"أحبك وانت تحكي عن خضوعك لي بكل غرور
‏مثل من يبكي دموع المذلّة.. رافعٍ راسه"

__رشيد الدهام.

«تسولف لي بتاريخ جدانك الميتين
‏وهو والله التاريخ تاريخ ميلادك.»

‏__فالح القويضي.

"يوم انكشف لي نحَرْه وبانت الزِّمّة
‏قامت شياطين بقعا تزمّني زمّي

‏يا عين شيهانةٍ في عالي القمّة
‏قمّت بريشٍ وريش البُرْق ما قمّي

‏لو في بريقعْه رحمة كاشف الغمّة
‏ما كان زوّد سواد بريقعه غمّي

‏الزين إلى جاء لزينٍ ناقصٍ تمّه
‏والله لولاه حسن البيض ما تمّي."

__ناصر الفراعنة.

"صايرٍ همي لغمٍ مدفون فالحدب النحايف
‏ما بقى بينه وبين الإنفجار إلّا شراره

‏لو ما أسبِّح لخلَّاقي وأنا راجي وخايف
‏وألهَج بدعوات يونس فالبحر تاره وتاره

‏احتمال تصير في صدري منصّة للقذايف
‏تلتهب ضربه بعد ضربه، وغاره بعد غاره."

"يارب ياربّ الأماني …العتيقة
ياربّ صوتي كلّ ماجف وابتلّ

يارب حلمي المنطفي من بريقه
يارب غصني اللي نسى جدبه الطلّ

أبحرت عمْر و بتّ عمرٍ غريقة
بذْنوبي ومديت لك كفّي و هلّ:

ملحٍ غشى عيني و حلقي و ريقه
وصوتٍ كسيرٍ لك خاضع من الذلّ

جيت بملامح تايهٍ في طريقه
لا هو وقف في مبتداه ولَـ هُو دلّ

رحابتك ياربّ عن كلّ ضيقه
وهْدايتك شمْع لْعتم كلّ من ضلّ

ياربّ خذ روحي حمامة طليقة
عن الهجير بْرحمتك: كن لها ظلَ."

"وداعي معذِره، يا الراحلين وللوداع أعراف
‏أعرف أشتاق ما أعرف اتمسك في يد المقفي."
__سعود مهدي.

عسى ما باس يا صوت الحياة و وجهها الأجمل
‏خذا منْك التعب وهجك و أخذ منّي مراسيلك

اللهم صلِّ و سلّم على سيدنا محمد.

«عجزت مرايته فيه تشبّه
‏حاولت فيه ماقدرت تجيبه.»
‏__فهد عافت.

«عليها يشبهون أغلى الذهب واللول والمرجان
‏وهي ماتشبه إلا ماتشوفه في مرايتها»
‏__ضيدان بن قضعان.

"و ميّل عليّ وشلون أقاوم مَيله ؟
‏شلون أقاوم حتى لو ما ميَّل!"

"كيف أمسي الليل وعيونك معازيبي ؟
‏والليل منثور بين الجيد والغرّه

‏يمسكني الحسن هذا من تلابيبي
‏يا غرّة ٍ من شعاع الشمس ، مسمّره

‏لو ما شعر قلبك ! بلهفة مكاتيبي
‏ليه أشقي القلب في نجواك وأضرّه ؟

‏موتّني هْيام خلّ الناس تدري بي
‏واحذر تغيب وتموّتني من الحرّه."

__سعود مهدي.

"كان قلبك من ضغوطات الحياة معبّا
‏وش يقول؟مكافح الدنيا شتاه وصيفه."
‏__صالح النشيرا.

"وارتّب امالي الكبرى فـ بند الصُدف
‏من واعد الغيم يحتاج لـ أحاسيس طير

‏وأجل اشغالي لـ بكره ابصنع شغف
‏يا شين الانسان.. لامنه وصل للأخير"
‏__سعد علوش.

"للحسن سطوة وللقلب لحظات إنهزام
‏والله إن ما كل غيبة خفوقي قدها

‏انبلج مثل الضياء وانهمر مثل الغمام
‏ كل ما نالت يديني ملامس يدها

‏لا قصيد إلا قصيد توليه إهتمام
‏ذايقتها ماهو أية قصيد يشدها

‏لو عيون الحب تبصر مغبات الغرام
‏ ما وقف قلبي معاها وعقلي ضدها."

"يحق لها التباهي بالجدود وعودها الريّان
‏وانا مالي حقوق.. إلا محبّتها وضحكتها"

‏__ضيدان بن قضعان.

"كم لي وانا استر ندبة الجرح الأليم
وانثر على اوراقي تفاصيل العنا

محتاج لي دربٍ مساره مستقيم
هالدرب لا بانت نهايته انحنى

اشتقت اسولف للسماء لا مرّ غيم
عن بهجة الخاطر ولحظات الهنا

ما زارني قيظ الحياة و لا النسيم
مدري وش العتمه ولا أعرف السنا

ملیت افتش في ممرات الهشيم
بعضي يدور بعضي الواقف هنا

كم لـ السهر في محجر عيوني يهيم
كم لـ الليالي تطعن شروق المنى

قلبي يحاصر حاضره عهد قديم
عهد انتهى من عمر لكن ما فنا

فاقد لي احلام و مواعید و ندیم
واحساس من يوم الموادع ما دنا

بالصبح اغني لـ الحنين الله كريم
وبالليل اغني لـ الوصال الله لنا

ازريت بعد الطيحه ارجع واستقيم
الظاهر اني مختلف ما عدت انا."

__فيصل القاضي.

قصيّدة على مقاس هاللّيل.

" وهذا تو الليل ماراح.. نصفه
‏وياليل بعض اللي مضى منك يكفي"

__بدر بن عبدالمحسن.