የትምህርት ሚኒስቴር አጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ በጂግጂጋ ፌዴራል ልዩ አዳሪ ትምህርት ቤት ማስጀመሪያ መርሃ-ግብር ላይ በመገኘት መልዕክት አስተላለፉ።
------------------------------ // ----------------------------

(ታህሳስ 18/2018 ዓ.ም) የትምህርት ጥራትና ተደራሽነትን ከማረጋገጥ አንጻር ትልቅ ተስፋ ከተጣለባቸው የፌደራል አዳሪ ሁለተኛ ደረጃ ትምህርት ቤቶች መካከል አንዱ የሆነው የጂግጂጋ የፌዴራል አዳሪ ትምህርት ቤት ማስጀመሪያ መርሃ ግብር ተካሂዷል።

በማስጀመሪያ መርሃ ግብሩ ላይ የተገኙት የትምህርት ሚንስቴር አጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ ለተማሪዎችና መምህራን እንዲሁም ለአጠቃላይ የት/ቤቱ ማህበረሰብ መርሃ ግብሩን በማስመልከት መልዕክት አስተላልፈዋል።

በመልዕክታቸውም መንግስት የትምህርት ጥራት፣ አግባብነትና ተደራሽነትን ከማረጋገጥ አንጻር በርካታ ስራዎችን እየሰራ ነው ያሉት ሚኒስቴር ዴኤታዋ በዚህ የፌደራል አዳሪ ሁለተኛ ደረጃ ትምህርት ቤት የተገኛችሁ ተማሪዎች፣ መምህራን እና የትምህርት ቤት አመራሮች ታሪካዊ በሆነው መርሃ ግብር የመጀመሪያዎቹ ተዋንያን በመሆናችሁ እንኳን ደስ አላችሁ ብለዋል። ሙሉ መረጃውን ለማግኘት ይህንን ሊንክ ይጫኑ፤ https://www.facebook.com/share/p/1BfF1xT1aR/

ለፌዴራል ልዩ አዳሪ ትምህርት ቤቶች የወደፊቱ አገር ተረካቢዎች ሁለንተናዊ ሰብዕና የሚገነባባቸው ተቋማት መሆናቸው ተመላከተ፤
የቦንጋ ፌዴራል ልዩ አዳሪ ሁለተኛ ደረጃ ትምህርት ቤት የማስጀመሪያ መርሃ ግብር ተካሂዷል።
------------------------ // ----------------------
‎
‎(ታህሳስ 18/2018 ዓ.ም) በአዳሪ ሁለተኛ ደረጃ ትምህርት ቤቱ ማስጀመሪያ ስነ ስርዓቱ ላይ የከፍተኛ ትምህርት ልማት ዘርፍ ሚኒስትር ዴኤታ ክቡር አቶ ኮራ ጡሹኔ እንደገለጹት አዳሪ ትምህርት ቤቶች የነገዎቹ አገር ተረካቢዎች ሁለንተናዊ ስብዕና የሚገነባባቸው ቦታዎች ናቸው።
‎
‎ልዩ አዳሪ ትምህርት ቤቶች ጥራት ያለው ትምህርት ከማቅረብ ጎን ለጎን በጥሩ ባህሪ የተገነቡ ፣ሥነምግባር የተላበሱና በሙያቸው የላቀ አገልግሎት መስጠት የሚችሉ ዜጎች የሚፈሩባቸው ማዕከላት መሆናቸውንም ክቡር አቶ ኮራ አስገንዝበዋል።
‎
‎የትምህርት ቤቶች ትኩረት በአብዛኛው የአካዳሚክ ዕውቀትን በማስተላለፍ ላይ ያተኮረ መሆኑን የጠቀሱት ክቡር ሚኒስትር ዴኤታው ከንድፈ ሀሳብ እውቀት ባሻገር የተማሩትን ወደ ተግባር በመለወጥ የማህበረሰቡን ችግር መፍታት የሚችሉ ዜጎችን ማፍራት እንደሚያስፈልግ አመልክተዋል። ሙሉ መረጃውን ይህንን ሊንክ በመጫን ማግነት ይችላሉ፤ https://www.facebook.com/share/p/1BgVEuwXNA/

በወልቂጤ ዩኒቨርሲቲ የቡኢ የፌዴራል ልዩ አዳሪ ሁለተኛ ደረጃ ትምህርት ቤት የትምህርት የማስጀመሪያ መርሃ-ግብር ተካሄደ።
----------------------------- // -------------------------

(ታህሳስ 18/2018 ዓ.ም) መርሃ ግብሩን የትምህርት ሚኒስትሩ ፕሮፌሰር ብርሃኑ ነጋ፣ አማካሪ ሚኒስትር ዴኤታው ፕሮፌሰር ክንደያ ገ/ህይወት፣ የወልቂጤ ዩኒቨርሲቲ ፕሬዚዳንት ፋሪስ ደሊል(ዶ/ር) እና የማዕከላዊ ኢትዮጵያ ክልል ም/ርዕሰ መስተዳድርና የትምህርት ቢሮ ኃላፊ አቶ አንተነህ ፈቃዱ አስጀምረውታል።

የትምህርት ሚኒስትሩ በዚሁ ጊዜ ባስተላለፉት መልዕክት በትምህርት ስርዓቱ የገጠመንን የሞራል ስብራት ለማስተካከል በርካታ ተግባራት እየተከናወኑ ይገኛል ብለዋል።

እንደ ሀገር በፍጥነት ማደግ ከፈለግን በትምህርት ላይ ትኩረት አድርገን መሥራት አለብን፤ በዚህም ፍትሃዊና ጥራት ያለው ትምህርት በሀሉም አካባቢ ለመሥጠት በኢትዮጵያ ያሉ ትምህርት ቤቶችን ደረጃ ለማሻሻል እየተሰራ መሆኑን አንስተዋል።

በትምህርት ለትውልድ ንቅናቄ በርካታ ሀብት በማሰባሰብ የነባር ትምህርት ቤቶች ጥገናና የአዳዲስ ትምህርት ቤቶች ግንባታ እየተከናወነ ይገኛል ብለዋል። ሙሉ መረጃውን ለማግኘት ይህንን ሊንክ ይጫኑ፤ https://www.facebook.com/share/p/1GDF3gQYaW/

የትምህርት ቤቶችን መሰረተ ልማት በማሻሻል ልዩ ፍላጎት ላላቸው ተማሪዎች ምቹ የመማሪያ ከባቢ ለመፍጠር እየተሰራ መሆኑ ተገለጸ፤

-------------------------- // ----------------------------

(ታህሳስ 21/2018 ዓ.ም) የትምህርት ቤቶችን መሰረተ ልማት በማሻሻል ልዩ ፍላጎት ላላቸው ተማሪዎች ምቹ የመማሪያ ከባቢ ለመፍጠር እየተሰራ መሆኑ ተገለጸ፤ የአርብቶ አደርና ልዩ ፍላጎት ዴስክ ሃላፊ ወ/ሮ መሰረት በቀለ እስካሁን ድረስ በት/ቤቶቻችን ምቹ አለመሆን እና በተዛማጅ ተግዳሮቶች በርካታ ልዩ ፍላጎት ያላቸው ህጻናት ወደ ትምህርት ቤት ሳይመጡ እንደቆዩ ገልጸዋል።

መንግስት ለትምህርት ዘርፉ በሰጠው የተለየ ትኩረት የድጋፍ መስጫ ማዕከላትን በማቋቋሙ እና የት/ቤቶችን ከባቢ ለመማር ማስተማር ስራው ምቹ እያደረገ በመምጣቱ እስከሁን ድረስ ት/ቤት መጥተው የማያውቁ ልዩ ፍላጎት ያላቸው ተማሪዎች ትምህርት መጀመራቸውን ጠቁመዋል።

እንደ ሀገር እስከ አሁን ከ1400 በላይ ድጋፍ መስጫ ማዕከላት መቋቋማቸውን የጠቆሙት ሃላፊዋ በዚህ ዓመትም ተጨማሪ 172 የድጋፍ መስጫ ማዕከላት እንደሚቋቋሙ ገልጸው እነዚህ ማዕከላት ልዩ ፍላጎት ያላቸውን ተማሪዎች ሽፋን እንደሚጨምሩ ያላቸውን ተስፋ ተናግረዋል።

የድጋፍ መስጫ ማዕከላቱን ለማቋቋምና የሚያስፈልጋቸውን የትምህርት ቁሳቁሶች ለማሟላት በቂ ሀብት በአጋር ድርጅቶች መመደቡን ገልጸው የሚመለከታቸው ባለድርሻ አካላት በየደረጃው ስኬታማነቱ ተገቢውን ትኩረት ሰጥተው በመስራት ለዜጎች የተሻለ አገልግሎት እንዲሰጡ አሳስበዋል።