ማስታወቂያ
ለፌዴራል ልዩ አዳሪ ትምህርት ቤት መምህርነት የተመዘገባችሁ መምህራን እና የትምህርት ቤት ዳይሬክተሮች ፤
ለፈተና የተመረጣችሁ ዝርዝራችሁን በተጠቀሰው ሊንክ፤
 ለመምህራን፤ https://sbs.moe.gov.et/career/check-status
 ለር/መምህራን፤ https://sbs.moe.gov.et/directors/check-status
በመግባት ማየት የምትችሉ መሆኑን እየገለፅን የፈተና ቀን ወደፊት የሚገለፅ ይሆናል።
ትምህርት ሚኒስቴር

በትምህርት ሪፎርሙ የትምህርት ምዘናና ፈተና አስተዳደር ሥርዓቱን ለማስተካከል የተወሰዱ እርምጃዎች እና ከታች ጀምሮ የትምህርት ጥራትን ለማረጋገጥ እየተሰሩ ያሉ ዋና ዋና ስራዎች
በሀገራችን የትምህርት ምዘናና ፈተና አስተዳደር ሥርዓቱን ለማስተካከል ከተወሰዱት እርምጃዎች አንዱ በትምህርት ፖሊሲው የተቀመጠውን አንድ ተማሪ ወደ ሚቀጥለው ክፍል ወይም እርከን ለመሸጋገር ቢያን 50 ከመቶና በላይ አማካይ ውጤት ማስመስመዝገብ አለበት በሚል የተደነገገውን የማስጠበቅ ጉዳይ ነው። በዚህም በሪፎርሙ የ12ኛ ክፍል ማጠናቀቂያ ሀገር አቀፍ ፈተና የወሰዱ ተማሪዎችም ይሁኑ በየትኛውም የትምህርት ደረጃ ያሉ ተማሪዎች 50 በመቶና በላይ አማካይ ውጤት ሲያመጡ ወደ ሚቀጥለው ክፍል/እርከን እንዲሸጋገሩ እየተደረገ ይገኛል። ከዚህ ቀደም በነበረው አሰራር ተማሪዎች 50 ከመቶ በታች አማካይ ውጤት አምጥተው ወደ ሚቀጥለው ክፍል እንዲዛወዱ ወይም በቀጥታ ወደ ዩኒቨርሲቲ እንዲገቡ ይደረግ እንደነበር የሚታወስ ነው። አሁን ባለው አሰራር ይህንን ሙሉ በሙሉ በማስቀረት በየትኛውም የክፍል ደረጃ 50 በመቶና በላይ አማካይ ውጤት ያላመጣ ተማሪ ወደ ቀጣዩ ክፍል ወይም እርከን አይዛወርም።
በተጨማሪም በአዲሱ የትምህርት ፖሊሲ መሰረት በ6ኛ እና 8ኛ ክፍል ክልል አቀፍ ፈተና እንዲሰጥ የተደረገ ሲሆን በሁሉም ክልልና ከተማ አስተዳደሮች በነዚህ ፈተናዎች 50 በመቶና በላይ አማካይ ውጤት ያመጡ ተማሪዎች ወደ ቀጣዩ ክፍል እንዲዛወሩ እየተደረገ ይገኛል። ይህም በየደረጃው የትምህርት ጥራቱ ያለበትን ደረጃ እየለኩ ለመሄድ ትልቅ አስተዋጻኦ ይኖረዋል። ሙሉ መረጃውን ይህንን ሊንክ በመጫን ማግኘት ይችላሉ፤ https://www.facebook.com/share/p/17CF2bPKAt/

ማስታወቂያ፤
ትምህርት ሚኒስቴር በፌደራል ደረጃ ለተቋቋሙ ልዩ አዳሪ 2ኛ ደረጃ ትምህርት ቤቶች ለዳይሬክተርነት ለመወዳደር የተመዘገባችሁና እና ለፈተና የተመረጣችሁ ተወዳዳሪዎች በሙሉ፤
ፈተና የሚሰጠው ሀሙስ መስከረም 29/2018 ዓ.ም ሲሆን በተጠቀሰው ቀን ከቀኑ 8፡00 ሰዓት በትምህርት ሚኒስቴር 5ኛ ፎቅ ላይ በሚገኘው የመሰብሰቢያ አዳራሽ እንድትገኙ እያሳዎቅን ለፈተና ስትመጡ፤
 ሙሉ የትምህርት ማስረጃ ኦርጂናል እና ኮፒ፣
 ልዩ የክረምት የአቅም ግንባታ ስልጠና እና የአንድ አመት ልዩ የ2ኛ ደረጃ ትምህርት ቤት አመራሮች ስራ ላይ ስልጠና ሰርትፍኬት፣
 የሙያ ፍቃድ እና እድሳት ሰርትፍኬት፣
 በትምህርት ቤት አመራርነት ተገቢነት ያለው የስራ ልምድ ማስረጃ የሚገልጽ ደብዳቤ መያዝ የሚያስፈልግ መሆኑን ለመግለጽ እንወዳለን።

በሳለፍነው ዓመት መንግስት ለትምህርት ዘርፉ ልዩ ትኩረት ስጥቶ መስራቱን የኢፌዲሪ ፕሬዚዳንት ታዬ አጽቀስላሴ ገልጹ።
--------------------------- // ---------------------------

(መስከረም 26/2018 ዓ.ም) የኢፌዲሪ ፕሬዚዳንት ታዬ አጽቀስላሴ የህዝብ ተወካዮች እና የፌዴሬሽን ምክር ቤቶች የ2018 ዓ.ም የሥራ ዘመን መክፈቻ ላይ ባዳርጉት ንግግር ባለፈው ዓመት መንግስት ለትምህርት ዘርፉ ልዩ ትኩረት ስጥቶ መስራቱ ተናግረዋል።

በትውልዶች ውስጥ የሚስተዋለው የእሴት መሸርሸር ዋናውና መነሻው የትምህርት ጥራት ችግር እንደሆነ መንግስት እንደሚያመን አንስተው ይህንን ሳንካ ለመቅረፍ ባለፈው ዓመት በትምህርት ጥራት ላይ ልዩ ትኩረት ተሰጥቶ መሰራቱን ገልጸዋል።

በተለይም መንግስት አዲስ የትምህርትና ስልጠና ፖሊሲ ቀርጾ ተግባራዊ ማድረጉን፣ የ”ትምህርት ለትውልድ” በሚል መሪ ቃል ማህበረሰቡን በማንቀሳቀስ የትምህርት ተደራሽነትን የማረጋገጥ ስራ መስራቱን አብራርተዋል። ለበለጠ መረጃ ይህንን ሊንክ ይጫኑ፤ https://www.facebook.com/share/p/174cdgzumN/

ማስታወቂያ
የድህረ ምረቃ ፕሮግራሞች የመግቢያ (NGAT) የፈተና ጊዜን ስለማሳወቅ

በ 2018 የትምህርት ዘመን ትምህርት ሚኒስቴር የሚሰጠውን የድህረምረቃ ፕሮግራሞች የመግቢያ ፈተና (NGAT) ለመውሰድ የተመዘገባችሁ አመልካቾች በሙሉ፤
ፈተናው የሚሰጠው ሰኞ ጥቅምት 03/2018 ዓ.ም መሆኑን አውቃችሁ በተመደባችሁበት የፈተና ማዕከል እንድትገኙ እናሳስባለን።

ማሳሰቢያ፤
• ሁሉም ተፈታኞች በተመደቡበት የፈተና ማዕከል ማንነታቸውን የሚገልጽ መታወቂያ እና በ https://ngat.ethernet.edu.et ፖርታል በኩል የተላከላቸውን Exam Entrance ቲኬት ይዘው መገኘት ይኖርባቸዋል።

ማስታወቂያ
የሪሜዲያል መግቢያ ነጥብን ስለማሳዎቅ
ትምህርት ሚኒስቴር በ2018 የትምህርት ዘመን የመንግስት ዩኒቨርሲቲዎችን በተፈጥሮ እና ማህበራዊ ሳይንስ ትምህርት መስኮች ከ49.5% በታች ያስመዘገቡ ነገር ግን ከዚህ በታች የተዘረዘሩትን የሚያሟሉ ተማሪዎች የ Remedial ፕሮግራም ተጠቃሚ መሆናቸውን እናሳውቃለን።
1. በሁሉም አማራጮች (በግል እና በመንግስት ተቋማት) የ Remedial ፕሮግራም ለመከታተል ተማሪዎች እንደተፈተኑት የትምህርት አይነት ብዛት 33% ከመቶ እና ከዚያ የተቆረጠ መሆኑን።
2. ከላይ በተራ ቁጥር 1 የተገለጸው እንደተጠበቀ ሆኖ በመንግስት ተቋማት (ወጪያቸው በመንግስት ተሸፍኖ) የ Remedial ፕሮግራም የሚከታተሉ ተማሪዎች የመቁረጫ ነጥቡን ያሟሉ ብቻ ይሆናሉ።

ማስታወቂያ
የዩኒቨርስቲ ምደባ እየተጠባበቃችሁ ላላችሁ ተማሪዎች በሙሉ፤
የዩኒቨርስቲ ምደባችሁን በእነዚህ ሊንኮች ማየት የምትችሉ መሆኑነ እንገልጻለን።
Website: https://student.ethernet.edu.et
Telegram bot: @moestudentbot