‏كل ما مر الصباح وضاعت حقوق السكينه
‏ما تضيّعك القلوب اللي على الفطره تدلّك

‏لو ما الاقدام مخمل كان كلك حرير
‏ميزتك ما تعد و طيبتك ما تقاس

‏سولفي ؛ و الأهلّه تنور وتستدير
‏أضحكي ؛ كل غيمه تنعصر لليباس

‏فتحي كل نورس خطوتين ويطير
‏غمضي والبنفسج بيتثاوب نعاس

‏علمي من لمحك ، بـ قِل حظ الضرير
‏علمي من يشم .. السِكر من غير كاس

"تطير أسراب وتوقّع على غصن الوعود أسراب
‏وش اللي حببّ أسراب الطيور بغصنها اليابس؟"

بعض المفردات رغم انها ما تاخذ ربع الشطر الا انها تعطي البيت من الجماليه الشي الواجد ، وعلى سبيل المثال :

يستحي من " مكلة " الزاد بين امه وابوه
خل عاد يعامل الناس في هرج الحنان
#سعد_بن_جدلان رحمه الله


هذي خطاويك ولا ذي منابت زهر
لو مرّها " الماي " وقفها على حيلها
#ناصر_مناحي

ريّضة خطواتك الليله عسى اللي جابك " أريض "
مرحبا لو كنت .. لا مقبل كثير ولا مقفي
#صالح_بن_حمد

الشتا يرثع ورا البال و الليل " يحبي "
والطعون أقفت فُرادا و جت متخاويه
#مساعد_الرشيدي رحمه الله

"السماء سقف حزن المُتعبين الضعاف
‏قم نلمّ السحاب، ونرتمي للسدم"
__عبدالله الرشاش.

"كاني لقيت بعيون الليل دمع وبكيت
‏مصيري القى ورا حبك عيوني وانام."
‏__سعد الحريّص.

"من عادة الغيم راحل والأراضي تقيم
‏أنا أرضك البور وأنت الغيمة الراحلة

بكره يعود الشتاء وتعود الأيام ديم
‏والطير يرجع لغصنٍ كان يرتاح له"
__محمد العمري.

ليلة وداعك .. على كثر الحروف الأبجديه
ما لقى من ودعك حرفين .. ينطقها لسانه

وانتي اقرب شي ، لـ احلام الطفوله 🤍!

"ذكرك الودّ واعشوشب طريق وهبّت الأنسام
‏وطرّاك النسيم اللي.. يميّل بالغصن هبَّه"
__صالح بن حمد.

"اي حاجه تلفت انظاره شوي تصير.. ضرَّه
‏لو يدقق في شعاع الشمس شفت الشمس غاده."

"وجود الغيم ما عاض الشجر في أغصانه اليبّاس
‏ما دام ان ما هو بْمروّي ظماه، فْـ ليه متعنّي!" ☁️
–صالح بن حمد.

"‏تغافلّك الصدى حتى سرى في ضحكك النسْناس
‏ غريبه ليه صارت ضحكتك للناس.. تحزنّي!"

‏بديت أسمع حروفك والمطر يلعب على الشباك
‏من اللي علّم الما يا جليس الذاكره ، بـ أسمك ؟

"من سولف الغيم لأطراف السما عنك
‏طاح المطر ممتلي من سيرتك، زهوة"

"انا أكبر من الحضور اللي ملاني غياب
‏وانا أكبر من الكلام اللي يهز الضمير"
‏__جابر البطحي.

الأحد | الـ ٦ صباحاً ،

اللي على المجد داس الشوك بـ رجوله
بكرة بـ يمشي على سجاد شيرازي

"تهادي، والأرض اللّي تشيلك على مشهاك
‏لك الأرض، والوجهات، والرّيح، والقبلة"
__‏عبدالله متعب.