис фирибгарликда гумонланиб ушланди.

Бош прокуратура ҳузуридаги Департаментнинг Наманган шаҳри бўлими ходимлари томонидан ўтказилган тезкор тадбирда Бюджетдан ташқари Пенсия жамғармаси Наманган шаҳар бўлими бош мутахассиси Ж.А. қўлга олинган.

Маълум қилинишича, у икки нафар фуқарони ёшга доир нафақага чиқариб бериш ҳамда нафақа пулларини оширишни ваъда қилиб, улардан 200 АҚШ доллари ва 4,8 миллион сўмни фирибгарлик йўли билан олган вақтида ашёвий далиллар билан ушланган.

Мазкур ҳолат юзасидан Жиноят кодексининг 25, 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.

Telegram I Facebook I YouTube I Instagram
Украина Туркиядан 70 та ATACMS ракета сотиб олмоқчи

АҚШ Давлат департаменти Украинага Туркия захираларидан 70 та ATACMS баллистик ракета, 12 та M270 MLRS қурилмаси ва бошқа ўқ-дориларни етказиб беришга рухсат беришга тайёрлигини билдирган.

Ҳужжатларга кўра, қурол-яроғ пакетининг умумий қиймати тахминан 280 миллион долларни ташкил этади.

Реэкспорт учун АҚШ Конгресси 15 кун ичида битимни блокламаса, рухсат автоматик равишда кучга киради.

Telegram I Facebook I YouTube I Instagram
👍2
Media is too big
VIEW IN TELEGRAM
Бухорода ноқонуний дорилар муомаладан олинди

Бухоро шаҳридаги дорихоналардан бирида 390 миллион сўмлик контрафакт ва ҳужжатсиз дори воситалари аниқланди.

Тезкор тадбир давомида «Kabiven» номли дори воситасини ҳужжатсиз ҳолда 1,8 миллион сўмдан сотаётган шахс ушланган.

Дорихона кўздан кечирилганда ўзбек тилидаги маркировкага эга бўлмаган 114 турдаги 650 қути сифатсиз ва ноқонуний дори воситалари аниқланиб, ашёвий далил сифатида олинган.

Ҳолат юзасидан тегишли ҳужжатлар расмийлаштирилиб, масъул органларга юборилган.

Айни вақтда Божхона хизмати томонидан суриштирув ва текширув тадбирлари давом эттирилмоқда.

Telegram I Facebook I YouTube I Instagram
🤔1
This media is not supported in your browser
VIEW IN TELEGRAM
Месси отасининг дафн маросимида иштирок этди

Маросим Росарио шаҳри яқинидаги қабристонда яқинлари иштирокида ўтказилди.

Лионель Месси Аргентинанинг Росарио шаҳри яқинида жойлашган «Эль Прадо» қабристонида отаси Хорхе Мессининг дафн маросимида иштирок этди.

EFE маълумотига кўра, маросим кичик доирада ва кучайтирилган хавфсизлик чоралари остида ўтказилган.

Telegram I Facebook I YouTube I Instagram
😢2
Жиззахда 77 ёшли таксичини ўлдириб, машинасини олиб қочган шахс 20 йилга қамалди

Жиззах вилоятида 77 ёшли такси ҳайдовчисини бўғиб ўлдириб, унинг автомашинаси, телефони ва пулини олиб қочган шахсга 20 йиллик қамоқ жазоси тайинланди.

Суд ҳукмига кўра, судланувчи қасддан одам ўлдириш, босқинчилик ҳамда транспорт воситасини олиб қочишда айбдор деб топилган.

У 77 ёшли такси ҳайдовчисини бўғиб ўлдирган ва унинг Nexia-3 автомашинаси, мобиль телефони ҳамда пулини олиб қочган.

Суд унга 20 йил муддатга озодликдан маҳрум қилиш жазосини тайинлади.

Telegram I Facebook I YouTube I Instagram
🔥2
Филиппинда сув тошқини ва кўчкиларда 12 киши ҳалок бўлди

Табиий офат оқибатида яна 8 киши бедарак йўқолган.

Филиппинда кучли ёғингарчиликлар оқибатида юз берган сув тошқини ва тупроқ кўчкилари сабаб 12 киши ҳалок бўлди. Яна 8 киши бедарак йўқолган.

Қутқарув хизматлари йўқолганларни қидириш ишларини давом эттирмоқда.

Telegram I Facebook I YouTube I Instagram
👎1