"دخيلك لا تصلّح غلطتك هذا الخطا غالي
رفضت انك تجيبه من عرفتك لين هو جابك

ومدام إن الزّعل مثل الرضا يبقيك في بالي
أنا مازعل ولارضى منك، أنا ازعل عنك وارضابك

هلا بك يالخطا ضيف عزيز يكرم دلالي
اذا صبيت له فنجال عفو و نوخ اركابك

من الليله بأسمّي غلطتك عنقودي الحالي
الى مني قطفته بالسماح، انتثرت أطيابك

حبست العقل و أطلقت العنان لمهرة اهبالي
و قريت ان الخطا عين الصواب بصفحة كتابك

وش القمرا سوى غلطة ظلام ولاني مغالي
وش الظلما سوى غلطة سمّا بتقلد أهدابك؟

يساورني يقين أن المطر غلطة هوى عالي
حسب نفسه يصالح غيمتين، و بلّل ثيابك

فديتك لا تعذر والذي سواك واهدالي
عيونك مالقيت ألْطف بهالدنيا من اعتابك

جزاك الله خير وبيض الله وجه عذالي
متى ماجيت ابنسى سيرتك، قالوا لي احبابك

و أنا لا قالوا أحبابك عجزت اسمع وش التالي
خذيت الكلمة اللي تشتهيك وضعت بأسبابك."
__فهد عافت.

عَذبه!

"شاحبه ماكنّك أجمل بنت في شبه الجزيرة
وإنتِ اللي في كنفها - لذة العمر القصيّر."

"زبنتك عن لهيب القايله، واظهرتني فيها.."

"يا بعد كل عنق ويا بعد كل جيد
ويا بعد كل جرحٍ فالضماير ندب

‏سو ما ودك تسويه بس الأكيد
‏سيف وصلك عدال وسيف صدك حدب

‏أتحاشى لا جيت أوصف عيونك وأحيد
‏يا وسيع العيون ويا طويل الهدب

‏لو يشوفونك الّي ودهم بالقصيد؟
‏كان فاضت مداينهم قصيد وأدب"

"انا سقت القدم حافي حلفت إن الوصول عناد"
‏__عبدالملك الخربوش.

"وش اشكي لك من اتعاب السنين وقسوة الايام
و انا الايام يـ آحنَّ الاوادم.. حَجَّرت طيني

لو انّ الله خلقني مثل خلقه من لحم وعْظام..
لَكِن والله ما كان القِسى من ضمن تكويني" ):
__نوف العثمان.

"مافيه مُرّه بعد فرقاش، ماذقتها."
__محمد بن الذيب.

"يارقبة غزيلٍ غِرّ ياحقْو الفهَد
‏فيك من صبحك بياضٍ ومن ليلك سواد

‏ياغضيض الطَّرف ابو حرفْ ياغض النهد
‏يا جمالٍ ما ذكر في البلاد وفي العباد

‏من يشوفك عن حسن غيركم صدّ وزهد
‏وكل من مرك تمره ذعاذيع البراد

‏لو لمح زينك رضيعٍ تكلم في المهد
‏ويتحرك لو يشوفك حصا الأرض الجماد."
__ناصر الفراعنه.

"‏ومن عنا راعي فؤادٍ تعذب وانلهَد
‏أمسّي فْوادي معي واصبح بليّا فؤاد" 😢

لو اللّيالي قصايد، شنو بتكون هالليله ؟

هاللّيله لها شكل قصيدة أبعاد التركي، اللي مطلّعها:
"لا تسلّ عن ضيقة أيامي وقلبي لا تمره
ضاعت دروبك على آخر ليل و جروحي عَطايب"

و منّها:
"ماقدرت أتوب عن ذكرك وعن حلوك ومرّه
ليه عن ذَبح الغلا ياصاحبي مانته بتايب؟

هاك ميزان الجروح، و قيسها ذره بذرّه
ما وزّنت الا غلاك و لا طَعنت الا الحبايب"

إلين قَفلة القصيده اللي يقول فيها:
"أنت ماتدري ولا عندك من الأحساس ذرّه
أشهد أن مصيبتي بك من عظيمات المصايب" (:

٤:٣٨ صَ
"تشرق الشمس مرثيّة لكل السهر
‏وأنتِ أول درايشها و تلويحها

‏لك حياةٍ قديمة في خدود الزهر
‏ولك من الناس دهشتها وتسبيحها."

‏«كنَّ في صدري عنوزٍ يلعبون: الدحَّة»

"حلّوه عذاريبك، و حلّوه مزاياك
حتى بيوم فراقنا كِنت هادي

كنْ الليالي ودها تكسب رضاك
و انا يطول مع الليالي جهادي

في ذمْتي ماهي غريبه خطاياك
مبطي وقلبي لو تنّبهت غادي

سهله على من كان مثلك وشرواك
مثل الثياب يغيرون المبادي."
__متعب التركي.

"حبيبي وإن بغيت الصدق يا شين الهوى لا جار
‏ حبيبي وإن بغيت الكذب كلٍ مَلك محبوبه"
‏__ناصر القحطاني.

"خلّ صوتك يصب أرواحنا ويهلّ
‏ويأخذ من المسافة ثاري وثارك"
__الهويملي.