ማስታወቂያ፤
በፌዴራል ልዩ አዳሪ 2ኛ ደረጃ ትምህርት ቤቶች በመምህርነት ለመወዳደር የተመዘገባችሁና እና ለቃለ መጠይቅ የተመረጣችሁ ተወዳዳሪዎች በሙሉ፤
ቃለ መጠይቁ የሚደረገው እሁድ ሕዳር 07/2018 ዓ.ም ሲሆን በተጠቀሰው ቀን ከጠዋቱ 2፡30 ሰዓት በኮተቤ የትምህርት ዩኒቨርስቲ እንድትገኙ እያሳወቅን ስትመጡ፤
 ሙሉ የትምህርት ማስረጃ ኦርጂናል እና ኮፒ፣
 ልዩ የክረምት የአቅም ግንባታ ስልጠና እና የአንድ አመት ልዩ የ2ኛ ደረጃ ትምህርት ቤት መምህርነት ስልጠና ሰርትፍኬት፣
 የሙያ ፍቃድ እና እድሳት ሰርትፍኬት፣
 በመምህርነት ተገቢነት ያለው የስራ ልምድ ማስረጃ የሚገልጽ ደብዳቤ መያዝ የሚያስፈልግ መሆኑን ለመግለጽ እንወዳለን።
ለቃለ መጠይቅ የተመረጣችሁ መምህራን ስም ዝርዝር ከዚህ ማስታወቂያ ጋር ተያይዟል ፡፡

በኢትዮጵያ እና እስራኤል መካከል ያለውን የትምህርትና ስልጠና ትብብር ማጠናከር እንደሚገባ ተገለጸ።

------------------ // ------------------

(ሕዳር 04/2018 ትምህርት ሚኒስቴር) የትምህርት ሚኒስቴር የአጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ በኢትዮጵያ የእስራኤል አምባሳደር የሆኑትን ዶ/ር አብርሃም ንጉሴ ጋር ተወያይተዋል።

በዚሁ ጊዜ ሁለቱ ወገኖች በነበራቸው ውይይት ወጣቶችን ተጠቃሚ በሚያደርጉ የትምህርትና ስልጠና ጉዳዮች ዙሪያ አብሮ የመስራት ፍላጎት ያላቸው መሆኑን ገልጸዋል።

ክብርት ወ/ሮ አየለች እሸቴ በተለይም የመምህራንና የተማሪዎች አቅምን መገንባት በሚያስችሉ ፕሮጀክቶች ላይ ከእስራኤል መንግስትና ተቋማት ጋር አብሮ ለመስራት ፍላጎት ያለ መሆኑን ተናግረዋል።

በኢትዮጵያ የእስራኤል አምባሳደር አብርሃም ንጉሴ(ዶ/ር) በበኩላቸው በኢትዮጵያና በእስራኤል መንግስታትና ህዝብ መካከል ለረጅም ጊዜ የቆየ ወዳጅነት መኖሩን አንስተው ይህንን አጠናክሮ በመቀጠል በሁለቱ ሀገራት መካከል በትምህርትና ስልጠና ዘርፍ በተለያዩ ጉዳዮች ላይ ያለውን ትብብር ማጠናከር እንደሚገባ አንስተዋል።

በውይይቱ ላይ ዩኒስትሪም (Unistream) የተባለ የእስራኤል ድርጅት ወጣቶችን ተጠቃሚ የሚያደርጉ የትምህርትና ስልጠና ስራዎች ላይ በትብብር ለመስራት ፍላጎት ያለው መሆኑም ተጠቅሷል።

አመታዊ የሳይንስና ቴክኖሎጂ ፈጠራ ሥራዎች አውደ ርዕይና ውድድር ተጠናክሮ መቀጠል እንዳለበት ተገለጸ፤
------------------------------- // ------------------------------

(ህዳር 04/ 2018 ዓ.ም) በትምህርት ሚኒስቴር እና ተባባሪ አካላት አዘጋጅነት በአዲስ አበባ ሳይንስና ቴክኖሎጂ ዩኒቨርሲቲ አስተናጋጅነት ሲካሄድ የነበረው 10ኛው የሳይንስና ቴክኖሎጂ ፈጠራ ሥራዎች አውደ ርዕይና ውድድር ተጠናቋል።

በመርሃ-ግብሩ ማጠቃለያ ላይ የተገኙት የከፍተኛ ትምህርት ልማት ዘርፍ ሚኒስትር ዴኤታ አቶ ኮራ ጡሹኔ መርሃ-ግብሩ ተማሪዎችና መምህራን የፈጠራ ሀሳባቸውን ለሌሎች አካፍለው ድጋፍና ግብዓት በማሰባሰብ ወደ ውጤታማ ምርትና አገልግሎት ለመቀየር የሚጥሩበት አውድ በመሆኑ በሚመለከታቸው የባለድርሻ አካላት ርብርብ ተጠናክሮ መቀጠል የሚገባው መሆኑን ገልጸዋል፡፡

በሀገራት መካከል ለተፈጠረው የዕድገት ልዩነት መሰረታዊውና ዋነኛው ምክንያት ለቴክኖሎጂና ፈጠራ ስራዎች የተሰጠው ትኩረትና በዚህ ረገድ የተሰሩ ሥራዎች መሆናቸውን አንስተዋል፡፡

ሚኒስትር ዴታው አክለውም በአካባቢያቸው ያሉ የቴክኖሎጂና ፈጠራ ሥራ ዝንባሌና ተሰጣኦ ያላቸው ተማሪዎችን የመደገፍና የማብቃት ሥራ ለዩኒቨርሲቲዎች ከተሰጡት ቁልፍ ተግባራት መካከል አንዱ መሆኑን ጠቁመዋል፡፡ ሙሉ መረጃውን ለማግኘት ይህንን ሊንክ ይጫኑ፣
https://www.facebook.com/share/p/16VyKcrspR/

የክብር ዶክትሬት የተሠጣቸውን ግለሰቦች በመጠሪያነት መጠቀም የማይቻል መሆኑን የትምህርት ሚኒስትሩ ገለፁ።

--------------------------- // ----------------------------

(ሕዳር 05/2017 ዓ.ም) በዛሬው እለት የህዝብ ተወካዮች የሰው ሃብት ልማት ሥራ ስምሪትና ቴክኖሎጂ ጉዳዮች ቋሚ ኮሚቴ የትምህርት ዘርፉን የ1ኛ ሩብ ዓመት ሥራ አፈፃፀም ተመልክቷል።

በዚሁ ጊዜ የትምህርት ሚኒስትሩ ፕሮፌሰር ብርሃኑ ነጋ በከፍተኛ ትምህር ተቋማት የክብር ዶክትሬት አሰጣጥን በተመለከተ ችግር የነበረበት በመሆኑ ወጥ አሰራር መከተል በማስፈለጉ የክብር ዶክትሬት አሰጣጥን ሀገራዊ መመሪያ ተዘጋጅቶ ለትግበራ ዝግጁ መሆኑን ገልፀዋል።

ሁሉም የከፍተኛ ትምህርት ተቋም በመመሪያው መሰረት ተፈፃሚ ማድረግ ያለባቸው ሲሆን የክብር ዶክትሬት ማዕረግ የሚያገኙ ሰዎች ዶክተር ወይንም የክብር ዶክተር በሚል መጠሪያነት መጠቀም እንደማይቻል አሳስበዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/17ogQjrnLd/