የትምህርት ሚኒስትሩ ፕሮፌሰር ብርሃኑ ነጋ በኢትዮጵያ አዲስ ከተሾሙት የሀንጋሪ አምባሳደር ጋር ተወያዩ።
---------------------------//--------------------------
(ጥቅምት 06/2018 ዓ.ም) የትምህርት ሚኒስትሩ በኢትዮጵያ አዲስ የተሾሙትን የሀንጋሪ አምባሳደር አቲላ ቶዝን በጽ/ቤታቸው ተቀብለው አነጋግረዋል ።

በዚሁ ጊዜ የትምህርት ሚኒስትሩ ኢትዮጵያ እና ሀንጋሪ በትምህርቱ ዘርፍ በትብብር ሲሰሩ መቆየታቸውን አንስተዋል።

በተለይም በ2023 በትምህርት ሚኒስቴርና በሀንጋሪ ኢምባሲ በኩል የተፈረመውን የነጻ የትምህርት እድል ስምምነት በተመለከተ እስካሁን የተከናወኑ ተግባራት አንስተው ተወያይተዋል።

በዚሁ ጊዜ ክቡር ሚኒስትሩ ይህንን የጋራ መግባቢያ ስምምነት ሰነድ አስተካክሎ ለሀገራችን ልማትና ኢኮኖሚያዊ እድገት ጠቃሚ በሆኑ የትኩረት መስኮች በተለይም በፔትሮ ኬሚካል፣ በኒውክለር ሳይንስ፣ በማዕድን ልማት ፣ በቱሪዝምና ባህል እንዲሁም በሀገራችን በማይሰጡ የትምህርት ፕሮግራሞች ላይ ከመጀመሪያ ዲግሪ እስከ ሦስተኛ ዲግሪ የነጻ የትምህርት እድል መስጠት በሚያስችል መልኩ ማሻሻልና መፈራረም እንደሚገባ ለአዲሱ አምባሳደር አብራርተውላቸዋል። ሙሉ መረጃውንይህንን ሊንክ በመጫን ማግኘት ይችላሉ፤
https://www.facebook.com/share/p/1QnZHqn2kq/

የትምህርት ጥራትን ለማረጋገጥ በተከናወኑ ተግባራት የተማሪዎች ውጤት እየተሻሻለ መምጣቱን የትምህርት ሚኒስትሩ ፕሮፌሰር ብርሃኑ ነጋ ገለጹ።

--------------------------- // -----------------------------

(ጥቅምት 06/2018 ዓ.ም) የትምህርት ሚኒስትሩ ፕሮፌሰር ብርሃኑ ነጋ በጋምቤላ ክልል "የትምህርት ፍትሃዊነትና ጥራት ለትውልድ ግንባታ" በሚል መሪ ቃል እየተካሄደ ባለው ክልል አቀፍ የትምህርት ጉባዔ ላይ ተሳትፈዋል።

በዚሁ ጊዜ ባደረጉት ንግግር የትምህርት ጥራትን ለማረጋገጥ ባለፉት የለውጥ ዓመታት በትምህርት ዘርፉ በተተገበሩ የሪፎርም ተግባራት በተማሪዎች ውጤት ላይ መሻሻሎች እየታዩ መምጣታቸው አብራርተዋል።

አክለውም እንደ ሀገር ዘላቂ ልማትና እድገት እንዲረጋገጥ ጥራት ያለው ትምህርትን ተደራሽ በማድረግ በራሱ የሚተማመን ዜጋ መገንባት ያስፈልጋል፤ ለዚህም በትምህርት ዘርፉ ትኩረት ተሰጥቶ እየተሰራ ይገኛል ብለዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/16vUj3Jeh8/

የትምህርት ሚኒስቴር ሚኒስትር ዴኤታ ክብርት ወ/ሮ አየለች እሸቴ ከአለም የምግብ ፕሮግራም በኢትዮጵያ ዋና ምክትል ኃላፊ ጋር ተወያዩ፤
--------------------------- // --------------------
(ጥቅምት o7/2018 ዓ.ም) የትምህርት ሚኒስቴር የአጠቃላይ ትምህርት ልማት ዘርፍ ሚኒስትር ዴኤታዋ የአለም ምግብ ፕሮግራም በኢትዮጵያ ምክትል ኃላፊ ሙቲንታ ሀምባይን (ዶ/ር) በጽ/ቤታቸው ተቀብለው አነጋግረዋል።

ሁለቱ አካላት በቀጣይ የኢትዮጵያ የትምህርት ቤት ምገባ መርሃ-ግብርን ማጠናከር በሚቻልባቸው ጉዳዮች ዙሪያ ውይይት አካሂደዋል።

በዚሁ ጊዜ ክብርት ሚኒስትር ዴኤታዋ የኢትዮጵያ መንግሥት ለትምህርት ቤት ምገባ መርሃ-ግብር በሰጠው ከፍተኛ ትኩረት ክልሎችና ከተማ አስተዳደሮች ለመርሃ-ግብሩ የሚመድቡት በጀት አየጨመረ መምጣቱንና ህብረተሰቡም ለመርሃ-ግብሩ ውጤታማነት የሚያደርገው ተሳትፎ በየጊዜው እያደገ የመጣ መሆኑን አንስተዋል፡፡

የአለም ምግብ ፕሮግራም በኢትዮጵያ ምክትል ኃላፊ ዶ/ር ሙቲንታ በበኩላቸው የኢትዮጵያ የትምህርት ቤት ምገባ መርሃ-ግብር በአፍሪካ ትልቁና ቀዳሚ መሆኑን ጠቅሰው በቅርቡ በተካሄደው አለም አቀፍ የትምህርት ቤት ምገባ ጥምረት ስብሰባ ላይ እውቅና የተሰጠውና በአርዓያነት የሚጠቀስ መሆኑን አንስተዋል፡፡

በዚህም የኢትዮጵያ መንግሥት ለትምህርት ቤት ምገባ መርሃ-ግብር መተግበር ከፍተኛ ትኩረት በመስጠት እየተሰሩ ባሉ ሥራዎች ያላቸውን አድናቆት ገልጸዋል፡፡

የትምህርት ሚንስትሩ ፕሮፌሰር ብርሃኑ ነጋ የጋምቤላ ዩኒቨርሲቲ የልዩ አዳሪ ሁለተኛ ደረጃ ትምህርት ቤት ተማሪዎችን በጊዚያዊነት ለመቀበል እያደረገ ያለውን ቅድመ ዝግጅት ተዘዋውረው ተመለከቱ ።
-------------------------- // -------------------------

(ጥቅምት 07/2018 ዓ.ም) የትምህርት ሚንስትሩ የጋምቤላ ዩኒቨርሲቲን በጋምቤላ የፌዴራል ልዩ አዳሪ ሁለተኛ ደረጃ ትምህርት ቤት የተመደቡ ተማሪዎችን በጊዜያዊነት ለመቀበል እያደረገ ያለውን ቅድመ ተዘዋውረው ተመልክተዋል።

ትምህርት ሚኒስቴር እያስገነባቸው ባሉ የፌዴራል ልዩ አዳሪ ሁለተኛ ደረጃ ትምህርት ቤቶች ለማስተማር ከመላ ሀገሪቱ አወዳድሮ የተቀበላቸውና በጋምቤላ ልዩ አዳሪ ትምህርት ቤት የተመደቡ ተማሪዎች በጊዜያዊነት በጋምቤላ ዩኒቨርሲቲ ለማስተማር የተለያዩ የቅድመ ዝግጅት ሥራዎች እየተሰሩ ይገኛል።

በዚህም ዩኒቨርሲቲው ለእነዚህ ተማሪዎች የመማር ማስተማር አገልግሎት ያዘጋጃቸውን የተማሪዎች ቤተ-መጽሐፍት፣ የኮምፒውተር ክፍል፣ የመመገቢያ አዳራሽ፣ እና የመኝታ ክፍሎች እና ሌሎችንም አይተዋል።

ከዚህ በተጨማሪም ሚንስትሩ በዩኒቨርሲቲው የሚገኙትን ስማርት እና ኮንፈረንስ ክፍሎች እንዲሁም የኬሚስትሪና የማይክሮ ባዮሎጂ ቤተ-ሙከራዎችን የጎበኙ ሲሆን በዩኒቨርሲቲው ጥሩ መሻሻሎች መኖራቸውን ገልጸዋል።

ትምህርት ሚኒስቴር በትምህርታቸው የላቁና ብቁ ተወዳሪ እንዲሁም ወደፊት የሀገር መሪ የሚሆኑ ልጆችን ለማፍራት ልዩ አዳሪ ትምህርት ቤቶችን በተለያዩ የሀገሪቱ አካባቢዎች እያስገነባ ሲሆን በአምስቱ በቅርቡ የመማር ማስተማር ሥራ የሚጀመር ይሆናል።

ትምህርት ሚኒስትሩ በጋምቤላ ክልል እየተገነባ የሚገኘውን ሞዴል ሁለተኛ ደረጃ ትምህርት ቤት ግንባታ የደረሰበት ደረጃ ተመለከቱ።

-----------------------//---------------------------
(ጥቅምት 07/2018 ዓ.ም) የትምህርት ሚኒስትሩ ፕሮፌሰር ብርሃኑ ነጋ በትምህርት ሚኒስቴር ድጋፍ በጋምቤላ ከተማ እየተገነባ የሚገኘው ሞዴል ሁለተኛ ደረጃ ትምህርት ቤት የግንባታ ሂደት የደረሰበትን ደረጃ ተዘዋውረው ተመልክተዋል።

በምልከታቸው ወቅት እንዳሉት የሞዴል ሁለተኛ ደረጃ ትምህርት ቤቱ ግንባታው ከተጀመረ አጭር ጊዜ ቢሆንም የደረሰበት ደረጃ የሚበረታታ መሆኑን ገልጸው በዚሁ ፍጥነት ጥራቱን የጠበቀና ለተማሪዎች አመቺ ተደርጎ ሊገነባ እንደሚገባ አሳስበዋል።

ሁሉም በሀገራችን የሚኖሩ ልጆች በተቻለ መጠን ተመጣጣኝ ትምህርት፣ እውቀትና ክህሎት ማግኘት አለባቸው ያሉት ሚኒስትሩ ለዚህም ትኩረት ተሰጥቶ እየተሰራ እንደሚገኝ አብራርተዋል።

የጋምቤላ ክልል ርዕሰ መስተዳድር ወ/ሮ አለሚቱ ኡሞድ በበኩላቸው የሞደል 2ኛ ደረጃ ትምህርት ቤት ግንባታው ከታሰበው በላይ በፍጥነት እየተካሄደ መሆኑን ጠቁመው በተያዘለት ጊዜ ለማጠናቀቅም ስራው ተጠናክሮ ሊቀጥል እንደሚገባ ተናግረዋል።


ሞዴል 2ኛ ደረጃ ትምህርት ቤቱን እየገነባ የሚገኘው ናይል ሌችዌ ኮንስትራክሽን እና ውሃ ስራዎች ድርጅት የፕሮጀክቱ ግንባታ 42.1% እንደደረሰ ለከፍተኛ አመራሮቹ ገለጻ አድርገዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/1CsqXgWrJS/

የማጠናከሪያ ትምህር በዕቅድና በትኩረት እንዲመራ ትምህርት ሚኒስቴር አሳሰበ
-------------------- // --------------------
‎(ጥቅምት 09/2018 ዓ.ም) የአጠቃላይ ትምህርት ልማት ዘርፍ ሚኒስትር ዴኤታ ክብርት አየለች እሸቴ ከክልልና ከከተማ አስተዳደር ትምህርት ቢሮ የሥራ ኃላፊዎች ጋር በበይነ መረብ ውይይት ባደረጉበት ወቅት እንደገለጹት በአጠቃላይ ከ9ኛ ክፍል ጀምሮ በተለይም ለ12ኛ ክፍል ተማሪዎች የማጠናከሪያ ትምህርትን በዕቅድና በትኩረት እንዲሰራ አሳስበዋል።

የተማሪዎች የተሻለ ውጤት እንዲያስመዘግቡ መምህራን፣ የትምህርት ቤት አመራሮች፣ ወላጆች እንዲሁም የዘርፉ ባለድርሻ አካላት ተማሪዎች ጊዚያቸውን በአግባቡ እንዲጠቀሙ ከወዲሁ ትኩረት ሰጥተው መስራት እንደሚጠበቅባቸው ክብርት ወ/ሮ አየለች አስገንዝበዋል።

‎የክልል ትምህርት ቢሮ ኃላፊዎች በበኩላቸው የማጠናከሪያ ትምህርት ለተማሪዎች ውጤት መሻሻል ጠቀሜታው የላቀ በመሆኑ ተጠናክሮ መቀጠል እንዳለበት ተናግረዋል።
‎
‎የትምህርት ፕሮግራሞች ጥራትና መሻሻል መሪ ስራ አስፈጻሚ ዩሀንስ ወጋሶ(ዶ/ር) የማጠናከሪያ ትምህርትን በተመለከተ መነሻ ስትራቴጂ እቅድ ያቀረቡ ሲሆን የተያዘው ግብ እንዲሳካ ከወዲሁ የዕቅድ ክትትልና ድጋፍ ሥራዎች ሊጠናከሩ ይገባል ብለዋል።
‎
‎በበይነ-መረብ በተደረገው በዚሁ ውይይት ላይ የክልል ትምህርት ቢሮ ኃላፊዎችን ፣ የትምህርት ምዘና እና ፈተናዎች አገልግሎት ዋና ዳይሬክተር እሸቱ ከበደ (ዶ/ር) እና ሌሎችም የሥራ ኃላፊዎች ተገኝተዋል።