رميت وجهي على كتفك شوي، وغفيت
والغفوة اللي ثواني فوق كتفك: عُمر

لو إنك من أول الدنيا معي، ماشكيت
" مافاتنا نستحقّه بس ما الله أمر "

لو مرّ عمري معك برد وسلام اكتفيت
هذا وجنبك ربيع العمر عيّا يمر

دامك معي، لايهمّك لو ضحكت أو بكيت
كتفك لحاله يكفّي… لين يقضي العمر.

"آه يا حلو الضما وياك يا ملح السنين
يا ملذة من لقى فالعمر ..عمرٍ يغنمه"

«مجاهد الدنيا يبي صبر فلاّح»

‏"وش عليه إن فزّت الشمس لقباله؟
‏كم صباحٍ سيّل الشمس من كُّمه"

أصحّي طرفك الناعس، وأغنّي في هواك إجلال !
‏وأضحّك ثغرك الغافل، وأقرّب للغصن عصفور

‏يانسمه، ماهفت حق الطريق ولا كسته رمال
‏تبسِّم عابس القاع وتلاعب غصنه الممطور

‏وتضحك لي إيلين آجي سراديب الزعل وأختَال
‏وتِسقي هالزوايا نور ينبت في الجروح زهور

فقدته، وجهك الدافي شروق ، وغرّتين، وشال
‏ من أول أطرافه إلى آخر حدوده نور

‏معك للضحك روح ولـ إنكسارات النخيل ظلال
‏معك ما كانوا أهل الحي تقطع عن بعض، وتزور

‏تعال أستجمعك "ديره" عجزت الحل والترحال
‏ترى مابيني وبينك سوى تصحيح ظنّ وسور

مالي ملاذ إلا الرموش المظلّه
في حِسنها معراج طرفي ومسراه

وشلون يذبْل.. ياسمينه وفلّه؟
والحسن يسكب ماء الحيا في محيّاه

يا وجهك اللي كل ماطلّ طلّه
لبيه و أسم الله عليه، و ما شاء الله.

"لا تظلمينه كان شح بكلامه
‏ما هو فقير إحساس لكن حياوي"
‏__عايض الوقداني.

"الصبح ريّض.. وليلي منكسر ظهره" ):
‏__جزاء الغيداني.

"قول وش يرضيك يا ملح الدلال وعنفوانه
‏أنت لو تطلب محلّ البدر، جلستك محلّه"

"ذبول الأشياء ما يعني نهايتها..
‏شف بسمتي والذبول شلون كاسيني

‏لو انّي احيان مدري وش حكايتها!
‏اتخيّل الغيم يعرفني و يسقيني ..

‏أعطي من الحُب ما يمحي غرابتها
‏وآخذ من النور ما يكفي و يرضيني.

‏يا زين الأيام لو أبطت بدايتها..
‏وما طاحت احلام من قلبي ومن عيني."
__بدور.

والمجلس اللي يفهق الليل ضوحه
‏..مفروشة ٍفرشه على الطيب "والطيب"
‏من كثر ما نفس المعزّب سموحة
‏….تلقى ضيوف الأمس بكرى معازيب !

ما لمجنونٍ غدا في هواها صِرفه
‏ماله الا لطم خدّه وصفق  كفوفه

‏رمشها موتٍ حمر خابره  وآعَرفه
‏من مظاليل الهدب طعنته معروفه

‏ترفة الأطراف ذات اليدين التَرفه
‏لاش فالبَصره شبَهها ولا فالكوفه

‏من عبير المستكا والنفل والقِرفه
‏ريح ليّن جسمها والهبوب تلوفه

__ ناصر الفراعنه.

"قلبي اللي لذيذ النوم حارب عيونه
‏يوم فكّرت في حالي جزى النوم عنّي"

"على وجهي تباريح السهر تاخذ لها مقعاد
‏تربّع في حنايا ضحكتي وتجدد الآمي"

"على الله لو من الدمع العيون يقل عنها الشوف
‏انا عبد بْـ رجا من رحمته ما ينيأس منها

‏تجيبك ليلةٍ ماتشبه امس وجوَّها مألوف..
‏وادوِّر في رضاك الضحكة اللي مبطيه عنها"

"كثر ما شفت من الملامح و العيون
‏في ناهيات الحسن من بيض وسمر

‏ما كان فرقك فرق شكل و فرق لون
‏فرق النجوم الساريات.. من القمر

‏تمر.. في بال ( القصايد ) واللحون
‏إن ماا قدرت إنّك على بالي ، تمر

‏الله يسامحني .. على بعض ، الظنون
‏كنت أحسب إنّك مرحلة وأثرك عمر."
__عبدالله السراهيد.