«كل ما جيت أتخلص من علامات اضطرابي
‏ماقدرت أزيّف الواقع.. وأصدّ من الحقيقة»
‏__عويد النجود.

‏"أنا ذات البنادم من جمود الحس لـ التفكير
‏إلى إحساس الترقب و الطمع و الخوف و الثوره

‏أحب الصمت في ظل اندفاع النفس لـ التعبير
‏وأشوف إن الفرح خصله حميده و الحزن عوره."
__صالح بن حمد.

"بنتٍ لاقامت تزيد المشي حنيه
‏تاطي على القاع كنّه قبر جدتها."
__مدغم ابوشيبه.

من حرّ ما أوجس،
«لو أركي الدلة على الصدر فاحت»

"سُئل الإمامُ الشافعي: إذا كان الله يرمينا بِسهام القدر فكيف لنا بالنجاة؟
‏قال: كُن بجوار الرامي، تنجو"

ما تَخشَى قَوله هو ما يجب أن يُقال، ولكنْ
تَمنعك تربيتك من النطق به..

يقول جابر علوش:
"كمْ كلمةٍ عالقه في طارف لساني،
يردّها عن طرف وجهك؟ حَيّا وجهي."

"جيتك بقلبٍ بياضه من بياض الطخاف
‏وأقفيت أدور لي ظلالٍ وريف وذرى

‏أمشي ووقّف شويه وأتلفت خلاف
‏معاي نصف العمر، والنصف الاخر وراه"
‏__فهد العيبان.

«ضحكتك عن كل غلطاتك شفيعه»
‏__سعود مهدي.

"الصبر حلمٍ ما طويت انفراجه
‏ابني به آمالي عمارات وصروح."
‏__تركي الميزاني.

"كيف أبسلى عقب روحٍ كانت بطهر السحاب
‏وكانت أسمى من سكن هذا التراب ومن عليه

‏جفّت أوراق الأماني والأمل مثل السراب
‏ولا بقى، غير المنام اللي يجيبك نحتريه."

" توحشتك.. و أحس إن الأراضي تنطوي بي طيّ
‏عليك من الرحابة كثر ما صرت أختنق فيها."

هاللّيله لها لون قصيدة "طَعمّ المسا"
لـ ناصر القحطاني، اللي مطلّعها:
"معك طَعم المسا غير.. ومعك حتى السوالف غير
معك ياحلوّ تقليب المواجع، بين كفينك."

و منّها:
"لقيتك قبل ما أبحث في الأبراج و التبصير
قريتك قبل أموت بلّذة قراية فناجيلك

أبي للناس أسولف بك و أقول اللي يصير يصير
وأحسك سالفه، لو سولفوّها شوهوا زَينك."

إلين قَفلة القصيدة:
"يقولون الزَمان أغبّر و أنا أقول الزمان بخير
ما دام اللي سكن في نَاظري ما طاح من عينك"

"ياهجوسي ما لطيف الأمس قلبٍ يستضيفه
‏الزمان اللي غدا في سالف أيامي غدا به."
‏__أبعاد التركي.

"والسما رحبه وسيعه.. تِقل صدر عنزي"
‏__فهد عافت.

«ما كرهتك يالصبر لولا المراره
ما عرفتك يالضما لولا ثغرها»
__ناصر القحطاني.

"ما حملتك يالهوى لولا الشطاره
ما عشقتك يالغرق لولا نظرها

قلت أبأبحر و الغلا أسباب الجساره
و أحرجتني خرسٍ أغرقني بحرها

دونها جفنٍ يغير بدون غاره
ما سلمت من السيوف اللي شهرها."

"وش بقى يالخيزران إلاّ التثنّي
للتثنّي .. ملّت النشده يميني

امتحنت الشوق و الشوق امتحنّي
و الحنين ازداد يا وجهة حنيني

آه .. يا زبدة سنيني اللي مضنّي
آه .. يا أحلى ما انكتب لي في جبيني

من سكنت بصوتك العذب و سكنّي
و الحياة، ألوان ورديّة بعيني

يا حنانٍ فيه الا يا صغر سنّي
يالضما اللي ما ترك حتى يديني

أكثر اللي في عذاريبك فتنّي
سجّة الطفل و حضور أم الجنيني

فيني طعونك.. و هي ماهيب منّي
لكن أمست.. و أصبحت منّي و فيني"
__ناصر القحطاني.

"ما دريت إنّي إلى من قمت أونّي
لذّتي بك لا استلذّيت بونيني..


أنشد عيونك متى قد قلت حنّي
كم بخلت بجرحك ..و قلت اجرحيني


وش يقول اللي عشق فيك التغنّي؟
لا حضنك السامري ضاق الهجيني


يا كنيني قمت أجاهر بك و أغنّي
و استحيت و قلت أردّك في كنيني."