📚📚Ижтимоий тармоқларда бизни кузатинг:
Telegram | Instagram | Youtube

5️⃣5️⃣ 🔠🔠🔡
ТОШКЕНТ ИСЛОМ ИНСТИТУТИ ТАШКИЛ ЭТИЛГАНИГА 55 ЙИЛ ТЎЛДИ

Шундай таълим масканлари борки, уларнинг қадр-қиммати фақат мутахассислар билан эмас, балки жамиятнинг маънавий қиёфаси, диний тафаккури ва илмга бўлган муносабати шаклланишидаги ўрни билан белгиланади.
Имом Бухорий номидаги Тошкент ислом институти ҳам ана шундай муборак илм масканларидан.
Олий маъҳад 1971 йилда ташкил этилган олий диний таълим муассасаси эллик беш йиллик фаолияти давомида диний билимларни пухта эгаллаган, миллий ва диний қадриятларга содиқ, маърифат ва маънавият йўлида хизмат қилишга тайёр кўплаб мутахассисларни тарбиялаб келмоқда.
Бугун  Имом Бухорий номидаги Тошкент ислом институти ташкил этилганининг 55 йиллик юбилейи муносабати биланЎзбекистондаги Ислом цивилизацияси маркази биноси мажлислар залида «Долзарб ақидавий ва замонавий фиқҳий масалалар» мавзусида анжуман бўлиб ўтди.
Тадбирда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлар бўйича қўмита раисининг биринчи ўринбосари Давронбек Махсудов, уламолар, институт профессор-ўқитувчилари қатори Тошкент шаҳар бош имом-хатиби Абдуқаҳҳор домла Юнусов ҳам иштирок этдилар.
Ислом цивилизациясининг юксалишида илмга эҳтиром, далилга таяниш, тафаккур ва таҳлилга кенг йўл очиш муҳим ўрин тутган. Мовароуннаҳр заминидан етишиб чиққан Имом Бухорий, Имом Мотуридий, Имом Термизий, Абу Мансур Мотуридий ва Бурҳониддин Марғиноний каби алломаларнинг бой илмий мероси бунинг ёрқин далилидир. Уларнинг асарлари нафақат ўтмишнинг бебаҳо маънавий хазинаси, балки бугунги авлод учун ҳам илмий изланиш, тўғри фикрлаш ва мураккаб масалаларга холис ёндашиш мактабидир.
Анжуманнинг Ўзбекистондаги Ислом цивилизацияси марказида ташкил этилиши ҳам ўзига хос рамзий маънога эга. Зеро, бундай илмий мулоқотлар тарихий меросни фақат хотирлаш эмас, балки унинг бугунги ҳаётдаги аҳамиятини очиб бериш, миллий маънавият ва диний маърифатни ривожлантиришга хизмат қилади. Илмий меросни ўрганишнинг ҳақиқий самараси эса ундаги билим ва тажрибани бугунги авлоднинг маънавий эҳтиёжлари, таълим-тарбия жараёни ҳамда жамиятдаги долзарб масалалар билан боғлай олишда намоён бўлади.
Тадбир шўъбаларга бўлинган ҳолда ўтказилгани яна бир карра Исломнинг илм-маърифатни кенг тарғиб этувчи дин эканини англатади.

Тошкент шаҳар вакиллиги
Матбуот хизмати

📲Улашинг | @MuslimShosh