በህጻናት ተማሪዎች ላይ የሚደርሱ ጥቃቶች በበርካታ የሀገራችን አካባቢዎች ሥር እየሰደዱ መምጣታቸው አሳሳቢ መሆኑ ተገለጻ።
========================
(ነሃሴ 2/2017 ዓ.ም) በህጻናት ተማሪዎች ላይ የሚደርሱ ጥቃቶች ለመከላከል ከመላ ሀገሪቱ ከተውጣቱ የተማሪ ወላጅ ህብረት አመራሮችና አባላት ጋር የግንዛቤ ማስጨበጫ አውደጥናት ተካሂዷል።


በአውደ ጥናቱ መከፈቻ የተገኙት በትምህርት ሚኒስቴር የሴቶችና ማህበራዊ ጉዳዮች አካቶ ትግበራ ሥራ አስፈጻሚ ወ/ሮ ምህረተክርስቶስ ታምሩ ባስተላለፉት መልዕክት በሀገራችን የኤችኣይቪ ሥርጭት፣ያልታቀደ እርግዝና፣ጾታን መሰረት ያደረጉ ጥቃቶችና የህጻናት ጋብቻ ችግሮች በበርካታ አካባቢዎች ሥር እየሰደዱ መምጣቸው ጥናቶች እንደሚያመላክቱ ገልጸው ይህም አሳሳቢ መሆኑን ተናግረዋል።


አክለውም ተሳታፊዎች ከዚህ ስልጠና እንደተመለሱ ወደ ስራ ለመግባት የድርጊት መርሃ-ግብር ማዘጋጀታቸውን ጠቅሰው በዚህም ማህበረሰቡ ለልጆቹ ደህንነትና ትምህርት ትኩረት በመስጠት የድርሻውን እንዲወጣ ቀጣይነት ያለው ሰፊ የግንዛቤ ማስጨበጥ ሥራ መስራት እንደሚገባ አስገንዝበዋል። ሙሉ መረጃውን ለማግኘት ይህንን ሊንክ ይጫኑ፤https://www.facebook.com/share/p/1B45SQpyi1/

ሁሉንም የአካል ጉዳት እና ልዩ ፍላጎት ያላቸው ዜጎችን ወደ ትምህርት ቤት ለማምጣት ባለድርሻ አካላት የድርሻቸውን እንዲወጡ ተጠየቀ።
የአካቶ ትምህርት አተገባበር ነባራዊ ሁኔታና ውስንነቶች ላይ ያተኮረ አውደ ጥናት ተካሄደ።
------------------------------------------
(ነሐሴ 12/2017ዓ.ም) በመድረኩ ተገኝተው መልዕክት ያስተላልፉት የትምህርት ፕሮግራሞችና ጥራት መሻሻል መሪ ሥራ አስፈጻሚ ዶ/ር ዩሐንስ ወጋሶ የአካል ጉዳትና ልዩ ፍላጎት ያላቸውን ዜጎች ወደ ትምህርት ቤት በማምጣትና ውጤታማ በማድረግ ረገድ ጥረቶች እየተደረጉ ቢሆንም በሚጠበቀው ልክ አለመሆኑን ገልጸዋል።

በዚህም ሁሉም የአካል ጉዳት እና ልዩ ፍላጎት ያላቸው ዜጎችን ወደ ትምህርት ቤት ለማምጣትና በትምህርት ቤት ለማቆየት ባለድርሻ አካላት የድርሻቸውን እንዲወጡም ጠይቀው በአውደ ጥናቱ የቀረቡ ክፍተቶችንም መፍታት እንደሚገባ አመላክተዋል።

አካታችና ጥራት ያለው የመምህራን ስልጠና" (Teacher Education for Inclusion and Quality (TEFIQ) ፕሮጀክት በኢትዮጵያ አስተባባሪ የሆኑት ማሪያ ማቲር በበኩላቸው መሠል አውደ ጥናቶች በአተገባበር ሂደት ውስጥ የጋራ መግባባትና ትብብር ለመፍጠር የሚያግዙ በመሆናቸው ትኩረትን የሚሹ ጉዳዮች መሆናቸውን አብራርተዋል። ሙሉ መረጃውን ለማግኘት ይህንን ሊንክ ይጫኑ፤ https://www.facebook.com/share/p/1Cc1TAMes9/

የተማሪዎችን የንባብ ክህሎት ለማዳበር በትኩረት መሰራት እንደሚገባ ተገለጸ፡፡
==================
(ነሃሴ 13/2017 ዓ,ም) ትምህርት ሚኒስቴር ከወርልድ ቪዥን ኢትዮኦጵያ ጋር በመተባበር የመጀመሪያውን ብሄራዊ የንባብ ጥምረት ጉባኤን አካሄዷል፡፡

በትምህርት ሚኒስቴር የመምህራንና ትምህርት ቤት አመራር ልማት መሪ ሥራ አስፈጻሚ ዶ/ር ሙሉቀን ንጋቱ ጉባኤውን በከፈቱበት ወቅት የንባብ ክህሎት የመማር የመጀመሪያውና መሠረታዊ ክህሎት እንደመሆኑ መጠን የተማሪዎችን የንባብ ክህሎት እንዲዳብር በትኩረት መሥራት እንደሚገባ ገልጸዋል፡፡

ተማሪዎች ከታችኛው የትምህርት ክፍሎች ጀምረው ሊኖራቸው የሚገባቸውን የንባብ ክህሎት እያዳበሩ እንዲመጡ ወላጆችን ጨምሮ ሁሉም የትምህርት ባለድርሻ አካላት የድርሻቸውን እንዲወጡ እንደሚገባ አሳስበዋል።

ዶ/ር ሙሉቀን አክለውም ጥምረቱ ውጤታማ ሥራ እንዲሰራና ጉባኤው የተሳካ እንዲሆን የጥምረቱ አባል ድርጅቶችና በተለይ ወርልድ ቪዥን ኢትዮጵያ ለበረከቱት አስተዋጽኦ አመስግነው በቀጣይም የጀመሩዋቸውን ሥራዎች አጠናክረው እንዲሚቀጥሉበት ያላቸውን እምነት ገልጸዋል፡፡

በወርልድ ቪዥን ኢትዮጵያ የትምህርት ፕሮግራም ሀላፊ አቶ ሳሙኤል ታደሰ በበኩላቸው ብሄራዊ የንባብ ጥምረት ከተቋቋመ አንድ አመት መሆኑን ጠቅሰው ከሌሎች ተያያዥ ሥራዎች ጎን ለጎን በአሁን ወቅት በሀገር ደረጃ የተማሪዎች የንባብ ክህሎት ያለበትን ሁኔታ ለመገምገምና ክህሎቱን በተሻለ መንገድ ለማዳበር ሊወሰዱ ስለሚገቡ መትሄዎችና እርምጃዎች ላይ ያተኩሩ ጥናቶችን የማካሄድና የሀገራትን ተሞክሮና ልምድ የመቀመር ሥራዎች መሠራታቸውን ጠቁመዋል፡፡ ሙሉ ዜናውን ለማግኘት https://web.facebook.com/share/p/1FwDtt8TUo/

ቻይና በኢትዬጵያ የሠው ሀብት ልማት ውስጥ ያላትን አበርክቶ ለማጠናከር እንደሚሠራ ተጠቆመ።

(ነሐሴ 12/2017 ዓ.ም) የትምህርት ሚኒስቴር የከፍተኛ ትምህርት ልማት ዘርፍ አመራሮች በቻይና የሻንሺ ግዛት ውጪ ጉዳይ ምክትል ቢሮ ሀላፊ ኋንግ ዬንግ የተመራ ልዑክን ተቀብለው አነጋግረዋል።

በዚሁ ጊዜ ቻይና በኢትዬጵያ የሠው ሀብት ልማት ውስጥ ያላትን አበርክቶ ለማጠናከር እንደሚሠራ በቻይና የሻንሺ ግዛት ውጪ ጉዳይ ምክትል ቢሮ ሀላፊ ኋንግ ዬንግ ገልጸዋል።

በምክትል ቢሮ ሀላፊው የተመራው የግዛቲቲ ልዑክ ከትምህርት ሚኒስቴር የስራ ሀላፊዎች ጋር ውይይት ያደረገ ሲሆን በሠው ሀብት ልማት ዙርፍ በሁለቱ ሀገራት መካከል ያለውን የሠው ሀይል ግንባታ ትብብር ለማሳደግ ፍላጎቶ ያለ መሆኑን በሁለቱ ወገኖች ተገልጿል።

በቀጣይ በሚደረግ ግንኙነት በተማሪዎችና መምህራን ልውውጥ፣የትምህርት መሠረተ ልማቶችን በማስፋፋትና በመደገፍ እንዲሁም ነጻ የትምህርትና ስልጠና እድሎችን በማመቻቸት ረገድ አብሮ ለመስራት በሚቻልባቸው ጉዳዬች ላይ ውይይት ተደርጎል።

የሻንሺ ግዛት አስተዳዳሪ በቅርቡ በኢትዬጵያ የስራ ጉብኝት እንደሚያደርጉ ወቅት ቀጣይ በዉይይቱ እንደሚደረጉም ገልጿል።

የአጠቃላይ ትምህርት ልማት ዘርፍ ሀገር አቀፍ የምክክር መድረክ እየተካሄደ ነው።

--------------------------------------------------
(ነሐሴ 15/ 2017 ዓ.ም) የዘርፉ መሪ ተዋንያኖችን ያሰባሰበው የምክክር መድረክ የ2017 ዓ.ም እቅድ አፈጻጸም የሚገመገምበትና የ2018 ዓ.ም እቅድ ላይ በመምከር የለውጥ ስራዎችን በላቀ ትጋት ለማስቀጠል ስምምነት የሚፈጸምበት መሆኑ ተመላክቷል።

በመርሃ ግብሩ ላይ የተገኙት ትምህርት ሚንስትሩ ፕሮፌሰር ብርሃኑ ነጋ ባስተላለፉት መልዕክት ትምህርትን ለዜጎች ፍትሃዊ በሆነ መልኩ ለማድረስ የሚደረገውን ጥረት አጠናክሮ በማስቀጠል ረገድ ያሉ ጅምር ስራዎችን ማጠናከር እንደሚገባ አስገነዝበዋል።

ሚንስትሩ ከዚሁ ጋር በተያያዘ በመንግስት ብቻ በሚደረጉ ድጋፍና ጥረቶች የሚፈለገውን ውጤት ማስመዝገብ የማይቻል በመሆኑ በማህበረሰቡንና በሌሎች ባለድርሻ አካላት በትምህርት ለትውልድ የተጀመሩ ስራዎችን ማጠናከር እንዳለባቸው አሰገንዝበው በዚህ ረገድ የክልልና ከተማ አስተዳድር ትምህርት ቢሮዎች በትኩረት ሊሰሩ ይገባል ብለዋል።

የአጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ በበኩላቸው መንግሥት ለሁሉም ዜጐች የምትመች፣ ሰላምና መረጋጋት የሰፈነባት፣ የልማትና የብልጽግና ተስፋ የሚታይባት ኢትዮጵያን ለመገንባት የተለያዩ የለውጥ መርሃ ግብሮችን በመንደፍ በርካታ ሥራዎች እያከናወኑ መሆናቸውን ያብራሩ ሲሆን ከእነዚህ የለውጥ መርሃ ግብሮች አንዱ የትምህርት ዘርፉ የለውጥ መርሃ ግብር መሆኑን ገልጸው በዚህም በርካታ ውጤቶች መመዝገባቸውን አንስተዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/174Viur9Rc/