የአመራር ብቃትን ማሳደግ፣ በመረጃና በማስረጃ የሚመራ ተቋም መገንባት እና ተጠያቂነትን ከተቋማዊ ነፃነት ጋር አስተሳስሮ ማስፈንና ማስቀጠል የከፍተኛ ትምህርት ልማት ዘርፍ ዋነኛ የሪፎርም ትኩረት መሆኑ ተገለጸ፡፡

-------------------- // ---------------------

(ነሃሴ 25/2018 ዓ.ም) ትምህርት ሚኒስቴር ከማስተር ካርድ ፋውንዴሽን፣ ከአሪዞና ዩኒቨርሲቲ እና ሽያሾኔ ተቋም ጋር በመተባበር የከፍተኛ ትምህርት አመራሮች አቅም ግንባታ፣የፖሊሲ ጥናቶች ውጤት እና አመታዊ የሥራ አፈጻጸም ላይ የሚመለከታቸው የባለድርሻ እና አጋር አካላት የተሳተፉበት አውደ-ጥናት እየተካሄደ ይገኛል፡፡


የከፍተኛ ትምህርት ልማት ሚኒስትር ዴኤታ ክቡር አቶ ኮራ ጡሹኔ አውደ-ጥናቱን በንግግር በከፈቱበት ወቅት ባስተላለፉት መልዕክት የአመራር ብቃትን ማሳደግ፣ በመረጃና በማስረጃ የሚመራ ተቋም መገንባት እና ተጠያቂነትን ከተቋማዊ ነፃነት ጋር አስተሳስሮ ማስፈንና ማስቀጠል የከፍተኛ ትምህርት ልማት ዘርፍ ዋነኛ የሪፎርም ትኩረት መሆኑን ገልጸዋል፡፡

ለነገዋ ኢትዮጵያ የሚገባትን የከፍተኛ ትምህርት ተቋማት መፍጠር የአውደ-ጥናቱ ዓላማ መሆኑን ጠቅሰው በከፍተኛ ትምህርት አመራሮች አቅም ግንባታ፣ በተለያዩ የፖሊሲ ጥናቶች ውጤት እና በአመታዊ የሥራ አፈጻጸም ላይ ውይይት የሚካሄድ መሆኑም ተጠቅሷል።

በአሁኑ ወቅት የከፍተኛ ትምህርት ተቋማትን ቁጥር ከማሳደግ ይልቅ ያሉንን ተቋማት ጥራት እና አግባብነት ወደአላቸው ተቋም ማሸጋገር ወሳኝ መሆኑን ጠቅሰው አንድን ዩኒቨርሲቲ ስናሻሽል ተቋሙን ብቻ ሳይሆን የብዙ ሺህ ወጣቶችን መጻኢ ዕድል እያሻሻልን መሆኑን ከግምት ውስጥ ማስገባት አስፈላጊ መሆኑን አብራርተዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/18V

በሀገር አቀፍ ደረጃ ፍትሃዊና ወጥነት ያለው የከፍተኛ ትምህርት ተቋማት መምህራን የደረጃ እድገት ሥርዓት ለመገንባት እየተሠራ ነው።
---------------------- // --------------------------
(ነሐሴ 28/2018 ዓ.ም) ትምህርት ሚኒስቴር ከማስተር ካርድ ፋውንዴሽን፣ ከአሪዞና ስቴት ዩኒቨርሲቲ እና ከሸያሾኔ ተቋም ጋር በመተባበር የከፍተኛ ትምህርት ተቋማት የአካዳሚክ ሥራተኞች የደረጃ እድገት መመሪያን ለማሻሻል የሚያስችሉ ግብዓቶች የሚሰበሰቡበት የምክክር መድረክ አካሄደ።

በመድረኩ መክፈቻ ላይ የከፍተኛ ትምህርት ልማት ዘርፍ የአካዳሚክ ጉዳዮች መሪ ሥራ አስፈጻሚ ዶ/ር ኤባ ሚጀና እንደገለጹት በሀገር አቀፍ ደረጃ ፍትሃዊና ወጥነት ያለው የመምህራን የደረጃ እድገት ሥርዓት ለመገንባት በትኩረት እየተሠራ እንደሚገኝ ጠቁመዋል።

መምህራን መስፈርቱን አሟልተው እድገት ሲጠይቁ ያለምንም አድሎና እንግልት በወቅቱ ማግኘት እንዳለባቸው ያሳሰቡት ዶ/ር ኤባ የመመሪያው መሻሻል ዋና ዓላማ አፈጻጸሙን ወጥ ማድረግ፣ ግልጽነት መፍጠር እና መመሪያውን ዘላቂና ተራማጅ ማድረግ እንደሆነ ገልጸዋል።

በተጨማሪም የከፍተኛ ትምህርት ልማት ዘርፍ የምርምርና ማህበረሰብ ጉድኝት ጉዳዮች ተጠባባቂ መሪ ሥራ አስፈጻሚ ዶ/ር ሰራዊት ሀንዲሶ ከሁለት ዓመት በፊት በሥራ ላይ የነበረው የቀድሞ መመሪያ 12 ሥርዓታዊና በርካታ የአተገባበር ችግሮች የነበሩበት፣ እንዲሁም ለተለያዩ ትርጉሞች የተጋለጠ እንደነበር አስታውሰዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1DRF9hbYNm/