على هالارض كني عايشة داخل جحر نمله
‏أشوف ان الفضى ضيق ،عساني القط انْفاسي

‏كرهت العالم و صارت خطاوي مشيتي عجله
‏عجزت ألقى كفوف تْشيل عني تعبي القاسي

‏على وجهي " تبسّامي " لو انْها بسمتي وجله
‏أقول بخير ..
‏وانا حتى الهبايب! توجع احساسي

حلفت يا راع الجديل المخضّب
‏ما انساك لو ينسى العباد الفريضه

‏لو يجتمع شمل ازرق الحوت والضّب
‏ما انساك يا راع العيون الغضيضه

‏وش فيك يا جنّة عيوني تغضّب ؟
‏ليه الجفا يا غيض قلبي وفيضه ؟

‏يا من عيوني لأجل شوفك تحضّب
‏كلّ العيون اللي تشوفك حظيظه

من ريق معسولك متى بآترضّب ؟
‏يا فاتنٍ حسنه يثير الحفيظه

‏اليا متى منك المعاليق نضّب
‏وفؤادي جروحه طوالٍ عريضه

‏قلبي عليك اليا طريت يتقضّب
‏بين الضلوع ادناة حاجه تهيضه

‏__ناصر الفراعنة.

قلبي تعلق بين مبّسم وسلسال
‏على نحر منتوقة العّنق ريمه

‏اللي نحرها ميزته حبة الخال
‏يشبه نحرها طيف مركاز خيمه

‏قالت تحداني وانا قلت من قال؟
‏انا خسرت ومعترف بالهزيمه.

تبهت الدنيا بعين القانع المتعامي
‏كل ما غرر طمعها بالنفوس الخجّل

‏كم على مترامية الأطراف من مترامي
‏ياهدب سود الليال الناعسات النجّل

‏تصغر أسامي وتكبر فـ العيون أسامي
‏وكل ميقافٍ بصفحات الزمان مسجّل

‏ما يدوم إلا مقامك يالمقام السامي
‏لارخص من كان قدره بالضلوع مبجّل

"قالت: صباحك أنا قلنا: صباحك نور
‏إمّا كذا الصبح يبدأ .. أو فلا يبدأ "
‏– مساعد الرشيدي رحمة الله عليه

مْن البحر: دايم ينجّون الغريق
‏المشكلة باللي على الأرض وغرق.

"لاضحكتي يرجع القيظ يرفل بالنسيم
‏والظما يرجع نهر.. والمسا يرجع صباح"
__فيصل مهنا.

نجد بلياليها عن امثالها زود
‏لو كلها عند الاوادم ليالي

‏يا اللي ليالي نجد بعيونكم سود
‏يابعدكم عن فهم سر الجمالي

‏غير الجمال اللي بالانظار مشهود
‏احساس خافي بين غالي وغالي

‏__الملك عبدالعزيز.

سمعي كساه الجفاف، وهمسة شفاك ديم
‏__بندر الدويش.

"الثقب هذا اللي تركته بصدري
‏هو نفسه اللي راح يدخل معه نور"
‏__سعد علوش.

الشمس خدّه لاتبسم لي مسرور

"يا رب أنا في وجهك وبحماك
‏من شبهة الموقف وضيق الروح

‏وامن الطريق اللي مهو لرضاك
‏ومن ضحكة الجارح على المجروح"
‏__ناصر مناحي.

"فيك من راتب شهر عشره طبايع
‏ريض الجيه وعجلٍ بالمراحي"

الصدور أطرافها متراميه .. والليل هادي
‏لايروح الليل قبل أستنطقه وأخذ جديده

‏كل ماسقت القدم بين المبادي والمبادي
‏أعترض لي طاري الشوق وخذيت الشعر بيده

‏أرتجل للشرد من الصيد عن صهوه جوادي
‏وأعتق الي من سهوله صيدته كلاً يصيده

‏لاخذتني غايتي وابطيت ياغاية مرادي
‏والمسافة كايدة والحب باقي له شريده

‏أحتريني والبسي لي كل لون الا رمادي
‏الرمادي كل ماشوفه عرفت انه مكيده

‏ودّي أضحك من بعد طول المعاتب والتمادي
‏ضحكه الي يضحك من أدناة حاجه من حفيده

‏زمّليني من هواجيس الغياب الّا أرادي
‏إن ذبحني طاري الفرقا وش أنتي مستفيده ؟!

‏أعبري بي لا غدي عادي و أنا مانيب عادي
‏الحريص تورده للموت .. غلطته الوحيده ~

‏ياعنيده مامعي صبراً مثل صبر المهادي
‏لا تعذرّتي مثل عذر المعقّد بالعقيده

‏في رجا الله مايخليني لـ جّدي وأجتهادي
‏مارجيت الا وعده ولا خشيت الا وعيده

‏لا أستوت فـ عيونك الثنتين قربي وأبتعادي
‏والظروف أقسى من الماضي على الي يستعيده

‏[ المصافح فالقلوب أصدق من مصافح الأيادي
‏أسمحي لي كل يوم أصافحك .. وأنتي بعيده ]

‏لا تحاتين الضمى والجوع في رحله جهادي
‏الحظوظ مقسّمه والذيب ماياكل وليده

‏شاعرك لا هامو أصحاب الشعر في كل وادي
‏مستعد يوقّف الدنياا على مطلع قصيده

البارحة يوم الثريا تويقي
‏يوم أن كلٍ في لذيذ الكرى راق

‏وقفت لين الشوف جا له بريقي
‏مثل السراب اللي على البعد لهاق

‏أخيل برقٍ صوب واد العقيقي
‏ما شفت مثله يجذب الليل براق

‏عساه يسقي دار ذاك الفريقي
‏لو رغبتي ما عاد باقٍ لها باق
__رشيد الزلامي.

و ذيك الدير ماني عليها شفيقي
‏تطيب منها النفس و تضيق الأخلاق

‏قزرت عمري في بحرها غريقي
‏متحملٍ كل المتاعب و الإرهاق

‏لين انكشف وجه العدو و الصديقي
‏و الرفقة اللي حبلها رمث و ادقاق

‏ولا كلفت نفسٍ بما لا تطيقي
‏تبينت لي كنها شمس الإشراق