يا دافع البلا !

انا لو مايشفع لي معك حظّي المنحوس
‏شفع لي وفاي، وكبر شاني، وثقل اسمي

الليلة اللي لونها كان لونك
‏كانت مثل جمر ٍ تصحيه الانفاس

‏فيها يقوم الشعر ويطيح دونك
‏وفيها يتوه العقل ويدل الاحساس

‏وفيها العطر طير ٍ تسلق غصونك
‏واليا نفش ريشه لحق حلمي الياس

‏ياللي عرفت ان الشعر في عيونك
‏اكثر من اللي قد سمعته من الناس.

"لايموت الإنبهار اللي تحسّينه تجاهي
‏والشغف لوتفقدين مشاهدي لاتفقدينه"
‏- رسالة أخيرة

"تعب هذا الطريق اللي تركني بـ المدى سوّاح
‏أحس إن الوجع تحت البسيطة والصبر فوقي"

"نوبٍ أحبه غلا، و نوبٍ حميّا"

على طريق الصعب و الاستحاله
‏قدرت أدل و كنت متعمد أتوه

‏هزايمي درس و صمودي رساله
‏عايش، و لا لحقت دنياي مشروه

‏قلبي قنوع بوحدته و انعزاله
‏ماهو مدور للعرب كان ما جوه

‏اللي يشوف انه يكفي لحاله
‏ما يلتفت للناس لا أقفوا وخلوه

الى مني تجودت الليالي في رجا مسراك
‏تساقيتك دروب ولا هدى عقب أولَّك روعي

على غيرك عمى عين وجفا قلب وثقيل لسان
‏و عليك أنت.. الخطاوي تسبق أوّلها تواليها

صالح النشيرا :
‏يبيّن لك انه هادي.. وخاطره مسرور
‏وهو والله انّه يزعجه صوت مسباحه.

‏عبدالله السراهيد :
‏لكن اليا حداه الضيق/ واثّر عليه
‏حتى صمت المياه الراكده يزعجه.

"ما عرفني إلا أنتِ إليا من جهل قلبي حريبه
‏واحدٍ ماله نصيب من الطبوع إلا: الجلافه

‏أنتِ أدفى ما ورا صدري.. وأقصى ما يجيبه
‏وأنتِ آخر عهده بجدب أرضه وقسوة جفافه

‏مستعد أبيع دنياي، القديمة باللي هي به
‏أنتِ دنيا ثانيه، ما أنتِ على دنياي إضافه"

"ملل كل الدروب بـ دورة الأيام/أنا حتّى مكاني صار تغريبه.."

شينها عقب الصخب لا صرت هادي
‏وأنت باقي داخلك جذوة تحدّي

‏كاره إخلاص الشعور الاعتيادي
‏قلت عدّ وقال والله ما أعدّي

‏ لين أخلي كل ضحك يمر عادي
‏وكل كلمه غامضة مقصد تعدّي

‏وش يحث أيامنا على التهادي
‏لي سنه وشعورها ماهوب قدّي

‏كنّ باقي به حياه -لمن أُنادي-
‏بس أنا على النداء ما عاد ودّي

ياحلو قدّك يوم قدّك تثنّى
‏محدٍ تغنّى فيه من خوف الإلحاد.