የመምህራንና የትምህርት ቤት አመራሮች ስልጠና በጥናት የተለዩ ክፍተቶችን በመሙላት አቅም የሚገነባበት መሆኑ ተጠቆመ፤
ከሁሉም የአገሪቱ ክፍሎች የተውጣጡ መምህራንና የትምህርት ቤት አመራሮች ስልጠና በመውሰድ ላይ ናቸው፡፡

-----------------------------------------------

(ሐምሌ 29/2017 ዓ.ም) የኮተቤ የትምህርት ዩኒቨርስቲ የህይወት ዘመን ትምህርት ኢንሰቲትዩት ዳይሬክተር እዮኤል አባተ (ዶ/ር) ስልጠናው መምህራንና የትምህርት ቤት አመራሮች ይቸገሩበታል ተብሎ በጥናት የተለዩ ክፍተቶችን መሰረት ያደረገ መሆኑን ገልጸዋል፡፡

በአገራችን ትምህርትን ከተማሪዎች ሀይወት ጋር አገናኝቶና ተግባር ተኮር አድርጎ በመስጠት ተማሪዎች ትምህርቱን ወደውትና ለህይወታቸውም የሚጠቀሙበትን እውቀትና ክህሎት እንዲያገኙ ከማድረግ አንጻር ክፍተት መኖሩን ዶ/ር እዮኤል አመልክተዋል፡፡

ስልጠናው ተማሪዎች እውቀት ወይም ሀሳብ (concept) ወደ መሬት አውርደው ከራሳቸው ህይወት እና ተግባራዊ ሊሆን ከሚችል የማስተማር ስነ ዘዴ ወይም ፍልስፍና ጋር አቆራኝተው መስጠት እንዲችሉ አቅማቸውን የሚገነቡበት መሆኑንም ዳይሬክተሩ ጠቁመዋል፡፡

በመሆኑም ሰልጣኝ መምህራንና የትምህርት ቤት አመራሮች ስልጠናው በትምህርት ስርዓታችን ላይ አለ የሚባለውን ዋና እና መሰረታዊ ችግር ሊፈታ የሚችል የአቅም ማጎልበቻ ፕሮግራም በመሆኑ በአግባቡ መከታተልና ተገቢውን እወቀትና ክህሎት መጨበጥ እንደሚጠበቅባቸው ተናግረዋል፡፡ ሙሉ መረጃውን ማየት ይህንን ሊንክ ይጫኑ፤
https://www.facebook.com/share/p/1YBEbroskD/

የከፍተኛ የትምህርት ተቋማት አለም አቀፋዊ ተወዳዳሪ የሚያደርጋቸውን ሥራ መስራት እንዳለባቸው የከፍተኛ ትምህርት ልማት ዘርፍ ሚኒስትር ዴኤታ ክቡር አቶ ኮራ ጡሹኔ ገለፁ።

----------------------------------------------------
(ሐምሌ 29/2017 ዓ.ም) በጎንደር ዩኒቨርሲቲ አስተናጋጅነት እየተካሄደ ያለው የኢትዮጵያ ከፍተኛ ትምህርት ተቋማት የለውጥ ምክር ቤት ጉባኤ መካሄዱን ቀጥሏል።

በዚሁ ጊዜ የትምህርት ሚኒስቴር የከፍተኛ ትምህርት ልማት ዘርፍ ሚኒስትር ዴኤታ አቶ ኮራ ጡሹኔ የኢትዮጵያ ከፍተኛ ትምህርት ተቋማት ጥራትን በማሳደግ በአለም አቀፍ ደረጃ ተወዳዳሪ ለመሆን በርካታ ስራዎች መስራት እንደሚጠበቅባቸው አሳስበዋል።

ዩኒቨርሲቲዎቹ ከትምህርት ሚኒስቴር ጋር በገቡት የቁልፍ ተግባራት አፈፃፀም ውል መሰረት እስካሁን የሰሯቸውን ሥራዎች በቡድን ተከፍለው ሲገመግሙ ውለዋል።

የኢትዮ-ኮሪያ የትምህርት ዘርፍ የትብብር ግንኙነት ተጠናከሮ እንደሚቀጥል ተገለጸ፤

================================

(ሐምሌ 29/2017 ዓ.ም) በኮሪያ የግዮንግሰንግቡክ ትምህርት ቢሮ ምክትል ዳይሬክተር ሚስ ኪም ዳል ያንግ የተመራ ልዑካን ቡድን በትምህርት ሚኒስቴር በመገኘት ከትምህርት ሚኒስቴር የአጠቃላይ ትምህርት ልማት ዘርፍ ሚኒስትር ዴኤታ ተወካይ ከዶ/ር ዮሃንስ ወጋሶ ጋር ውይይት አካሂደዋል፡፡

በውይይቱም ዶ/ር ዮሃንስ ኮሪያ ከሁለት አመታት ወዲህ ለሀገራችን “ክሊክ” KLIC (Korean Digital-Learning Improvement Cooperation) በተሰኘ የትብብር ፕሮግራም የኢንፎርሜሽን ኮሙኒኬሽን ቴክኖሊጂ መሰረተ-ልማት ግብዓቶች ድጋፍና በዲጂታል ቴክኖሎጂ ላይ ለሁለተኛ ደረጃ መምህራን የአቅም ግንባታ ሥልጠና ድጋፍ እየሰጠች መቆየቷን ጠቅሰው ፕሮግራሙ “በፓይለት” ደረጃ ሲታይ ውጤታማ በመሆኑ ተጠናክሮ እንዲቀጥል ጠይቀዋል፡፡

የልኡካን ቡድኑ መሪ ሚስ ኪም ዳል ያንግ ቡድናቸው ከሐምሌ 30/2017 ዓ.ም ጀምሮ ለመምህራን የሚሰጠውን የአቅም ግንባታ ስልጠና ለማስጀመር እና እስካሁን የተደረጉ ድጋፎችን ውጤታማነት ለማረጋገጥ መሆኑን ጠቁመዋል። ሙሉ መረጃውን ለማግኘት ይህንን ሊንክ ይጫኑ፤ https://www.facebook.com/share/p/1AmuGS37mS/

ዩኒቨርሲቲዎች ዓለም ያለችበትን ሁኔታ የተገነዘቡ፤ ሀገርን ከችግር ሊያወጡ የሚችሉ ጥናትና ምርምሮች በማድረግ እውነትና እውቀትን መሠረት ያደረገ ሀሳብ የሚፈልቅባቸው ተቋማት ሊሆኑ ይገባል። የትምህርት ሚኒስትሩ ፕሮፌሰር ብርሃኑ ነጋ

-----------------------------------------------

(ሐምሌ 29/2017 ዓ.ም) የትምህርት ሚኒስትሩ በከፍተኛ ትምህርት ተቋማት የለውጥ ምክር ቤት ማጠቃለያ ፕሮግራም ላይ ተገኝተው በስተላለፉት መልዕክት አሁን ካለንበት የትምህርት ጥራት ችግር ለመውጣት ትልቅ ለውጥ ሊያመጡ የሚችሉ ሪፎርሞች ተቀርፀው በትምህርት ሴክተሩ እየተተገበሩ መሆኑን ጠቅሰዋል።

በተለይም ዩኒቨርሲቲዎች ዓለም ያለችበትን ሁኔታ የተገነዘቡ፤ ሀገርን ከችግር ሊያወጡ የሚችሉ ጥናትና ምርምሮች በማድረግ እውነትና እውቀትን መሠረት ያደረገ ነፃ ሀሳብ የሚፈልቅባቸው ተቋማት ሊሆኑ ይገባል ነው ያሉት።

እንደ ህብረተሰብ እንዳንጠፋ ከፈለግን ይህንን የሚቋቋም ትውልድ ለመፍጠር በመሰረታዊነት በመናበብ ከላይ እስከ ታች እነዚህን ሪፎርሞች መተግበር ይገባናል ብለዋል።

በዚህም በኢትዮጵያ ከፍተኛ ትምህርት ተቋማት ጥራት ያለው ትምህርት እንዲኖረን እንፈልጋለን ያሉት ሚኒስትሩ ከዚህ በኋላ በዩኒቨርሲቲዎች መካከል የሚኖር ውድድር በሚሰጡት የትምህርት ጥራት እና በሚሰሯቸው ጥናትና ምርምሮች ብቻ መሆን እንዳለበትም አሳስበዋል። ሙሉ መረጃውን ለማግኘት ይህንን ሊንክ ይጫኑ፣
https://www.facebook.com/fdremoe/posts/pfbid02k8jk7CsNVMc8HpEDcxfLgkXK8Naic96xxsdpAn59kkgjXV6gfTm3WtWcWRSXcic2l

የአካቶ ትምህርት ማዕከላትን በማስፋትና በማጎልበት ረገድ ውጤት እየተመዘገበ መሆኑ ተመላከተ።
--------------------------------------------
(ሀምሌ 30/ 2017 ዓ.ም) የአካቶ ትምህርት በስፋትና በትኩረት የሚተገበር ጉዳይ መሆኑን በአዲሱ የትምህርት ፓሊሲ ላይ ተመላክቷል።

በፓሊሲው የተቀመጠውን የአካቶ ትምህርት ትግበራ ከግብ ለማድረስ በትምህርት ሚኒስቴር በኩል በመከናወን ላይ ያሉ ጅምር ስራዎች ተስፋ ሰጪ መሆናቸውን በትምህርት ሚኒስቴር የትምህርት ፕሮግራሞችና ጥራት መሻሻል መሪ ስራ አስፈጻሚ ዶ/ር ዩሀንስ ወጋሶ ገልጸዋል ።

ትግበራውን ወደተሻለ ደረጃ ከፍ ለማድረግ የተባባሪና አጋር ድርጅቶች ሚና ከፍተኛ አስተዋጾ እያደረጉ መሆኑን መሪ ስራ አስፈጻሚው አያይዘው ተናግረዋል።

የትምህርት ሚኒስቴር ከፊንላንድ መንግስት ጋር በመተባበር "አካታችና ጥራት ያለው የመምህራን ስልጠና" (Teacher Education for Inclusion and Quality (TEFIQ) ፕሮጀክት ትግበራ የመምህራን ትምህርት ኮሌጆች አሰልጣኝ መምህራን አቅም ለማጎልበትና የአካቶ ትምህርት ትግበራ ማዕከላትን ለማስፋትና ለማጎልበት በሚከናወኑ ተግባራት ውጤት እየተመዘገበ መሆኑን አመላክተዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/1QtomLxryH/

የጎንደር ዩኒቨርሲቲ ከሁሉም ክልሎች የሚመጡ ኢትዮጵያውያን ተማሪዎችን እንደ አንድ የሀገር ልጆች የሚቀበልበት የጎንደር ቃል ኪዳን ቤተሰብ ፕሮግራም ለጎንደር ብቻ ሳይሆን ለሀገሩም ምሳሌ የሚሆን መሆኑን የትምህርት ሚኒስትሩ ገለፁ፤

የጎንደር ዩኒቨርሲቲ 70ኛ እና ማስተማሪያ ሆስፒታሉ 100ኛ ዓመት ምሥረታ በዓል የማጠናቀቂያ መርሃ ግብር ተካሂዷ።

-------------------------------------------------------

(ሐምሌ 30/2017 ዓ.ም) በዚሁ መርሃ ግብር ላይ የተገኙት የትምህርት ሚኒስትሩ ፕሮፌሰር ብርሃኑ ነጋ ይህ ክብረ በዓል የጎንደር ዩኒቨርሲቲ ለጎንደርና ለአካባቢው ህዝብ ያለውን ፋይዳ እንዲሁም ህዝቡ ለተቋሙ ያለውን አክብሮት ያየንበት ነው ብለዋል።

በዓሉ ከዩኒቨርሲቲውና ከሆስፒታሉ ምስረታ በላይ በተለይ በዚህ አስቸጋሪ ጊዜ የጎንደርን ህዝብ ጥልቅ የሆነ የኢትዮጵያዊነት ስሜት ያንፀባረቀበትም እንደነበር አንስተዋል።

በተለይም የጎንደር ዩኒቨርሲቲ ከሁሉም ክልሎች የሚመጡ ኢትዮጵያውያን ተማሪዎችን እንደ አንድ የሀገር ልጆች የሚቀበልበት “የጎንደር ቃል ኪዳን ቤተሰብ ፕሮግራም” ለጎንደር ብቻ ሳይሆን ለሀገራችንም ምሳሌ የሚሆን ነው ብለዋል።

ዩኒቨርስቲዎች አንዱ እንዲያደርጉ የምንፈልገው የመንደር ሳይሆኑ የሀገር ሀብት እንዲሆኑ ነው ያሉት ሚኒስትሩ ፤

በተለይ አሁን ዋና ሪፎርም ዩኒቨርሲቲዎች ራሳቸውን እንዲችሉ በነፃነት የሚሰሩ፣ በነፃነት የሚያስቡ እውነትንና እውቀትን የሚፈልጉ ሰዎች የተሰባሰቡባቸው ሰላማዊ ቦታ እንዲሆኑ መሆኑን አብራርተዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/1D3gaudqWn/