"ومبيسمٍ يشتيه الدبس والزعفران
‏ سبحانه اللي من الخمر العتيق خلقه

‏تستيمنه وحمةٍ تغوي حروف البيان
‏تقول ربّك طبع «ختْم الجمال» شنقه" 🤍

"ترى البيوت الي تنال اعجابك
‏تفخر على باقي البيوت وتزمر."

‏"تمنيّتك حلالٍ لي و نسلى في خلا السالين
‏و طفل أحلامنا معنا.. يسلينا و يسّعدنا"
‏Vs
‏"ودريت إن كل شيءٍ لو يطول فالمدى له حد
‏وأنا ماني حبيبك لكن الأوهام.. خلتني"

تجين ؟

"تجين نشاور أهداب السحاب اللي جلس يرتاح
وش أحلا لون فص الشمس وإلا لون وجناتك

تجين نعلّم التوت المشي ونزخرف التفاح
ونشرح بالكرز والثلج كيف تسيل ضحكاتك

تجين نجدّل خيوط الشعاع ونكسر المصباح
ونشعل في حنايا العمر نور زهور خطواتك

تجين نقفّل أبواب الفراق ونبلع المفتاح
بعد مانسترد اللي من أحلام الوصل فاتك

تجين نحارب الدنيا ومن فيها بدون سلاح
أنا بالحب وإنتي بالجمال وسحر نظراتك

تجين بفالنا الطيب نقوّم حظنا لو طاح
ونربط في جناحين الأمل شرطان هقواتك

تجين نغمض عيون القلوب ونتبع الأرواح
وأراهن شمسك أني لأزور أبعد مداراتك

تجين نصارح القمرى بنور ظلالك الوضاح
ونكشف للسحاب ان البروق اسباب لفتاتك

تجين نسابق أنوار الفنار لنظرة الملاح
ونكتب للسفر مافيك لّذه غير آهاتك

تجين أبدل الباقي بعمري عمرك اللي راح
وأكون أول حبيب ٍ في نهاياته بداياتك

تجين نعد كم نجم ٍ تعثر في سناك وطاح
وكم بدر ٍ تمنى لو قباله مثل تقفاتك

وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك."
__عبدالمحسن بن سعيد.

ضحايا المعارك موت شعب وخراب أوطان
‏و ضحايا الهوى لا عاشوا أهله.. ولا ماتوا*

"صديق السهر دوّر لنا بالبلاد بلاد
‏يسج الفتى فيها من الوجد واللوعة."
— بندر الدويش.

«مزيّنك التَرَف، ما زيّنك خِلْخال و سوارة»

__سعود مهدي.

هاللّيله لها لون قصيدة سعود مهدي،
اللي مَطلعها:

"أَقبَل الليل و الليله سناء البدر ضاوي
طيب يا خاطري، و أقطف ثواني سَهَرها"

و منّها:

"المكان يتحرى من قدمها خطاوي
‏والدروب اتمنى تحتفظ في اثرها

‏في حورها بحر جيته مجيّ الفداوي
‏وش تكون النجاة؟ الا الغرق في حورها."

«وعطني مِن أسوّدك، ما يملا سنيني حداد.»

— عبدالله المِدعج، من قِصيدة "محتاج لي حِزن"

"اللّيل هذا قِديم! العام قد مرني
أحتاج شخص ملاه الحزن مثلي وعاد

عرفته: أول سدوله للبكـا جـرنـي
لكنه أقسى شوي وكنه أكثر سواد

يمر بوجيه واجد بس ما غرني
وجه يصحي بقلبي ما بقى من وِداد

ناديت له هات ما عندك بعد ورني
مليت مبطي جروحك عل عندك جداد

هات الجديد وعن اللي مبطيه ذِرني
وعطني من أسودك ما يملا سنيني حداد

رجعني لذكرياتي للوله سرني
تعال ما ابي أهل بعده ولا أبي بـلاد

خبيت حزني ومثلت الفرح عرني
نبش جروحي ما ابي لجروح قلبي ضماد

تعال قالوا دلهت عن الهوى برني
تعال قالوا نسيته مابقى بي رشاد

محتاج لي حزن قبل اليوم ما مرني
افتح شبابيك قلبي لليالي وناااد

قلي تعبت وباقول إن اللقا سرّني
إشتقت، أبي شي يرجع عقب طال البعاد."

آسفه لِهذا الكمّ من الحِزن.

«كم قصيدة شِعْر أراجعها وهي مسودّة
‏وأتحسّف كان في المشطوب كل إحساسي»

‏__فهد عافت.

"انتصرتي والهزيمه قاسية يَـ ام اللثامه
‏الهميني كلمتين جْداد وارميلك عَتَادي."
‏__احمد البحا.

﴿ إن الله ومَلائكته يُصلون على النَّبي يا أيُها الذين آمنُوا صَلوا عليه وَسَلِّموا تَسليماً ﴾

"يالعيّون الواسعه، ما لـ سِحرِك مداوي
منك العاشقين تشوف قِيمة نظرها

كيف أوصّفكْ؟ يا وجهٍ بِحِسنه سَماوي
و أنت حِسنك ملى سَمع الحياة و بصرها"
__سعود مهدي.

"سِقت قلبي؛ من شماله وسيَّرته جنوب
‏كيف أودِّع وأنت أخذت المودِّع والوداع؟"
‏__أبعاد التركي.