"الليالي دون ضحكاتك نسايمها غبينه.."

__ناصر مناحي.

"أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بـ كل حبي وتعظيمة غلاك
‏قبل أصدّ بـ قلب عايف وحالٍ منقلب"

"ماهي الهقوه ولا هذا طموحي
‏الهوى ماهو وسيلة للتسلّي

‏كيف بنسى قلبك وبستر جموحي؟
‏من يناديني ليا غبت ويهلّي؟

‏من يواسيني قبل عبرات نوحي؟
‏من يسافربي وانا واقف محلّي؟

‏من علي اغلا من عيوني وروحي؟
‏من يدلّيني مشاوير التغلّي؟

‏انتي اطهر آسفه ترضين بوحي
‏من لك انتي لا تفارقنا ومن لّي؟

‏خلّي اللي بيني وبينك وروحي
‏واذكري عزّي ولا تطرين ذلّي

‏كل ما حنّيتلك صاحت جروحي
‏ليه ماخفت الفراق وجيت كلّي؟"

__أحمد البحّا.

"شعوري الليله شعور البدايه
‏بين القديم من السكك والمنازل

‏شعور من يبغى الرضا والهدايه
‏ويواجه انواع الحيَل والمهازل

‏غريب ماله من ورا الناس غايه
‏بينه وبين الواقعيّـه عوازل

‏راحت حياته ينتظر.. والنهايه
‏يوم اقترب من كل حاجه تنازل"

«جعل ربي ما يجرّدني من شعور القناعه
‏يا كثر ما فاتني فرصة عمر و اقول خیره»
‏
__جابر النشيرا.

"تحاصرني الدنيا واموري مثل ما هي
‏الازعاج يملى مجرياتي.. وأنا هادي" (:
‏
__عبدالله السراهيد.

"فدى ضحكةٍ غابت وصبري بعدها طال
‏ما خلت بـ جوفي غير غصّه وتنهيده
‏
‏خذته الليالي والليالي طويلة بال
‏لا قفّت لها في شي ما ظنّي تعيده

هو اللي غيابه مرّ ومفارقه قتّال
‏وهو اللي تبي تفنى عظامي وأنا أريده"

__بندر الدويش.

"رهيف شعور ويداري شعور الخاطر المكسور
‏رغم كل الشدايد ما تنازل عن طموحاته

‏بناء مستقبل أحلامه من أفكار، وصور، وشعور
‏إذا الواقع قسى؟ يرحل ويسكن في خيالاته"
‏
__سعد علوش.

«يمرّون غيرك فوق موق العيون أشباه
فتنت الليالي، لين عافت عوض غيرك»

__صالح بن حمد.

‏"اسقنيها والله إنّي لريحتها شفوق
‏ما اتحلوى مرّ الأيام.. لين أذوقها"

"وش ينسّيني عبق ماضي لياليك المليحه
‏مستحيل أنسى، لو النسيان للإنسان عاده"

"أنت تدري وش أجمل منك في عيني
‏أنت لاصرت مبسوطٍ على شاني

‏تكرم البسمة اللي منك تكفيني
‏كيف أناديك عمري والعمر فاني

‏كل شيٍ خلق بك، لك يناديني
‏انت غير الجميع ولك غلا ثاني

‏قلت أبذكرك وأثرك ساكنٍ فيني
‏بين عيني.. وعيني ما تعدّاني"

«كلّ كلمة بلعنا شرّها بـ الكلايف
‏جعلها بالصحايف عند ربي ثقيلة»

ليت لي..
‏في قلبك أشياء مثل ما لك
‏في مساحاتي مساحات وسيادة.

"أستسمحك يا الملاذ من الليال الشحاح
أقدارنا ترسم.. اللي ما قدرت أرسمه"

"برقٍ لمع، ولّا ضحَك سنك؟
‏يا وجهٍ الله بالحلا ماليه

‏بالغت يوم اوصّفك لانك
‏جميله.. بشكلٍ مبالغ فيه" 🤍

‏"وجهك مثل صبحٍ يسوق التباشير
‏واليا أبتسمت من الشموخ أرتوينا

‏سولف وتنبت بالصدور النواوير
‏وأقطف غلاك من العمر ما حيينا

‏يا كثر مايفرق حضورك عن الغير
‏مثل المطر مهما هطل ما أكتفينا"

"أحبك من الله.. وأحبك من زمان
لا تسأل الحب ليه؟ ومن متى؟

انا اذكره كان في مثل هذا الزمان
اواخر الصيف.. وبدايات الشتاء"

‏"أشوفك بالمرايا والزوايا والزهر والناس
‏وقمرا تضحك بوجه العتيم وتزعل الظلما"