Tridevi - deb hind mifologiyasida uch buyuk ma’buda majmuasiga aytiladi. Ular Trimurtining (Brahma, Vishnu, Shiva) juftlari va ramziy to‘ldiruvchilaridir.

1. Sarasvati - bilim, san’at, nutq va donolik ma’budasi. Odatda oq libosda, qo‘lida vina (musiqa asbobi), kitob va oq oqqush bilan tasvirlanadi. Brahmaning jufti hisoblanadi.

2. Lakshmi - boylik, farovonlik va baxt-saodat ma’budasi. U ko‘pincha lotus ustida turgan, oltin tangalar sochayotgan holda, fil yoki lotus gullari bilan tasvirlanadi. Vishnuning jufti.

3. Parvati - qudrat, ona mehr-muhabbati va himoya ma’budasi. U turli ko‘rinishlarda bo‘ladi: sher va uch tishli nayza (trident) bilan tasvirlanadi. Shivaning jufti.

“Brudershaft” (Брудершафт) - so‘zi nemischa "Brüderschaft" so'zidan kelib chiqqan bo‘lib, so‘zma-so‘z tarjimasi “birodarlik” demakdir. Bu odat Germaniyada keng tarqalib, keyinchalik Rossiya va boshqa Yevropa mamlakatlariga ham o‘tgan.

“Пить на брудершафт” - ikki kishi qadahlarini ko‘taradi, qo‘llarini chalishtirib ichadi va shundan so‘ng ular rasmiy murojaatdan (sizlash - “Вы”) norasmiy murojaatga (senlash - “ты”) o‘tishga haqli bo‘ladi. Bu jarayon do‘stlik, yaqinlik va ishonch ramzi hisoblangan.

Avvallari bu odat, ayniqsa, ofitserlar va talabalarda mashhur bo‘lgan. To‘y, ziyofat yoki do‘stona davralarda ko‘proq uchragan. “Brudershaft ichish” bilan odamlar bir-birini “aka-uka” yoki “do‘st” sifatida qabul qilgan.

Bugun ham bu odat ba’zi joylarda uchraydi, lekin ko‘proq o‘yin-kulgi va hazil tariqasida ishlatiladi. Demak, brudershaft - qo‘lni chalishtirib ichish va “senlash” do‘stona marosimi.

Klod Mone vasvasasi - deganda odatda fransuz rassomi Klod Mone (1840–1926) ning o‘ziga xos ehtirosi, ya’ni uning butun umr davomida tabiat manzaralarini, ayniqsa yorug‘lik va rang o‘zgarishlarini tasvirlashga bo‘lgan g‘ayratli ishtiyoqi nazarda tutiladi.

Mone ko‘pincha bir xil manzarani turli paytlarda, turli ob-havoda qayta-qayta chizgan. Masalan, “Ruan sobori”, “Somon g‘aramlari”, “Suv nilufarlari” turkumlari.

Suv nilufarlari - Giverni bog‘idagi hovuzida o‘stirgan nilufarlar Mone uchun deyarli maniyaga aylangan: hayotining so‘nggi 30 yilini shu mavzuga bag‘ishlagan. U buni "cheksiz kompozitsiya" deb atagan.

"Klod Mone vasvasasi" - bu yorug‘lik, rang va tabiat manzaralarini qayta-qayta, turlicha holatda tasvirlashga bo‘lgan obsesif ehtirosdir. Bir narsaga ruju qo'yish bilan izohlanadi. Ko'pchilik rassomlarda (misol uchun Endi Uorxolda) "Klod Mone vasvasasi" bo'lgan.

​Mushugingiz biron narsani hidlab, og‘zini biroz ochgancha qotib qolganini ko‘rganmisiz. Yoki ilonlarning tinmay tilini chiqarishini. Buning sababi Yakobson organi. Bu hayvonlar burun bo‘shlig‘idagi yashirin, qo‘shimcha hid bilish organi bo‘lib, u oddiy hidlarni emas, balki biologik signallarni ya'ni feromonlarni ilg‘ab oladi. Hayvonlar u orqali o‘zaro "SMS" almashishadi.
​Ilonlar havodagi molekulalarni ayri tili yordamida yig‘ib, tanglayidagi shu organga yetkazadi va qorong‘uda ham yo‘l topadi. ​Mushuk va otlar esa muhim hidni sezganda yuqori labini jiyirib, og‘zini ochib qoladi. Bu havoni to‘g‘ridan-to‘g‘ri Yakobson organiga yo‘naltirish harakatidir.

Odamlarda ham ona qornida bu organ shakllanadi, biroq tug‘ilgach rivojlanishdan to‘xtaydi. Evolutsiya davomida ko‘rish va nutqimiz birinchi o‘ringa chiqqani sababli, insonda bu organ o‘z funksiyasini yo‘qotgan.
Bu jarayonni daniyalik anatom Lyudvig Yakobson kashf etgan.

Oʻyin 1953-yilda Vernon Parton tomonidan oʻylab topilgan boʻlib, nomi hammamiz bilgan Lyuis Kerrollning "Alisa koʻzgular ortida" asaridan olingan.
​
​O'yin ikkita shaxmat taxtasida oʻynaladi. ​Boshlanishida hamma donalar faqat A taxtada boʻladi, B taxta esa boʻm-boʻsh turadi. Siz biror dona bilan yursangiz, u yurishini tugatishi bilanoq darhol parallel taxtadagi xuddi shu koordinatali katakka "teleport" boʻladi.​

Ushbu shaxmatda odatiy strategiyalar ish bermaydi. Masalan, shohingizga hujum boʻlganda, uni toʻsish uchun yoʻliga biror dona qoʻysangiz, u dona yurishini tugatib, ikkinchi taxtaga oʻtib ketadi va shohingiz baribir himoyasiz qoladi. Shu sababli, Alisa shaxmatida oʻyinning atigi 3-4 yurishidayoq kutilmagan va juda tezkor mot holatlari yuzaga keladi. Bu oʻyin insondan bir vaqtning oʻzida ikkita taxtadagi kombinatsiyalarni xayolda ushlab turishni va fazoviy fikrlashni talab qiladi.

"Kafka plyajda" asarini eshitgansiz", "Eynshteyn plyajda" asarinichi? (Faqat bu opera).

1976-yilda bastakor Filipp Glass va rejissyor Robert uilson tomonidan yaratilgan ushbu asar qariyb 5 soat davom etadi va unda an'anaviy syujet deyarli mavjud emas. Tomoshabinlar raqamlar, takrorlanuvchi musiqiy motivlar va g‘ayrioddiy sahna tasvirlari orqali vaqt, ilm-fan va inson tafakkuri haqida mushohada qilishga undaladi.

Qizig‘i shundaki, asarda Albert Eynshteynning hayoti hikoya qilinmaydi. U zamonaviy ilm-fan va yangi davr tafakkurining ramzi sifatida qo‘llanadi.

Bugungi kunda "Eynshteyn plyajda" XX asrning eng muhim va ta'sirli eksperimental operalaridan biri sifatida e'tirof etiladi.

"Bolakay, ko'rsichqon, tulki va tulpor"

Charli Makkizi

Rapunzel sindromi - inson o'z sochini yutishi, chaynab, yeb yuborishi bilan xarakterlanadi. Natijada oshqozonda soch to'pi (trixobezoar) hosil bo'ladi. Bezoar bir necha kg gacha yetadi.

Bu sindrom o'z nomini uzunsoch malika Rapunzel sharafiga olgan.