"انا ليا مني بغيت الحكي فيك
‏هرجت بالّلي فيك وأذنك توحى"
‏__وصل العطياني

‏"الكلام إن زاد في صدري وجيت أقوله
‏قلته وعينك تشوف وطبلة أذنك تسمع"
‏__عبدالله السراهيد.

"أشوفك ضحكة أيام السرور وبسمة الترحاب
‏هلا بك أنتِ و أحلام السنين و جرحك ضيوفي."
__عبدالملك الخربوش.

"بهرجك تقفَّاني وهرجك ما هو مكيال
‏وأنا أصغر بنات أفكاري أرجل من أمثالك."
__‏محمد ابن هرشان.

"غنيت للحب يـوم عيونها تغري
يـوم الوفا والكلام الطيب ألحاني

غنيت للدمع يـوم أن البكا كبري
واليوم أنا اكبر من دموعي وحرماني

اليوم ماعاد يمدي اللي جرح يبـري
مليت من كثـرة حطاياهم وغفراني

مليت أنا الشعر مل الشعر من شعري
مليت انا الحب مل الحب وجداني

ليه أنكسر بالعيون اللي تبي كسري؟
ليـه اتغرب ورا حزني وكتماني؟

-العين ماتستحي والوجـه مايـذري
ماعاد يجزي هل المعـروف بإحساني-

لو هي عليّه، عزيز النفس من صغري
ما أشاور القلب في كرهي لعدواني

إن رحت ياكثرهم وإن جيت ياكثري
ضاقت بي عيونهم لو كنـت وحدانـي

تعبت وازريت.. ما مليت من صبري
ليت الذي راح مني كثـر ما جاني

أحيان ودي أطيـح مـن التعب وازري
و تشيلني عزتـي وسلـوم جداني.."
__سعد الحريِّص.

"هلا مِنْك على عِمدان تقوّم حظي العاثر"
__سليمان المانع.

"يا وجهٍ تقول انّه من العافيه مقطوف
‏ليا شافها المؤمن.. تزحزح عن ايمانه"

"جمع ربي مشاعرنا الرقيقه عند وزن وقاف
‏مثل مايجتمع في وجهك الآخاذ شمس وظل

‏شعوري يوم احس ان النصيب اقوى من الأهداف
‏ شعور اللي تصيبه فالضلوع رصاصة المحتل"

"هنيّك يا الصحاري، وإن ضميتي ما يموت تراب
‏هنيّك.. لو يموت الطين، ما هدّ الظمى حيلك"
__سَعَد الحريِّص.

"هنيّك يا السحايب، وإن بكيتي ما لحقك عتاب
‏وأنا للدمع فيني مثل ما للأرض في سيلك"

"ماله من الخوف مزبانٍ ولا مذرى
‏من صاروا احبابه اللي أمس عدوانه

‏ياليتني.. ماني الأذكى و لا الأدرى
‏يمديني أرخي هدب عيني و ميزانه

‏كم قدد الوقت ثوبي وتلفت ذكرى
‏كم طيّر الريح من عصفه وريحانه

‏ما علمتني المدارس.. قبل ما أقرا
‏الآدمي إن زاد عرفه؟ زادت احزانه"

‏__سعد الهندي.

"لو الشجر له نصيب ببارد ظلاله؛
ما حرْق القيض جفني وأنت بأهدابي." —البدر

"ماشلع قلبي وطير معه خمسة ضلوع
‏غير عينً تطرح الطير من سابع سما

‏ياغناتي والله اني عليك اضما واجوع
‏لين اشوفك ثم لا عاد جوع ولا ضما."

"توادعنا و ودّعنا المكان و حارت الاقدام
ولا ملّت شفاه افواهنا ترديد اسامينا."
__ناصر القحطاني.

"كاني لقيت بعيون الليل دمع، وبكيت
‏مصيري ألقى ورى حبّك عيوني وانام."
__سعد الحريّص.

"أثر فيه دموعٍ أصعب من دموع العيون!
‏الدموع اللي من القلب يبقى نحتها."

«طموحاته جميلة والزمان - أقلّ من عادي»
‏__صالح النشيرا.