በከፍተኛ ትምህርት ተቋማት የሥራ ዕድል ፈጠራና ኢንተርፕረነርሺፕ ልማት  
ማዕከላት(CEED) ውስጥ እየታዩ ያሉ ጅምር ስራዎች ተስፋ ሰጪ መሆናቸው ተገለጸ።
 
                     ----------------------- // -----------------------

(ነሐሴ 18/2018 ዓ.ም) በከፍተኛ ትምህርት ተቋማት በመተግበር ላይ የሚገኘው የሥራ ፈጣሪነትና የሥራ ዕድል ፈጠራ ማዕከል (CEED) ፕሮጀክት ተማሪዎችና መምህራን በራሳቸው የሥራ ዕድል እንዲፈጥሩና የሥራ ፈጣሪነት ክህሎታቸውን እንዲያሳድጉ ከፍተኛ አስተዋፅኦ እያደረገ መሆኑ ተገለጸ።


የትምህርት ሚኒስቴር ከከፍተኛ ትምህርት ተቋማት የስራ እድል ፈጠራና ኢንተርፕረነርሺፕ ልማት ማዕከል አስተባባሪዎች ጋር በመሆን የማዕከላቱን አመታዊ የስራ አፈጻጸም ገምግሟል።


ፕሮጀክቱ በዩኒቨርሲቲዎች ውስጥ አዲስ የሥራ ዕድል ፈጠራና ኢንተርፕረነርሺፕ ባህል እንዲጎለብት በማድረግ ረገድ የጎላ ሚና እየተጫወተ መሆኑን በትምህርት ሚኒስቴር የአካዳሚክ ጉዳዬች መሪ ስራ አስፈጻሚ ዶ/ር ኤባ ሜጄና በመርሃ ግብሩ ማስጀመሪያ ላይ ባስተላለፉት ቁልፍ መልዕክት አመላክተዋል። ሙሉ መረጃውን ለማግኘይ ይህንን ሊንክ ይጫኑ፤ https://web.facebook.com/share/p/19FPRieyiq/

በከፍተኛ ትምህርት ተቋማት የሚፈጸሙ የሙስና እና የስነ-ምግባር ግድፈቶችን ተጠያቂነትን በማስፈንና የአሰራር ሥርዓትን በመዘርጋት መከላከል እንደሚገባ ተጠቆመ።

‎በትምህርት ሚኒስቴር ከዩኒቨርስቲ የሥነ ምግባር መከታተያ ሥራ አስፈጻሚዎች ጋር ውይይት ተደርጓል።

------------------------ // -------------------------
‎
‎(ነሐሴ 19/2018 ዓ.ም) የከፍተኛ ትምህርት ልማት ዘርፍ ሚኒስትር ዴኤታ ክቡር አቶ ኮራ ጡሹኔ በዚሁ ጊዜ እንደገለጹት በከፍተኛ ትምህርት ተቋማት የሚፈጸሙ የሙስና እና የስነ-ምግባር ግደፈቶችን ለመከላከል ተጠያቂነትንና የአሰራር ሥርዓትን መዘርጋት እንደሚገባ አስገንዝበዋል።
‎
‎ተጠያቂነትንና የአሰራር ስርዓትን ከመገንባት ባሻገር በመዋቅር ፣ በአሰራርና በሰው ሃይል ስምሪት ነገሮችን መለወጥና ማስተካከል እንደሚገባ ክቡር ሚኒስትር ዴኤታው ተናግረዋል።
‎
‎በከፍተኛ ትምህርት ተቋማት ከገንዘብና ንብረት ሙስና ውጪ የተማሪ ምደባን ጨምሮ ከዲጂታል ቴክኖሎጂ እድገት ጋር ተያይዞ ቀድሞ ያልነበሩ አዳዲስ የሙስና ስጋቶች መኖራቸውንም ክቡር አቶ ኮራ ጠቁመዋል።

‎
‎በመሆኑም የዩኒቨርስቲ የሥነ ምግባር መከታተያ ሥራ አስፈጻሚዎች በምሉዕነት የህዝብና የጋራ ጥቅሞችን በማስቀደም የትምህርት ጥራት ጸር የሆነውን ሙስና እና ብልሹ አሰራርን በጽናት መታገል እንዳለባቸው አስገንዝበዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1BqyZxFCk6/

የትምህርት ሚኒስቴር በክረምት በጎፈቃድ መርሃ ግብር በ43.5 ሚሊየን ብር ወጪ የሚገነቡ ሦስት ቅድመ አንደኛ ደረጃ ትምህርት ቤቶች ግንባታን አስጀመረ።

------------------------- // ----------------------------

(ነሐሴ 21/2018 ዓ.ም) ትምህርት ሚኒስቴር ከዩኒቨርሲቲዎች ጋር በመተባበር የ2018 ዓ.ም ክረምት በጎ ፈቃድ በኦሮሚያ ክልል ቡኖ በደሌ ዞን የሦስት ቅድመ አንደኛ ደረጃ ትምህርት ቤቶች ግንባታ ያስጀመረ ሲሆን 4.3 ሚለየን ብር በላይ ወጪ የተደረገባቸው የመማሪያ ቁሳቁስ ድጋፍም አድርጓል።


በመርሃ ግብሩ የትምህርት ሚኒስቴር ከፍተኛ አመራሮ፤ የተለያዩ ዩኒቨርሲቲ ፕሬዚዳንቶች ፣የኦሮሚያ ክልል ትምህርት ቢሮ ሃላፊ እና የቡኖ በደሌ ዞን አመራሮች ተገኝተዋል።


በመድረኩ መልዕክት ያስተላለፉት የአጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ በክቡር ጠቅላይ ሚኒስትር ዐብይ አህመድ (ዶ/ር) ኢኒሼቲቭ ከ6ዓመት በፊት ያስጀመሩት ፕሮግራም ዛሬ ላይ ህብረተሰቡ ከቃል ወደ ተግባር ቀይሮታል ብለዋል።

ይህ መርሃ ግብር የህብረተሰባችንን የመደጋገፍ፣ የመተባበርና የመረዳዳት እሴት የበለጠ እንዲጎለብት አድርጎታል ያሉ ሲሆን፦



በዘንድሮ የበጎ ፈቃድ አገልግሎት ትምህርት ሚኒስቴር ከዩኒቨርሲቲዎች ጋር በመተባበር ሦስት የቅድመ አንደኛ ደረጃ ትምህርት ቤቶች ግንባታ ማስጀመሩንና ለተማሪዎች የመማሪያ ቁሳቁስ ድጋፍ ማድረጉን ጠቅሰዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1Jz8dB46Hx/

የትውልድ ሥነ ምግባርና ግንባታና ሙስናን የመከላከል ተግባር ቀጣይነት ያለው የሥራ ባህል ለውጥ የሚፈልግ መሆኑ ተመላከተ

-------------------------------- // ---------------------------------


(ነሐሴ 22/2018ዓ.ም.) ከክልልና ከከተማ አስተዳደር ትምህርት ቢሮ የሥነ-ምግባር መከታተያ ስራ አስፈጻሚዎች ከ2019-2021 የመካከለኛ ዘመን ዕቅድ ላይ ተወያይተዋል፡፡


የዕቅድ ውይይቱ ዓላማ በአገራዊ የትውልድ ስነ ምግባር ግንባታ፣ ሙስናን እና ብልሹ አሰራርን በመከላከል እንዲሁም የህግ ተጠያቂነትን የማስፈንን ሥራ ለማጠናከር ያለመ እንደሆነ የተገለጸ ሲሆን በተጨማሪም የህግ ተጠያቂነትን ለማስፈን፣ ስትራቴጂን በጋራ ለመመልከትና በትምህርት ዘርፉ ሪፎርም አተገባበር ዙሪያ የዘርፉ አመራሮችና ባለሙያዎች ሚናቸውንና ኃላፊነታቸውን በአግባቡ እንዲወጡ ለማስቻልና ቀጣይ ተልዕኮዎችን ግልጽ ለማድረግ እንደሆነ ተገልጿል።

‎በትምህርት ሚኒስቴር የሥነ ምግባር መከታተያ ሥራ አስፈጻሚ ወ/ሮ ነፃነት ካሳሁን በዚሁ ጊዜ እንደገለጹት የትውልድ ሥነ ምግባር ግንባታና ሙስናን የመከላከል ተግባር ቀጣይነት ያለው የሥራ ባህል ለውጥ ስራ መሆኑን ተናግረዋል፡፡


አክለውም በተቋማት የሥነ ምግባር ግንባታና የሙስና መከላከል ሥራ የአንድ ቀን ስራ ባለመሆኑ የስነ ምግባር መከታተያ የሥራ ክፍሎች በእቅዳቸው የተቀመጡ ተግባራትን በተቀናጀ አመራር ፣በጋራ ኃላፊነት፣ በጠንካራ ክትትልና ተጠያቂነት ማስፈጸም እንደሚጠበቅባቸው አስገንዝበዋል፡፡ ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1DQRsNVrEw/