ሀገር አቀፍ የቤተሰብ እቅድ አገልግሎት ላይ ፈትዋ ለመስጠት የሚረዳ ምክክር አውደ ጥናት በአዳማ ተጀምሯል።

••••••••••••••••••••••••••••••••••••••••••••••••
መስከረም 19/2019 ዓ.ል| ረቢዑል ሳኒ 18/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••••••••
አዳማ |

አውደ ጥናቱ ዛሬን ጨምሮ ለሁለት ቀናት የሚካሄድ ሲሆን የፌደራል፣ የክልልና የከተማ የዑለማ ጉባዔ የፈተዋ ቋሚ ኮሚቴ አባላት፣ የጤና ሚኒስቴር እና የኮራህ (CORHA) የሥራ ኅላፊዎች ተሳታፊ ሆነዋል።

በአውደ ጥናቱ መክፈቻ ላይ የጠቅላይ ምክር ቤቱ የዑለማ ጉባዔ የፈተዋ ቋሚ ኮሚቴ ሰብሳቢ ዶክተር ጀይላን ኸድር ባደረጉት ንግግር ፣ ፈትዋ በኢስላም ህግ እና አስተምህሮ ውስጥ ከፍተኛ እና አስፈላጊ ቦታ ያለው ሃይማኖታዊ ውሳኔ ወይም ብያኔ የሚሠጥበት ሂደት መሆኑን ተናግረዋል።

አዲስ ለተከሰቱ ወይም ግልጽ ያልሆኑ ሃይማኖታዊ፣ ማህበራዊ፣ ኢኮኖሚያዊ እና ግላዊ ጉዳዮች ከቁርኣን እና ከሐዲሥ በመነሳት የሚሰጠው ህጋዊ ማብራሪያ ወይም ውሳኔ በቀጣይ አለማዊ ህግ ሆነው ሊያገልገል እንደሚችሉም ተናግረዋል።
በዚህ አወደ ጥናትላይ የሚቀርቡ የቤተሰብ እቅድ አገልግሎት በእናቶችና ህፃናት ጤና ላይ ያተኮሩ ጥናታዊ ፅሁፎች በዑለሞቹ ታይተው ፈተዋ ( ሃይማኖታዊ) ብያኔ እንደሚሰጥባቸውም ተናግረዋል።

የተባበሩት መንግሥታት ድርጅት የሥነ የሕዝብ ፈንድ (UNFPA) ተወካይ ሚስተር ቶ ታይዎ ኦሉዮሚ፣ በበኩላቸው የምክክር መድረኩ ከዑለሞቹ ጋር የበለጠ መግባባትን በመፍጠር፣ እምነትን በማጠናክር፣ የቤተሰቦችና የማህበረሰቦች ደህንነትና የአናቶችና የህጻናት ጤና ላይ የሚሰጠውን ሃይማኖታዊ ብያኔ መሠረት በማድረግ መመሪያን ለማዘጋጀት እድል ይፈጥራል ብለዋል።

የኮራህ ተወካይ ወ/ሮ ቤተልሄም በዛብህ በኢስላም አስተምህሮ መሠረት በዑለሞች የሚሠጠውን የቤተሰብ እቅድ አገልግሎትን ብያኔ መሠረት አድርገው በቀጣይ በትብብር ለመሥራት ድርጅታቸው ዝግጁ መሆኑን ተናግረዋል።
ዛሬ በአዳማ የተጀመረው ሀገር አቀፍ የቤተሰብ እቅድ አገልግሎት ፈትዋ ለማዘጋጀት ግብኣት ለማሰባሰብ እንዲቻል ምክክር አውደ ጥናቱ ላይ የተለያዩ ጥናታዊ ፅሁፎችና ተሞክሮዎች ቀርበው ውይይት ይደረግባቸዋል።

•••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

#የስራ #ቅጥር #ማስታወቂያ
የኢትዮጵያ እስልምና ጉዳዮች ጠቅላይ ምክር ቤት ከዚህ በታች በተጠቀሱት ክፍት የሥራ መደቦች መስፈርቱን የሚያሟሉ አመልካቾችን አወዳድሮ መቅጠር ይፈልጋል።

የአል-ባሳር ኢንተርናሽናል ፋውንዴሽን የህክምና ሉዑክ የምስጋናና የሽኝት መርሃ-ግብር ተካሄደ

•••••••••••••••••••••••••••••••••••••••••••••••
መስከረም 20/2019 ዓ.ል| ረቢዕ አል ሳኒ 19/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
አዲስ አበባ l

​የአል-ባሳር ኢንተርናሽናል ፋውንዴሽን ከኢትዮጵያ እስልምና ጉዳዮች ጠቅላይ ምክር ቤት የልማት ክንፍ ከሆነው ከአወሊያ እርዳታና ልማት ድርጅት ጋር በመተባበር ነፃ የአይን ሞራ ግርዶሽ ቀዶ ህክምና ሲሰጥ ለነበረው የህክምና ቡድን የእውቅና፣ የምስጋና እና የሽኝት መርሃ-ግብር አካሄደ።

​በሽኝት መርሃ-ግብሩ ላይ የተገኙት የኢትዮጵያ እስልምና ጉዳዮች ጠቅላይ ምክር ቤት ስራ አስፈጻሚ እና የማህበራዊ አገልግሎት ዘርፍ ተጠሪ ዶክተር ኢብራሂም አህመድ፤ ለአል-ባሳር ኢንተርናሽናል ፋውንዴሽን፣ ለኪንግ ሳልማን የሰብአዊ እርዳታ ድርጅት፣ ለህክምና ቡድኑ አባላት፣ ለበጎ ፈቃደኞች እና ለስራው መሳካት አስተዋጽኦ ላደረጉ አጋሮች በሙሉ ምስጋና አቅርበዋል።

ዶክተር ኢብራሂም አያይዘውም፦ "ያከናወናችሁት ተግባር ለሰው ልጅ ደህንነት በሚደረገው አለም አቀፋዊ ጥረት ውስጥ የምህረትና የልግስና ማሳያ ከመሆኑ ባሻገር፣ ሰብአዊ አገልግሎትን የሚያበረታታና የሚያነሳሳ ነው" ብለዋል።

​የአወሊያ ጤና ጣቢያ ሜዲካል ዳይሬክተር ዶክተር አብዱልአዚዝ ጀማል በበኩላቸው፤ የህክምና ቡድኑ በአዲስ አበባ፣ በጂጂጋ እና በወራቤ ከተሞች ባካሄደው የህክምና ዘመቻ የብርሃን ማጣት ችግር የነበረባቸውን 6,702 ዜጎች ተደራሽ ማድረግ መቻሉን ገልጸዋል።

በዘመቻውም ነፃ የምርመራ፣ የአይን ሞራ ግርዶሽ ቀዶ ጥገና፣ የመነፅር እና የመድኃኒት ድጋፍ አገልግሎቶች መሰጠታቸውን በሪፖርታቸው አብራርተዋል።

​የአወሊያ እርዳታና ልማት ድርጅት ዋና ስራ አስኪያጅ ሀጂ ሰዒድ እስማረ፤ የአል-ባሳር ኢንተርናሽናል ፋውንዴሽን የህክምና ልዑካን የተጣለባቸውን ሃላፊነት በውጤታማነት በማጠናቀቃቸው አመስግነዋል። ለአገልግሎቱ የላቀ አስተዋፅኦ ላበረከቱ የህክምና ቡድኑ አባላትም የክብር የምስክር ወረቀትና ስጦታዎች ተበርክቶላቸዋል።

​የአል-ባሳር ኢንተርናሽናል ፋውንዴሽን ሜዲካል ዳይሬክተር እና የልዑኩ መሪ ፈክሩዲን ደካን ላደረገላቸው አቀባበልና ትብብር ምስጋና አቅርበው፤ ፋውንዴሽኑ በኢትዮጵያ የሚያደርገውን መሰል ነፃ የህክምና አገልግሎትና የአይን ጤና ሽፋን የማስፋፋት ስራ አጠናክሮ እንደሚቀጥል አረጋግጠዋል።

​በዚሁ የምስጋናና የሽኝት መርሃ-ግብር ላይ የጠቅላይ ምክር ቤቱ ስራ አስፈጻሚዎች፣ የአወሊያ አመራሮች፣ባለድርሻ አካላት እና ጥሪ የተደረገላቸው እንግዶች ተገኝተዋል።

•••••••••••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1

ለ1448/2019 ኢትዮጵያውያን የሐጅ ተጓዦች አስፈላጊ አገልግሎቶችን የሚሰጡ ድርጅቶች ተለዩ ።
••••••••••••••••••••••••••••••••••••••••••••••••
መስከረም 20/2019 ዓ.ል| ረቢዑል ሳኒ 19/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••••••••
መካ |

​ የኢትዮጵያ እስልምና ጉዳዮች ጠቅላይ ምክር ቤት ለ1448/2019 የሐጅ ወቅት በሳዑዲ ዓረቢያ ለሚገኙ ኢትዮጵያውያን የሐጅ ተጓዦች አስፈላጊ አገልግሎቶችን የሚሰጡ ድርጅቶችን በግልጽ ጨረታ አወዳድሮ አሸናፊዎችን ለይቷል።

​የሐጅ ወቅት ቅድመ ዝግጅት አካል የሆነው ይህ ጨረታ፣ ጠቅላይ ምክር ቤቱ መስከረም 7/2019 ዓ.ል (ረቢዑል ሳኒ 6/1448 ዓ.ሒ) በማኅበራዊ ትስስር ገፁ ባወጣው የግልጽ ጨረታ ጥሪ መሠረት የተከናወነ ነው።

በምክትል ፕረዚዳንት ማዕረግ የጠቅላይ ምክር ቤቱ የሐጅ ና ዑምራ ዘርፍ ኅላፊ ዶክተር ሙሐመድ ሷሊህ እንደገለጹት፣ በጥሪው መሠረት በዘርፉ የተሰማሩ በርካታ የሳዑዲ ዓረቢያ ኩባንያዎች በጨረታው ተሳታፊ መሆናቸውን ተናግረዋል።

​የውድድሩ ሂደት ግልጽነትና ፍትሃዊነትን በጠበቀ መልኩ መጠናቀቁን የጠቆሙት ዶክተር ሙሐመድ ሷሊህ፣ የአሸናፊ ድርጅቶች መለየት ለምዕመናን ቀልጣፋ፣ አስተማማኝና ጥራት ያለው የመስተንግዶ፣ የትራንስፖርት፣ የኬቴሪንግና የማረፊያ አገልግሎት ለመስጠት ትልቅ አስተዋጽኦ እንደሚኖረውም አመላክተዋል ።
​ጠቅላይ ምክር ቤቱ የዘንድሮውን የሐጅ ጉዞ ዝግጅት በጊዜ በመጀመር በሳዑዲ ዓረቢያ ለኢትዮጵያውያን ሑጃጆች የሚሰጠውን አገልግሎት ደረጃ ለማሻሻልና ያጋጥሙ የነበሩ እክሎችን ለመቅረፍ በትኩረት እየሰራ እንደሚገኝም ኅላፊው ተናግረዋል።

•••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1