"أحيان حاجتنا معه ونتعدّاه
‏من خوفنا لا نزهمه و يتردّى" _فهد بن سهل

اليوم ماعاد يمدي اللي جرح يبرى
‏مليت من كثرة خطاياهم وغفراني

‏مليت أنا الشعر، مل الشعر من شعري
‏مليت أنا الحب، مل الحب وجداني.

لو هي عليّه عزيز النفس من صغري
‏ما أشاور القلب في كرهي لعدواني

‏إن رحت يا كثرهم وإن جيت ياكثري
‏ضاقت بي عيونهم لو كنت وحداني

‏تعبت وازريت ما مليت من صبري
‏ليت الذي راح منّي, كثر ما جاني

‏أحيان ودي أطيح من التعب وازري
‏وتشيلني عزتي.. وسلوم جداني
__سعد الحريّص

http://quranapp.com/18
سورة الكهف نور بين الجمعتين❤️.

"العيون اللي من اللهفة مطالبها لحوحه
‏ودّها تبكي ولا أدري من تبي تبكي عشانه" ):

"جعل لا من طاح حظي مثل دمعة ساجد
‏يرتفع قدري… مثل سبابة المستشهد"
‏*١٧ رمضان.

تدارين في خطوتك هالارض لا تنضام ؟
‏او ان الحياء ركّد خطاويك.. بزياده ؟

‏يا كثر العفاف بوجهك الممتلي بـ احلام
‏وانا الحالم اللي في ابتسامتك ميلاده

‏انا بخير دام اني احبك كثير.. ودام
‏معاك الليالي بالمواعيد.. ولاده.

عيونك ماهو يقدر عليها ولا عوام
‏بحر والبحر يا كثر غرقاه.. بالعاده

‏ومجدولك اليا طاح فالصبح كلٍ نام
‏يظنون عاد الليل من قبل.. ميعاده

‏وعنقك مدار الشعر والوصف والالهام
‏وصارت بيوتي من حوالينه.. قلاده

‏يا وجه الرضى ما تقدر تزعّلك الايام
‏هذا الوجه كن الكون مجبور فـ اسعاده

حاول تخلي جلستك عند العرب ركعة وتر
‏خفيفةٍ تقضي لزومك كل ما صليتها

‏وحاول تخلي كلمتك عند العرب ليلة قدر
‏كلٍ يدورها ولا يدري متى توقيتها.

يسوقني طاريك لمشاهدك سوق
و أشفق على لمسة يدينك شفاقه

زرّعت لك زرّع له أثمار وعروق
و قدمت لك من زهرة العمر، باقه

و الصبر زين، و كل مطرود ملحوق
وشرهة قدم رجلي على عظم ساقه

و إن كان عندك شك، لاناشك العوق
في قلبي اللي لك يزيد إشتياقه

الشوق مشتاقلك أكثر من الشوق
شوق بدويْ ضاعت أغلى نياقه.
__تركي الميزاني

"حبيبي الأوْلي شكراً على التشريف
ماهوب عاش اللي شافك، ماتّ من شافك" 😢

ههههههههههههههه أعشّقه!

"محد يحس بمشاعر ثورة أحزانك
‏حتى حبيبك اخذ من صحتك وأقفى"

"روحك أم الخزامى لو كلتها الدهور،
‏عادها الوجهة اللي تستحق الرحيل.."

‏- عبدالله ال لزيوح

يالله الغفران بالعشّر التواليْ.