أذكريني.. كل ما تَبلّل كفّك بقطر المطر

"وانا مثل الورود اللي قبل ماي السحاب يباس
‏يراضيني المطر واراضي الزعلان والراضي

‏احب الارض واحب السما واحب كل الناس
‏واحب الحاضر ان طق المطر واسامح الماضي"

"إدراكي المسبق وتحليلي وفهمي لـ الذوات
‏سبَب فشل مجمل علاقاتي مع المتلوّنين."

كل ما تطري على البال فكيت الزرار
انت تسرق لك عقولٍ .. قبل تسرق قلوب

بالصدف ، بالذاكره ، بالقصايد ، بالديار
لك مكانٍ ما ترك لي " وسيله للهروب "

كيف ألوم عراق بلقيس بـ محبة نِزار ؟
والمحبه من سبب شخص ، لـ أرض ، لـ شعوب

عنكْ .. لا جيت اردع البال عوّد واستدار
استبحت حبال الافكار .. و اجتحت الدروب

جيت لك ولهان واحلام عمري بـ إزدهار
و رحت لا حققت حلمي ولا عنّه بتوب

معك احاسيس الهزايم بـ طعم الانتصار
يا عيونٍ سلهمتها اشدّ من الحروب

"أخلّي رحاب الأرض و الشمس و الأنسام
‏على شان أمر بدربك الموحش المظلم."

‏__مزيد الوسمي.

لا تلومه .. لو تشوف الصمت ذنبٍ من ذنوبه
وش يقول اللي يشوف إحساسه اكبر من كلامه ؟

- سلطان حجاب

صحى جفن الصباح اللي يرد الشوف للأفاق
صفا جو المشاعر ، والتمس في فايض احساسي

على ذكرى السهر كانت عناوين الليال اشواق
ترجعني على ايام الصبّا ، و تطيّر نعاسي

تشوف الحب ؛ لعبٍ بالقلوب ، و مرحلة عشاق
وانا اشوف ان حبيبي : ديرتي ، واحبابي ، وناسي

لا تنسى من زهد في هالحياه و مات بك توّاق
تذكرني .. او اذكر شي من حبري و قرطاسي

على رمضا مواعيدك .. ادور لـ الضما ترياق
عساي اللقى ما يرضي فيك شفّ ، وْ يروَّي يبّاسي

تعبت اخيل - في كبد السما لا لاح بك برّاق
متى بالله هتّانك يبلل لي طرف كاسي ؟

انا مشتاق .. و أنصاف الحلول إجحاف للمشتاق
يا كم مره يراودني القسى .. ويلين لك باسي

دريت ان الهواوي : لـ العنا ، و الهم ، و الارهاق
من اول ما رحلت بـ طيفك .. و همّلت جلاّسي

يقولون المحبه كاذبه ، و إن المصير فرّاق
عليك .. أكذّب أقوال البشر و أصدق احساسي

تعبت استر شعوري بالمحبه عن حسد الاحداق
و اثر محبتي لك بيّنه .. من رجلي لـ راسي :)

منهو يقول الليال كفوفها ما تطيب ؟
ما شافها يوم ، تغمرني بـ لذاتها

" الليله اللي تجيبك بعد طول المغيب
تغبط ثوانيِّها .. إسهاب ساعاتها "

على بحرك غريقٍ ما يشوف إن المراسي حَل 🤍"

«أبي عصريّةٍ فيها يسولف للشّجر نِسْنَاسْ
‏وأبرمي بالجبال وبالمدن وهمومي خلافي»
‏__حميدي الثقفي.

"عباد الله السالين في نومها هجّع
وعين الشقى حلو الكرى ما يسوج بها."
__ابن جدلان.

قامت تثقل عيّار إهمالها ، طيش وغشامه
- لين خلتنّي أخليها وهي ما تنّتخلا

"حزين و ما ذكرت الا أنت و هذه ميزة الغالين
‏ينسينا الزمن و الْيا ذكرنا الحزن نذكرهم."
‏__سعد علوش.

«لو لخصوني وجابوا سيرتي بـ إختصار
‏ متاكد إن سطري أجمل سطر بكتابها.»

‏__بندر الدويش.

هز لي كتفي ، و قل لي عيب تبكي لو سمحت !

متى تصحى ؟ و تلقاني مثل ما كنت!
يرفرف لك على غصن اشتياقي، طير

صباح الخير ؟ لا والله صباحي انت ،
يا كل الناس بـ عيوني و كل الخير ..

فَلْسَفه شِعريّه

"لو إن الأرض تَرْقص و السّما تَمّطِر
‏بـ يَنّظرها الحِزن من زاوية الأحزان!"