‏إي والله إني تايبٍ عنك وخلاص
‏وإني خرجت من الضلالة للهدى

‏وإني جريحٍ منك وجروحي قصاص
‏وغفرت مابي منك طِيب ولا ردى

قلبي من غير قلبك خايفّ واحنا من غير بعضنا أغراب

كل الكلام اللي أقوله ما يليق
‏دام السكوت اللي أشيله ما فَرَق

عسى الدنيا تبسّم لك و تصبح فرحتك روتين
و عساني كل ما أشتاق لـ لقاك القاك قدامي

واللي جعل عصريّة الجمعه جواب السائلين
‏إني فقدتك فقد ما يوصف ولا يلحق مداه

‏عسى قبرك أوسع من حدود القسى واللين
‏وعسى الله يسقي ترابك بوابل غيمةٍ ترعاه

يا الصحايب و الحبايب يا أقرب الاقرب لذاتي
‏يا الحقيقه في شتات الظن يا رزق النوايا

‏يا مدد ربي يا اعظم عون يا اقوى عداتي
‏يـ تناقض اختياراتي عيوبي و المزايا

ياخشوع التايه المغَرور يا امين دْعواتي
‏يا هدية ربي لقلبي لك ضلوعي هدايا

‏انت تطري مثل تطري على البال أمنياتي
‏ياشغف ماله بدايه شلون ابلقى لك نهايه ؟

‏شفتك الواجد على هالارض يا دعوة صلاتي
‏لين شلتك عن صدوف القاع بانحاء الحنايا

‏جيتلك بالقلب الابيض والنوايا الصالحاتي
‏في الزمان اللي البشر فيه البسو ثوب الحيايا

‏لك مثل ما للعيون الساهرات من المباتي
‏يا طموح ًكم خذا من ضحكتي صوت ثنايا

‏كثر مالك في طبوعي كثر مالك في صفاتي
‏ كثر ما سائوا فهم عفوية أفعالي وشايا

‏يكفي أنك كنت يوم من العمر في ذكرياتي
‏لو حصلي ما حصلي بالعمر هذي كفايه

وأنت ياللي تدري انك لا تحن ولا تداري
‏وان بعضك من ملى هالقلب وحشيَّة وخوف

‏كنت داري ان حبك جرحي اللي باختياري
‏وانت داري ان جرحك لا يحن ولا يروف

‏ملّ صبري في مدى شوقي ومن حزن انتظاري
‏واكبر احلامي تلاشت قدمي وْعيني تشوف

كل ما قمت آتلفَّت في يميني وبْيساري
شفت لك خيبة قديمة من حواليني تطوف

‏و وين مالديت عيني شفت حزني وانهياري
‏فاول دروبي طواري وآخر دروبي حتوف

تعال استوطن دیارك بـ قلبي و ما عليك خلاف
‏و خذني الشمس لـ أيامك و لـ عتمة حزنك القمره
‏
‏خذني مسند لـ قلبك و خذني لـ حملك الأكتاف
‏و خذني قلب لك خيره و ما تشوف بـ يوم شره

‏أغيب بلا سبب و بلا سبب يربكني الترحال
‏و أعوّد لـ المكان إللي يضم أربع .. تجاهاتي

‏مع إني هادي وجه و حكي لو ضاقت الأحوال
‏يجي هذا الحزن صخب و يلازم فكرة أبياتي
‏
و رغم إني لزمت الصمت من رهبة ليال ثقال
‏يبان البوح في رجفة يدي و يبعثر .. سكاتي

‏نهبّ هذا التعب حلمي كسر بي قيمة الآمال
‏سرق لذّة تفاصيلي ، سلب حلو إبتسامتي
‏
شديدة طبع لكن مرهفة قلب و طويلة بال
‏و بي صبر يتحمل حزن هالدنيا .. بـ خيباتي

‏ ليلة البارح حزنها وسط صدري طال
‏و قساها مثل قسوة دمعي الجارح و غصّاتي

بقت بـ الذاكره ليله حزينه من سنين طوال
‏تجي في بالي السارح ترجعني .. لـ عثراتي
‏
فقدت أحلام عمري لين غصني لـ الهبايب مال
‏و أنا ماني مشتاقه " لأحد " مشتاقه لـ ذاتي

جيتي وقلت الجرح يوم أقبلت هان
وأثرك على الجرح القديم أرتكيتي

&
جيتك وأنا جرحي ندي ولا بغيت الا الضماد
‏ولا دريت ان الضماد أقسى من الجرح الندي

يا أعظم من بقى يلمح في وجهي نوري الوقّاد
‏تعال أسرقني من سُخف الحياة وعالمٍ فاضي

‏على ماتشتهي خذني ولا تشاورني و تنقاد
‏" قِدم رجليك لو مهما تودّيني أنا راضي "

‏توسّدني وطن لو ما وسع صدرك فضاء وبلاد
‏أنا كل الدروب اللي تخلّت عنك في الماضي

هذا أنا ما غيرتني سنيني
‏من قلبي الضحكة ومن قلب دمعي

مواقف واسرار بيني وبيني
مخفيةً حتى عن أعز ربعي

‏احب اغيب وتسأل الناس ويني
‏ولا أكون بجمع ما هو بجمعي

يبطون ما ينسونيّ .. ذاكريني
الله خلق من طينه الخلُد ضلعي

‏أوفي مع اللي خان و الوافيني
‏لأن الوفا عرقي و ساسي و نبعي

‏مالي مشاريهً على خاينيني
‏دام البذر نقواي فالزرع زرعي

‏المشكلة ياخيبة الظن فيني
‏اشوف كل الناس من عين طبعي

أحبّك كنّ ما قبلك عزيز ولا سواك شعور
‏لو إن الناس مرّتني أحبك من حناجرها

‏كأنك أرض تأويني وكنّ العالمين بحور
‏وكنّي شعب ما يقدر يسافر أو يهاجرها

لا يروح العمر وانتي في ثرى نفسي دفينه
‏رغبةٍ عاشت وماتت بيني وما بين ذاتي

كل ما قلت أنا سامح ونفسي معيفه
‏أنتكس وأرجع أحبّك ولا أدري علامي
- بدر الدويش

ولا يطفي حر مابي من حرايق واشتعال
‏الا الدموع اللي من عيوني يهل هلالها

‏لازال فيها دمعتين من الفراق ولاتزال
‏ذكرى هنوف كل يوم احطها واشتالها

‏راحت عسى الله ما يلحقني مشاريه الرجال
‏تقول كني ما خلقت من التراب الا لها

أحنّه لا يحز بخاطره لومي رغم ما صار
‏وتجاهلت الشعور اللي تسبب فيه بأسئلته

‏لفظ كلمة مغشّيها الظلام ولاحقتها النار
‏خذت معها الصور والذكريات وكبر منزلته

‏هقى بي هقوةٍ دوني وأنا فوق الكلام العار
‏طغى يحسبني اتساهل ولكن ما تساهلته

‏أحبك بأصدق شعور وأحاسيس وبلا تفكير
‏وأبيك اليوم مع بكرا عشان تدوم ضحكاتي