Мужчина совершил самоподжог в здании аэропорта Алматы

Полицейские оперативно среагировали и потушили огонь.

Мужчина доставлен в городскую больницу. Обстоятельства и мотивы происшествия выясняются.

Возбуждено уголовное дело.(kriminal_kz)

6 баланы қағып кеткен жүргізуші 10 жылдан бері эпилепсиямен ауыратыны белгілі болды

Бестерек ауылында 6 баланы қағып кеткен жүргізушінің 10 жылдан бері эпилепсия диагнозымен есепте тұрғаны анықталды деп хабарлады 24kz.

Үржар аудандық соты 55 жастағы азаматты көлік құралын басқару құқығынан айырды. Айыпталушының мұндай ауыр диагнозы бола тұра, жүргізуші куәлігін қалай алғаны белгісіз.

Қазақстанда әлеуметтік маңызы бар тауарлардың бағасы арзандады

Атап айтқанда, пияз бағасы 9%-ға, картоп – 6%, сәбіз – 4%, қырыққабат – 2,2%-ға, ал күріш – 0,2%-ға төмендеген. Бұл туралы Вице-премьер, Ұлттық экономика министрі Серік Жұманғариннің қатысуымен өткен Үкімет жиынында мәлім болды.

Кездесуде жаңа өнім келісімшарттарын және тұрақтандыру қорларын бақылау шараларын күшейту мәселелері қарастырылды.

Сонымен қатар, сиыр еті нарығындағы баға соңғы аптада 0,8%-ға өскен. Жыл басынан бері бұл өсім 20,2%-ға жетті, бірақ әлемдік ет бағасының өсу қарқынына қарағанда әлдеқайда төмен.

Алматыда жеке тұрғын үйден өрт шықты

ТЖМ құтқарушылары өрттің таралуына жол бермеді.

Алматы қаласы, Алмалы ауданы, Варламов көшесіндегі жеке тұрғын үйде өрт шықты. Өрттің көршілес ғимараттарға таралу қаупі болды.

ТЖМ қызметкерлері оқиға орнына жедел жетіп, өрттің әрі қарай таралуына жол бермей, оны толық сөндірді. Өрт сөндіру жұмыстары ғимараттардың тығыз орналасуы мен конструктивті ерекшеліктеріне байланысты күрделене түсті, бұл жалынның жылдам таралуына әсер етті. Зардап шеккендер жоқ, себебі анықталуда.

Алматы әуежайында өзін өртеген ер адамның себебі белгілі болды

Ресми мәлімет бойынша, оқиғаның себептері ретінде ер адамның азаматтық әйелімен болған жеке жанжал сеп болған.

Оқиғаның барлық жағдайлары анықталуда.

Әуежай баспасөз қызметі, бұл жағдай әуежайдың жұмысына әсер етпегенін хабарлады. Алматы халықаралық әуежайы қалыпты режимде жұмыс істеп тұр.

Қазақстанда несиені ерте жапқаны үшін айыппұлдар жойылды

2025 жылдың 31 тамызынан бастап әрбір қазақстандық өз қарызын мерзімінен бұрын ешқандай айыппұлсыз өтей алады.

📌Бұрынғы талаптар:
– 1 жылға дейінгі несиеде алғашқы 6 айда айыппұл салынатын;
– 1 жылдан асатын несиеде алғашқы 12 ай бойы айыппұл төленетін.

📌Жаңа ереже бойынша:
– Айыппұл тек заңды тұлғаларға ғана қалады;
– Жеке тұлғалар қарызын кез келген уақытта еш шығынсыз жаба алады.

💡Қолданар кеңес:
– Қауіпсіздік үшін қаржылық қорыңызды сақтаңыз;
– Несие жапқаннан кейін банктен жаңа төлем кестесін сұраңыз;
– Қарыз толық өтелгені жөнінде анықтама алуды ұмытпаңыз.

Dauletten

Бекхан Шайзада, Ұлар Жақсыбаев, Сергей Малый және Сұлтанбек Астанов Қазақстан Ұлттық құрамасына шақырту алды ✅

🔜 Айта кетейік, ұлттық құрама қыркүйек айында екі матч өткізеді.

🇰🇿 Қазақстан – Уэльс 🏴󠁧󠁢󠁷󠁬󠁳󠁿
🏆 2026-Әлем чемпионаты | Іріктеу кезеңі
📆 04.09.2025 | 19:00
🏟️ «Астана Арена», Астана

🇧🇪 Бельгия – Қазақстан 🇰🇿
🏆 2026-Әлем чемпионаты | Іріктеу кезеңі
📆 07.09.2025 | 23:45
🏟️ «Лотто Парк», Брюссель

Қазақстанда 90 мыңға жуық бала «Балақайлар мектебі» бағдарламасы бойынша мектепалды дайындықтан өтті

📚 Жазғы демалыс кезінде бірінші сыныпқа баратын балаларға бірдей бастапқы мүмкіндік беру мақсатында мектепалды дайындыққа арналған «Балақайлар мектебі» қысқа мерзімді бағдарлама ұйымдастырылды. Бұл туралы Оқу-ағарту министрлігінің баспасөз қызметі хабарлайды.

Су ресурстары және ирригация министрлігі суару маусымының қорытындысы бойынша қызметтік тексеріс жүргізеді

Су ресурстары және ирригация министрі Нұржан Нұржігітов вегетация кезеңі мәселесі бойынша аппарат кеңесін өткізді.

«Вегетация кезеңі аяқталуға жақын. Биыл ол күрделі жағдайда өтіп жатыр. Аптап ыстық пен жауын-шашынның болмауы суды көбірек тұтынуға алып келді. Кейбір өңірлерде тиісті бақылау жүргізілмей, ылғалды көп қажет ететін дақылдардың жоспардан тыс егілу фактілері тіркелді. Бұл жағдай еліміздің оңтүстігіндегі су шаруашылығы ахуалына айтарлықтай әсер етті. Сондықтан мұндай олқылықтардың қайталанбауы үшін вегетация кезеңі бойынша қызметтік тексеріс жүргізуді тапсырамын»,
- деді Су ресурстары және ирригация министрі Нұржан Нұржігітов.
Қазіргі таңда Алматы мен Жетісу облыстарында вегетация кезеңі тұрақты өтіп жатыр. Алматы облысында су алу көлемі 1,2 млрд текше метрді құрап, 136 мың гектар егіс алқабы суарылды. Ал Жетісу облысында су алу көлемі 1 млрд текше метрді құрап, 132 мың гектар жер суарылды.

Үкіметте алдағы үш жылдық кезеңге арналған республикалық бюджеттің жобасы қаралады

«2026-2028 жылдарға арналған республикалық бюджет туралы» Заң жобасы Үкімет отырысында ұсынылды. Қаржы министрі Мәди Такиев еліміздің бас қаржы құжатының негізгі параметрлері туралы баяндады.

Оның айтуынша, 2026 жылы кірістер 23,1 трлн теңгені құрап, 2028 жылға қарай 27,6 трлн теңгеге дейін артады, шығыстар – 27,7 трлн теңгені құрайды. Бюджет тапшылығы 2026 жылғы жалпы ішкі өнімнің 2,5%-ынан 2028 жылға қарай жалпы ішкі өнімнің 0,9%-ына дейін кезең-кезеңімен төмендетіледі. Министр бюджет ұзақ уақыт ішінде алғаш рет Ұлттық қордан нысаналы трансферттерді пайдаланбай теңдестірілгенін атап өтті.

Бұл ретте ол экономиканың нақты секторын мемлекеттік қолдаудың айтарлықтай ұлғаюымен әлеуметтік бағдарланған күйінде қалып отыр.

«Шығындарды оңтайландыру және басымдық беру бойынша жұмыс жүргізілді. Оңтайландырылған қаражат нақты секторға бағытталды. Экономиканың өсуін ынталандыратын шығыстар 10,9% - дан 16,1%-ға дейін ұлғайып, 4,470 трлн теңгені құрады»,
— деп атап өтті Мәди Такиев.

Шығыстардың негізгі үлесі – 38,7% немесе 10,7 трлн теңге, дәстүрлі түрде әлеуметтік салаға бағытталған.

Экономиканың нақты секторын қолдауға арналған шығыстар 3,6 трлн теңгені құрайды. Оның ішінде агроөнеркәсіптік кешенді дамытуға 732 млрд теңге, көлік инфрақұрылымына – 855 млрд теңге бағытталатын болады. Республикалық жолдарды салуға тағы 580 млрд теңге мемлекеттік кепілдіктер тетігі арқылы тарту жоспарлануда. Күштік блок шығыстары 3 трлн теңгеден астам қаржы көзделген.

Қарағандыда 10 жасар қыз терезеден құлап, ауруханаға түсті

Оқиға, Қарағанды қаласындағы Донецкая көшесіндегі үш қабатты тұрғын үйде орын алған. 10 жастағы қыз бала терезеден құлап, ауруханаға жеткізілді. Ол сол уақытта құрбысының үйінде қонақта болған.

Қазіргі таңда, зардап шеккен қыз балалар травматологиясына жатқызылды. Оның жағдайы орташа деп бағалануда. Құлау оқиғасының себептері мен мән-жайларын анықтау үшін полиция қызметкерлері тергеу жұмыстарын жүргізуде.

Көмір өндіруші кәсіпорындар мен ҚТЖ өңірлерге көмірдің қажетті көлемін жеткізуге дайын–Энергетика министрлігі

ҚР Энергетика министрі Ерлан Ақкенженов Үкімет отырысында республиканың көмірмен қамтамасыз етілгендігі туралы баяндады.

Ол атап өткендей, көмір өндіруші кәсіпорындар осы жылдың 7 айында 61,4 млн тонна көмір өндірді, оның ішінде коммуналдық-тұрмыстық қажеттіліктерге және халыққа 2,2 млн тонна, энергетикалық кешендерге 37,4 млн тонна, өнеркәсіптік кәсіпорындарға 1,6 млн тонна, экспортқа 18,2 млн тонна жөнелтілді.

Барлық өңірлерде алдағы жылыту маусымына дайындық жұмыстары жүргізілуде.

Алдағы жылыту маусымына көмір өнімдеріне қажеттілік шамамен 7,7 млн тоннаны құрайды. Бүгінгі таңда шамамен 2,2 млн тонна жеткізілді, бұл жылдық жоспардың 29%-ы. Әкімдіктердің мәліметінше, оны өткізу орындарындағы көмірдің жалпы қоры 434 мың тоннаны құрайды.

«Жалпы, көмір өндіруші кәсіпорындар мен ҚТЖ жоспарларға сәйкес өңірлерге қажетті көмір көлемін жеткізуге дайын»,- деп атап өтті Ерлан Ақкенженов.

Бизнес-тренер елорданың сенгіш азаматтарын алдады

Қылмыскер өзін онлайн-сауда және сатып алу саласындағы бизнес-тренер ретінде таныстырып, болашақ клиенттерді Instagram әлеуметтік желісі арқылы тартып, онлайн-саудаға үйрету курстарын ұсынған.

Оқыту аяқталғаннан кейін тыңдаушыларға тұрмыстық техниканы көтерме саудалауға қаржы салуды ұсынып, салынған қаражаттың 10%-ы мөлшерінде табысқа уәде берген. Алайда, төлемді алып, уәде еткен шарттарын орындамай, клиенттермен байланысын үзіп, жасырынған.

Мемлекеттік айыптаушы сотталушының 50 млн теңгеден астам залал келтірген 10 эпизодтан тұратын алаяқтық қылмысын толық дәлелдеді.

Сот үкімімен кінәліге 5 жыл бас бостандығынан айыру жазасы тағайындалды.

Қала прокуратурасы алаяқтық жасағаны үшін мүлкін тәркілей отырып, 10 жылға дейін бас бостандығынан айыру түріндегі қылмыстық жауапкершілік қарастырылғанына назар аударады.

ҚР Бас Прокуратурасы.

Қарағандыда дәрігерлер 1 жасар баланың ішінен 22 магнит алып шықты

Қарағандыда дәрігерлер 1 жасар баланың ішінен 22 магнит алып шықты. Бұл туралы Балалар хирургиясы орталығының жетекшісі, балалар хирургі Бейбіт Серғалиұлы Бердібеков хабарлады.

Оның айтуынша, сәби ауруханаға дене қызуы көтеріліп түскен. Тексеру кезінде дәрігерлер баланың іш құрсағында бөгде зат барын анықтап, жедел түрде нейрохирургия бөлімшесіне жатқызған.

— Науқасты шұғыл түрде отаға алдық. Операция кезінде ішінен 22 дана магнит алынды. Қазіргі уақытта баланың жағдайы бірқалыпты, бөлімшеде ем қабылдап жатыр, — деді Бейбіт Бердібеков.

Дәрігердің сөзінше, ата-аналар баланың магнит жұтқанынан бейхабар болған.

🇰🇿🇯🇴Иордания Королі II Абдалла бен әл-Хусейн Астанаға сапармен келді

Президент Қасым-Жомарт Тоқаев Иордания Королін Астана әуежайынан қарсы алды.

Ертең мемлекеттер басшылары келіссөз жүргізіп, Қазақстан-Иордания бизнес форумына қатысады

🇰🇿🇯🇴Король Иордании Абдалла II бен аль-Хусейн прибыл с визитом в Астану

Президент Касым-Жомарт Токаев встретил Короля Иордании в аэропорту Астаны.

Завтра главы государств проведут переговоры и примут участие в казахско-иорданском бизнес-форуме.

Ақорда

Семейде ТЖМ қызметкерлері өрт кезінде бір адамды құтқарды

Титов көшесінде 4 қабатты тұрғын үйде екі балкон жанды.

Құтқару қалпағының көмегімен өрт сөндірушілер 1 адамды эвакуациялап, 2 газ баллонын қауіпсіз жерге шығарды. Құтқарушылардың үйлесімді жұмысының арқасында өрт одан әрі пәтерлерге таралмады.

Өрт 6,5 шаршы метр алаңда сөндірілді. Зардап шеккендер жоқ, себебі анықталуда.