"شبيه الشمس لو مالك مثل شمس السنين ظلال
‏ترى كلٍ يموت الّا قصيدٍ يبكي، أحبابه

‏وأنا ليلي قصايد، أو قصيدي ليل لا تحتال
‏هذا بعض الغلا بأقصى خفوقي جاك بأعشابه."
__نايف صقر.

على رصيف الصبر ملّ المنتظر طول الوقوف
‏وين الحياة اللي تخيّلت.. ولمحت أوصافها؟

"الاحظ غربتي حتى على مدهالي ومرباي
‏مثل غربة حديث المُطلع في حضرة الأُمي

‏وش انسب حل مع قسوة زمانٍ ما احترم مبداي ؟
‏حمس قلبي على صاج الصبر لين احترق دمي

‏تضيع الضيعه اللي ما تبي فيها رجاحة راي
‏لا شفت احلامك يْكبر عليها الوقت ويسمي."

"ضاع من قال أنا ضايع بحبَّه
‏والله إن الدلالة ضيعتي بَهْ"
__فهد عافت.

"ضيّعيني يا عساني ما اتعيّن
‏واجد اللي قبلنا ضاعوا ودلّوا"
‏__ضيدان.

"على كثر سلب السنين لْـ بسمة الوجه القديم
‏للحين أوزّع بسمتي ــــ على؛ الوجيه العابسة."

__صالح بن حمد.

﴿ إن الله ومَلائكته يُصلون على النَّبي يا أيُها الذين آمنُوا صَلوا عليه وَسَلِّموا تَسليماً ﴾

"على نبت روحي سلت يالماطر الغيّاث
‏هذا الّلي على شانه مجيّي ومرواحي"! ⛈️
‏—ناصر مناحي.

"يا بو خدودٍ سواة الورد جذابه
‏و إلا زهور الربيع بوسط محميّه

‏ما أحدٍ رعى نبتها و إلا تمشى به
‏ماهزّها غير نسناس الشماليّه

‏من دونها اللي يهابه من تهقوا به
‏عوازلٍ شايكه و جيوب دوريّه

‏و يا بو جبين ليا أمسى الليل يسرابه
‏اليّا اتجه للقمر غطى على ضيّه."
‏__عبدالله بن زويبن.

"أودّع الليل وأصلي صلاة الفجر
‏وأستقبل النور وأعيش الحياة بكفاح

‏وأغازل الريح وأغازل ظلال الشجّر
‏وأغازل الشمس وأقبّل جبين الصباح

‏أدور الرزق من ربي وأدور الاجر
‏وأدور النور في وجهك ووجهك فلاح"
‏__منصور بن فهد.

"جفيت اللّيلة اللي تشغل الخاطر عن التعبير
‏وسكنت اللّيلة اللي في دجاها يظهر إبداعي."

"يا مسهّرتني في وساع نْعاس
‏ما ينقصك في الحسن غير الظّن

‏مستغرب إن إحساسك الحسّاس
‏يْعرف يقسى ما يْعرف يحّن

‏ليتك غصون و ليتني نسناس
‏ واهّبْ لك في كل روض أغّن

‏هذا القوام الأهيّف الميّاس!
‏الله خلق هذا الجمال لمن؟"

"امشي وهمي جبل يمشي معي وين اروح
‏ازريت اشيل الجبل، وازريت لا افارقه

‏ماغير روح التحدي في عروقي تفوح
‏قوة صمودي على جور الزمن خارقه."
__مساعد الرشيدي.

"اليا شكى غيري الوقت وبلاويّه
‏أنا على ما حصل لي يضحك حجاجي"
‏__سعد علوش.

https://instagram.com/smallbookstore_?igshid=MzRlODBiNWFlZA==

الصور من هذا الأكاونت، جميل وصاحبته أجمل

"احبك اي احبك وان بغيت انساك كيف انساك
‏اشوفك ياعيوني في عيون اهلي وفـ اوطاني"
‏—ضيدان.

"زلّة اللي يودّه القلب مدموحه
‏دايم ٍ حبّه يغطي عذاريبه."

—‏ابن جدلان.

"لاتكسرين ابتسامة وجهك بـ دمعتين
‏وأنتِ و أنا فـ الظروف الموجعات اخشرا
‏ٓ
‏خلّي مطارق غلانا في رقاب السنين
‏حرام بعد انتصفنا الدرب نرجع ورى"
‏__عبدالرحمن السمين.