كم تاريخ اليوم ههههه يسعد مساكم.

بعد قراءة ١٢٨ صفحة من كتاب نظام التفاهة - آلان دونو وترجمة مشاعل الهاجري أشوفه كتاب عادي، الترجمة عادية إلى جيدة والهوامش كثيرة بشكل مزعج لذلك غالبا أتجاوزها، لو أحد ناوي يقرأ الكتاب أنصحه يحسب عليه ويشوف خيارات أفضل للقراءة.

وش عسى دربك وردي؟ الصدق ما تعني أي شيء، الظاهر أنها على وزن دربك خضر اللي تنقال دعوة للشخص زي الله ييسر دربك، قالوا دامه أكتوبر شهر التوعية بسرطان الثدي خل نحط وردي مع أن الوردي ماله دخل بالنسوان على حد علمي.

واحد في التيك توك جاء عند مستعمرة نمل وكب عليها كيلو سكر يقول يبي يسبب لهم تضخم مفاجئ يضرب الاقتصاد ويريحهم من الشغل شهر قدام.

الصورة هذي صورتها وأنا أسوق في القصيم لو تلاحظون كيف موزونة وجميلة وهذا إن دل على شيء فهو يدل على أن الفنان يقدر يخرج بصورة رهيبة مهما كانت الظروف

هذا من أفضل ٣ أقلام جربتها الحجم ٠.٦ لازم إذا الحجم مختلف ما بيعجبكم

صارلي موقف محرج جدن زي ما يقول أخوي الصغير الأورا انعطبت

أبغى أنزل بالمصعد في الدوام للدور الأرضي وكان فيه ٣ بنات وولد وأنا وخويي برا سويت نفسي جنتل ورجعت يعني بنتظر المصعد الثاني دخل خويي وقال عبدالله ادخل ماعليك يوم جيت بدخل قفل نص المصعد وضرب بكتفي ضربة لها صوت والكل ناظرني، لا فزت بالجنتلة ولا تجنبت الضرر الجسدي ولا العاطفي.

«التسويف هو الطريقة التي تحافظ بها على وهْم إمكانياتك الكامنة!».

ياخي اللي سمى البرقية بهذا الاسم رهيب، سحب على كل شيء وانتبه لميزتها اللي هي سرعتها الرهيبة في الوصول للمستقبل وسماها برقية يعني توصل بسرعة البرق، مع أن أصلها الإنجليزي Telegram ما فيه أي شيء يخص السرعة، مكون من كلمتين يونانية tele (بعيد - عن بعد) gramma بمعنى ( رسالة - مكتوب - حروف) المترجم اللي سحب على الأصل اليوناني والإنجليزي وابتكر كلمة عربية يستحق الشكر، حتى الأفعال المرتبطة بالكلمة رهيبة إذا بتقول أرسل لي برقية تقول أبرق لي وأبرقت له العرنجية يقولون أرسلت إليه برقية وأرسل إلي برقية...إلخ لكن المفروض أبرق وأبرقت تكفي وصحيحة.

التعلم مستمر ويل للفرنساوية من الجاي

وش السالفة صار البقشيش والإكرامية تطلع لي كثير؟ يبون فلوس للوجبة وفلوس للتوصيل وفلوس إكرامية بعد.

"يبذل مندوبنا كل جهده لتسليم طلبك بابتسامة" طيب هذي شغلته وياخذ عليها فلوس، شكلهم يزرفون المناديب الضعوف ويقولون عطه إكراميه ما بناخذ منها شيء.