"ليه كل درب ٍيودي لك.. يشد الأنتباه
‏وليه أشوفك في عيوني الجهات الأربعه!"

أحبك حتى لو إنك بعين الذاكره مِخطي !

"على تفاصيلك تجود القريحه
يا وجهٍ عند اطلالته.. تقعد الشمس

أجمل بنات الارض جنبك قبيحه
لو كان فيهم تكفي حروفك الخمس

خليك في عرش الغلا مستريحه
وقولي سواليفك على سمعي بهمس

عطيني نبذه للحروف الفصيحه
مع دافع التكرار بالقول و اللمس

يجوب فيك الورد من نفح ريحه
ويعتاظ فيك اللي فقد فرحة الأمس"

"ياللي جديلك في الضحى لو تفلّه
‏خيّم عليه الليل الأجعد وغطّاه

‏مالي ملاذ إلاّ الرموش المظلّه
‏في حسنها معراج طرفي ومسراه"

تقولين انت من قدك؟ واناظر قدك المياس
‏واقول اليا تمايل قدك المياس — من قدي ؟

‏ابي ليله ما غير انتي، وانا، والشعر، والنسناس
‏"بعدها ما يهم ان وقفو كل البشر ضدي"

‏__خالد بن طفلان.

"أعوذ بك ربِّي من الخوف ومن الوسواس
‏و من حاجةٍ مالي بها قوّه ولا حيله

‏فيك الرِّجى ما خاب يارب الفلق والنَّاس
‏و منك الأمل ما مات لا لحظه ولا ليله

‏أنت اليقين الِّلي قطع حبل الجزع واليأس
‏و أنت الأمان الِّلي بخوفي دايم أشكي له"

"من كثر ما أتعبني شعور إنّك تروح
‏ما عاد يسعدني.. شعور إنّك تجي"
‏
__عبدالله السراهيد.

وسامحني.. أنا وقلبي سهرنا الليل وأغتبناك
‏وتسامرنا بـ حكي واجد.. لعلّ الدمع كفاره

‏ضحكنا من مواقفنا، سكتنا شوي وعاتبناك
‏ياليت ان البداية سجنْ ما نطلع من أسواره

‏تصارحنا أنا وياه.. من اللي ما قدر ينساك!
‏وطاح القلب من عيني وأنا طايح من أنظاره

‏كتبنا لك جداريه على ضلوع الصدر تزهاك؛
‏شف الدنيا بلا حسّك.. وطن يستفقد أنواره

‏تخيّل! رغم "طعناتك" تلاقينا على ذكراك
‏يموت اللي صدق بالحب طريح وماحدٍ زاره

ماتعد الحق.. يالليل الطويل
‏يسهر المظلوم والظالم ينام!

"أحبك، ولو يمطر سحاب الدروب أحباب
‏رضيت بْـ ظماك، وخل الأنسام تسري به

‏أحبك، ولو عادت جميع الوجيه أغراب
‏خذيتك أمان، يْشرّد الخوف من طيِبه

‏أحبك، لو أعذارك ماهي تقنع الكذّاب !
‏أنا الصدق بعض أحيان ما ودي أدري به

‏حشاك أني آخذ من ظروف الغياب أسباب
‏ما زاد الوصل والله، ولا نقّص الغيبة"

__صالح بن حمد.

"أنت يا وجه يغني عن وجيه الناس
‏كل يوم وحلاك بـ زود.. ما مليت؟

‏في جمالك نقيضٍ يدهش الاحساس
‏ثغر يحيي بـ بسماته.. و عين تْميت

‏خذ من الليل كحل عيونك النعّاس
‏و فل شعرٍ على ظلماه رحت وجيت

‏أدعجٍ يلعب بـ خصلاته النسناس
‏كل ما تنقضه.. نقضت لاجله بيت"

__مشاري الصغيّر.

"أنا كذا —— مثل الشغف.. لا توارى
‏من عاشني لحظة، يسولف بي سنين"

"هي عظيمة بس والله ما دريت إنها عظيمة
‏لين قالوا.. ما يعرف الحاجه الّا من فقدها"
‏
__مطرف بن شارع.

"على كثر ما كانت ليال الوصال قصار
‏على كثر ما كانت طويلة.. بـ ذاكرتي"
‏
__عبدالله السراهيد.

"عندي شهود بإن عيونك اللي رمنّي
‏لو أنا يوم شفتك، قلت محدٍ رماني"

"حبيبي.. من يقول اني رضيت اطيح؟
‏مطيحي في غرامك كان.. في غَفله

‏مثل عطرٍ لفت به.. كفّتين الريح
‏طرق قلبٍ ورا صدري، و سرق عَقله

‏عشقتك كنّ ما ثلث الهوى.. تجريح
‏ولا كنّ المحبه ما هي بـ سَهله

‏طمعتك كنّ ما ذقت الوله تبريح
‏ولا كنّ الليالي… باللقى خَجله"

"ودي ارد قلبي بالغزل ياغزاله
‏لايسوي سوات اللي يهمّل رفيقه

‏الهوى لذّته في طيشه وفي هباله
‏ولذّة اول شعور وربكة اول دقيقه

‏وجهٍ اللي يشوفه ينبهر من جماله
‏وطلةٍ تجعل الرجال يشرغ بـ ريقه!

‏ودي امثل مثول المتهم للعداله
‏ماعلي دامني بين اليدين الرقيقه

‏العفو "ياشبيه اللي جفل من ظلاله"
‏نظرتي في التفاصيل الدقيقه دقيقه

‏انت حتى الذهب يزهاه جيدك لحاله
‏ويتلاشى على غيرك ويفقد بريقه"

__جابر النشيرا.

"تمايل عودك المايل على عوج الضلوع وذاب
‏كأن الله خلق صدري وطنْك وضحكتك بيتي

‏تباهي في قصيد اللي قصيده يسرق الالباب
‏يجيب اللي عجز غيره يجيبه لا تعدّيتي"