"تجمعين التشابه في يدين النقيض
‏كن الإعجاز في طارف يدينك سهل

‏في سما ليلي الموجوع جيتي وميض
‏لين وجهي تباشر و ابتسم و استهل

‏قربي والكلام المرتبك يستفيض
‏تاخذينه على جال الشعور بمهل

‏ضاق درب المدينة كنت أحسبه عريض
‏و صاح صوتٍ حبسته بالوجع و ابتهل

‏يا دوا قلبي اللي من زمانه مريض
‏ويا وضوح الحقيقة في عصور الجهل"

"مافيه ثاني، ولا ثالث، ولا رابع
‏أنت احبَب أحبابنا واقرب قرايبنا

‏عزّالله إن الهوى والحب له طابع
‏والشوق لو نسفهه جايبنا.. جايبنا

‏قام يْحَدانا لقربك شوقنا النابع
‏الين ناخت على بابك ركايبنا

‏ترى فراغاتـنا اللي بين الأصابع
‏ماخْلقَت إلا عشان أيْدي حبايبنا"

في الليال البارده .. لا تلبسين قصيّر
وأنتي أفتن قدّ ، وأفتن وجه ، وأفتن حُرّه🤍

"لا قديم إلا القديم اللي أحب اشوفه
‏ولا جديد إلا غلاه وحبّه المتجدد"

"تجيني ضحكتك مثل البشاير في عيون الضيق
‏وانام.. وفي عيوني ضحكتك والقلب في راحة

‏بخوض من الحروب، وبنتصر، واظمى، وابلّ الريق
‏من اللي يخسر بـ حرب الحياة ووجهك سلاحه؟"

"من يردّ لخفوقي ضحكتينٍ جداد
‏لا غشت نفسي العبره ودمعي بدا

‏من يمدّ الصباح إن طال ليل الهجاد
‏من يحيك الصبر لـ حزن عاري رِدَا"

"أنا أدري ان عندك عقل يوزن بلد
‏بس البلد نفسه.. ما يوزن مدمعي"

"كل الكلام اللي نبيه نتعدّاه
‏وناقف على اللي مانبيه ونقوله"

Vs
"لو كل شي فينا عرفنا نقوله
‏ما كان ربي خلق بعيوننا دمع"

"كويت العز والسور الحصين
‏دارٍ سماها من صباح إلى صباح

‏معها نشوف ان المحبه فرض عين
‏وان الولاء بابٍ من ابواب الصلاح

‏بنتٍ حلاها ما تغيّره السنين
‏درة بحر مكنونها مايستباح

‏ماهوب مادون الحلوق الا اليدين
‏حتى عيون المال وخشوم السلاح

‏اللي حفظها والجيوش معسكرين
‏ماهو مضيّعها وهي ظبية براح" 💙

«لا حكت! كنّ السوالف ذايبه في حنجرتها
ولا اسكتت ما هو — مسولف بعدها راعي الحكاوي»

"محبتك.. والله انها في مكانين
‏ان اخطت الكبد ما اخطت من فؤادي"

"حتى لو تْضيق - من بعد إنشراحتّها
‏تخيّري في جهات الأرض - وإتجهي

‏أنتِ الملامح - بـ ضيقتّها و فرحتّها
‏لك وجهي إنها ماراح تغيب عن وجهي"

"فإن شفت وجهي حزين وشفت جسمي نحيل
‏ما غيّرتني المقادير.. أنت غيّرتني!"

"أنعِم وأكرم يا ربّي وأنت خيرك كثير
يا ميسّر اليسر بعد العسر والفاجعه

عطني من أيامك البيضا محبة وخير
النفس من ماضي الأيام مستاجعه"

__سعد علوش.

"قال: انت جالس لحالك تنتظر من يجيك..
‏قلت: انتظر نفسي اللّي ماعرف وينها!"

"يابو وجهٍ يقلّطهْ السما في مقره
‏وتنفهق من شعاعه حالكات الغداري"

‏__مشاري الصغيّر.

"تبصّر بقلبك كان شفت الدروب أشباه
‏ترى قلبك أبصر من عيونك مية مرّه"

__فيصل بن نمّاس.

‏" إنسان أنا عمري مراحل وإنتي أعذب مرحله
‏فيها العذاب استعذبه واقول رابح لو خسرت "

" كان بيني ، وبين أفرح معاك ؟ عْتبه
والحياة الوسيعه .. قفّلت بابها "