የ1448 ዓ.ሂ የሐጅ ጉዞን አስመልክቶ በሐጅና ዑምራ ዘርፍ እና በዑለማ ጉባዔ መካከል ውይይት ተካሄደ።
••••••••••••••••••••••••••••••••••••••••••••••••••••
መስከረም 14 /2019 ዓ.ል| ረቢዑል ሳኒ 13/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••
አዲስ አበባ |

​የኢትዮጵያ እስልምና ጉዳዮች ጠቅላይ ምክር ቤት የሐጅና ዑምራ ዘርፍ እና የዑለማእ ጉባኤ የሥራ ኃላፊዎች በ2019 የሐጅ ጉዞ ዝግጅት ዙሪያ ውይይት አድርገዋል።
​
የጠቅላይ ምክር ቤቱ የኡለማ ጉባዔ ዘርፍ ምክትል ፕሬዝዳንት ሸይኽ ጁነይድ ሐምዛ ዩሱፍ በውይይቱ ላይ ሁጃጆች ወደ ሳውዲ አረቢያ ከማቅናታቸው በፊትና በጉዞው ወቅት ተከታታይ የሐጅ አደራረግ ትምህርት (መናሲከል ሐጅ) እንዲያገኙ ዑለማዎች ከዚህ ቀደሙ የተሻለ የዳዕዋ ስራ ይሰራሉ ብለዋል።

የዳዕዋ ስራው ሁጃጆች የሐጅን ህግጋት በደንብ እንዲረዱና እንዲተገብሩት ያግዛልም ነው ያሉት ምክትል ፕሬዝደንቱ።

የጠቅላይ ምክር ቤቱ የሐጂና ዑምራ ዘርፍ ምክትል ኃላፊ ዑስታዝ ፈይሰል ዑመር በበኩላቸው በዘርፉ የሥራ ኃላፊዎች እና በዐሊሞች መካከል ያለው ቅንጅት የሐጅ ጉዞው የተሳካና ለሁጃጆች ምቹ እንዲሆን ከፍተኛ አስተዋጽኦ እንደሚያደርግ ገልጸዋል።

በውይይቱ የሐጅ ተጓዦች (የአል-ራሕማን እንግዶች) የሐጅ ሥርዓታቸውንና ዒባዳቸውን በእውቀት ላይ ተመስርተው እንዲፈጽሙ በሚቻልባቸው መንዶች ላይ በጋራ ለመስራት ስምምነት ላይ ተደርሷል።
•••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

የኢትዮጵያ እስልምና ጉዳዮች ጠቅላይ ምክር ቤት በወላይታ ሶዶ ለ100 ኢማሞችና ኡስታዞች ስልጠና መስጠት ጀመረ።
••••••••••••••••••••••••••••••••••••••••••••••••••••••
መስከረም 14 /2019 ዓ.ል| ረቢዑል ሳኒ 13/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••
ወላይታ ሶዶ |

የኢትዮጵያ እስልምና ጉዳዮች ጠቅላይ ምክር ቤት የዑለማዕ ጉባኤ ጽህፈት ቤት ከቡንያን ዓለም አቀፍ ዩኒቨርሲቲ ጋር በመተባበር በደቡብ ኢትዮጵያ ክልል ለሚገኙ 50 ኢማሞች እና 50 ኡስታዞች አቅም ማጎልበቻ ስልጠና መስጠት ጀመረ።

​በደቡብ ኢትዮጵያ ክልል እስልምና ጉዳዮች ከፍተኛ ምክር ቤት አስተባባሪነት በወላይታ ሶዶ ከተማ እየተካሄደ የሚገኘው ይህ ስልጠና፥ በጠቅላይ ምክር ቤቱ የዑለማዕ ጉባዔ ከፍተኛ የኢስላም ምሁራን (ልሂቃን) የሚሰጥ ነው።

​የስልጠናውን መርሃ ግብር በንግግር የከፈቱት የጠቅላይ ምክር ቤቱ ህዝብ ግንኙነትና ሚዲያ ዘርፍ ኃላፊ ኡስታዝ ፋሪስ ጀማል እንደገለጹት ሰልጣኞች የሚሰጣቸውን ትምህርት በጥንቃቄ በመከታተል ያገኙትን እውቀትና ክህሎት ወደ ተግባር በመቀየር ማህበረሰባቸውን በቅንነት ማገልገል እንዳለባቸው አሳስበዋል።

​አካባቢው የኢስላም ምሁራን እጥረት ያለበት በመሆኑ፥ ሰልጣኞች ከስልጠናው የሚያገኙትን እውቀት ለሌሎች በማካፈልና በማስተላለፍ የበኩላቸውን ድርሻ እንዲወጡም ኡስታዝ ፋሪስ ጥሪ አቅርበዋል።

​ለስድስት ቀናት ያህል የሚቆየው ይህ ስልጠና የጠቅላይ ምክር ቤቱ ዑለማእ ጉባኤ ጽህፈት ቤት ከቡንያን አለማቀፍ ዩንቨርስቲ ጋር በመተባበር በተለያዩ የሀገሪቱ ክልሎች ሲያካሂዳቸው የቆያቸው ተመሳሳይ የአቅም ግንባታ ስራዎች አካል መሆኑም ተመልክቷል።
•••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

በሻሸመኔ ከተማ ሲሰጥ የቆየው የ2019 ግምገማዊ ስልጠና ተጠናቀቀ።
•••••••••••••••••••••••••••••••••••••••••••••••••••••
መስከረም 14/2019 ዓ.ል| ረቢዑል ሳኒ 13/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••
የኢትዮጵያ እስልምና ጉዳዮች ጠቅላይ ምክር ቤት የሐጅና ዑምራ ዘርፍ የ2019 የሀጅ ጉዞን ከቀደሙ ዓመታት የላቀ ለማድረግ የተለያዩ የቅድመ ዝግጅት ስስሳረዎችን እያከናወነ ይገኛል።

የቅድመ ዝግጅቱ አካል የሆነው ግምገማዊ ስልጠና በሻሸመኔ ከተማ ሲከናወን የቆዬ ሲሆን በዛሬው ዕለት ተጠናቋል።

በስልጠናው ላይ የኦሮሚያ፣ የሲዳማ፣ የደቡብ ኢትዮጵያ፣ እና የሶማሌ ክልል የሀጅ ዑምራ ዘርፍ የስራ ኃላፊዎች እንዲሁም የሀጅ ምዝገባ ጣቢያ ባለሙያዎች የተሳተፉ ሲሆን የኢትዮጵያ እስልምና ጉዳዮች ጠቅላይ ምክር ቤት በምክትል ፕሬዝዳንት ማዕረግ የሀጅና ኡምራ ዘርፍ ኃላፊ ዶክተር መሐመድሷሊህ በበይነ መረብ ለሰልጣኞች መልዕክት አስተላልፈዋል።

ዶክተር መሐመድሳሊህ በዚህ መልዕክታቸው የባለፈው ዓመት የሀጅ አገልግሎት በስኬት እንዲጠናቀቅ የሀጅና ዑምራ ዘርፍ ኃላፊዎችእና የምዝገባ ጣቢያ ሠራተኞች ሚና ከፍተኛ እንደነበረ ገልጸው ባለፈው ዓመት የተገኘው የላቀ ውጤት በተሻለ ሁኔታ እንዲደገም በቅንጅት መስራት ይገባል ሲሉ አሳስበዋል።

የጠቅላይ ምክር ቤት የሐጅና ዑምራ ዘርፍ የክልል ምዝገባ ማዕከላት ኃላፊ ሸይኽ ኢስሀቅ አደም በበኩላቸው በአቅም ግንባታ ስልጠናው ባለፈው ዓመት የነበሩ ክፍተቶች ታርመው ካለፉት ዓመታት የላቀ ውጤት እንዲመዘገብ በሚያስችል መልኩ እንዲከናወን ያግዛል ብለዋል።

የጠቅላይ ምክር ቤቱ የሐጅና ዑምራ ጉዞ ማስተባበሪያ ዴስክ ኃላፊ ሀጅ ጀማል ኢብራሂም እና የሲስተም ዴስክ ኃላፊ ሀጂ አብዱሰላም ዑስማን በጋራ ስለዲጂታል ሲስተም አጠቃቀም ሙያዊ ማብራሪያ ሰጥተዋል።

በጠቅላይ ምክር ቤቱና በክልል የሐጅና ዑምራ ዘርፎች መካከል ያለውን የመረጃና የሥራ ቅንጅት በማጠናከር ሁጃጆች ተገቢ አገልግሎት እንዲያገኙ ለማድረግ ስልጠናው እንደሚያግዛቸው ሰልጣኞች ጠቅሰዋል።

ሶስተኛው ዙር የሀጅና ዑምራ ዘርፍ ግምገማዊ ስልጠና በአዲስ አበባ ከተማ እንደሚቀጥልም ተመላክቷል።
••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1