نورك على رزنامة أيامي السّود،
‏طاغي..لو ستار الحياة يتسدّل

‏ماني مبشّر بالعوض وأنت موجود،
‏أنت الأصل جعل الأصل ما يبدّل.

‏ما تشيب الاماني لو تخيب الظنون
‏وما تضيق الحياة وعند ربي سعه

"مانتي مجرد عابره من خلالي
‏ركنك مهيب من الحشا بأيسر الصدر

‏بنات حوى: كنهن الليالي
‏وأنتي: كأنك بينهم ليلة القدر"

" لو خلقنا رجاوي وش توقع نكون ؟
‏ كان بكون تكفى وانت مالك امل "

" انحني مثل غصن في طرفه ثمرة
‏واوقفي مثل فزعات بدوي اصيل "

"سمعنا قولة الدنيا فسيحه والدروب وساع
‏وصبرنا لين صارت في محاجرنا مغز إبره"

"إذا مالت بك الدنيـا، وحطت بك على مركاك/ تأمل بالفرج ضحكة رفيق، وزور محرَابي." __محمد منيف.

ولا لي بالطبايع عن طبوع اجيالنا ميزات
‏سوى اني ماخذلت اللي رجى بالضيق وقفاتي

قراءة الحنابّلة قديماً، و الشعر بطريقة ناصر الفراعنه!

مثل ما كان حقّك تحجبين الظل
‏انا حقي عليك الطف من حقوقك

‏ترى اللي خاف لا يخطي عليك وزل
‏هو اللي سارقك لو كان مسروقك

‏يسوّرْك الذهب بين الرضى والغل
‏ماهو محتاجلك محتاج لعروقك

‏سلامك للجفاف اللي عزيزه ذل
‏سلام الضحكة اللي بين منطوقك.

"عساك بأعمارنا منت رمضان الأخير/ ويقبل بك الله دعاي وطاعتي وجهدي" — بندر الدويش

"وجهك تسابيح الفرح والمسرّات / صبحٍ -والله إنه- يحطّ العيد الأكبر بكمّه" 🤍

عيدك مبارك وكل عام المشاعر تجري
‏ما توقفّها الظروف ولا قليل الجيّه

‏والله إنْك أوّل من أبارك له ومن يطري
‏ووالله إنك ما انت حول العالم المنسيّه.

"آتحرّى العيد في طلعة هلالك
‏يوم كلٍ في مصلى العيد صلّى

‏في لثامك ليل ما غطّى جمالك
‏مدري وجهك نور والاّ صبح والا

‏أدري إن الليل مهما كان حالك
‏ما يحجب البدر لا منه تجلّى!"
__سعود مهدي.

يا هلال العيد يوم تْطلّ ما عيّنت درة؟
‏درةٍ تشبه صباح العيد يوم يجيك بادي

‏عايديني بالعيون اللي بها طيب ومضرّة
‏بعد أخذتي العيد في عينك وفي عيني سهادي

‏من جعل فيك إبتهاج العيد ووصالك مسرّة
‏وتسرقين الدهشة لْحالك وغيرك لي ينادي.

"عيد الله عليك يعود بالمستكا والعود
‏أهنّيك جعل الله بْشوفك يهنّيني"
‏__ابن جدلان.

"العيد مقبل وأوحشتني هداياه
‏متى يعايدني عتبْه ومزاحه؟"
‏–مساعد الرشيدي.

"عايديني باخذ لصدري الضايق نسَم
‏واتركيني بين الأحلام أحقّق ماتبين

‏والله إنّ العيد شوفة عيونك تبتسم
‏أنا يمكنّي لا شفتك بعيّد مرتين" 🤍