በሀገር አቀፍ ደረጃ ፍትሃዊና ወጥነት ያለው የከፍተኛ ትምህርት ተቋማት መምህራን የደረጃ እድገት ሥርዓት ለመገንባት እየተሠራ ነው።
---------------------- // --------------------------
(ነሐሴ 28/2018 ዓ.ም) ትምህርት ሚኒስቴር ከማስተር ካርድ ፋውንዴሽን፣ ከአሪዞና ስቴት ዩኒቨርሲቲ እና ከሸያሾኔ ተቋም ጋር በመተባበር የከፍተኛ ትምህርት ተቋማት የአካዳሚክ ሥራተኞች የደረጃ እድገት መመሪያን ለማሻሻል የሚያስችሉ ግብዓቶች የሚሰበሰቡበት የምክክር መድረክ አካሄደ።

በመድረኩ መክፈቻ ላይ የከፍተኛ ትምህርት ልማት ዘርፍ የአካዳሚክ ጉዳዮች መሪ ሥራ አስፈጻሚ ዶ/ር ኤባ ሚጀና እንደገለጹት በሀገር አቀፍ ደረጃ ፍትሃዊና ወጥነት ያለው የመምህራን የደረጃ እድገት ሥርዓት ለመገንባት በትኩረት እየተሠራ እንደሚገኝ ጠቁመዋል።

መምህራን መስፈርቱን አሟልተው እድገት ሲጠይቁ ያለምንም አድሎና እንግልት በወቅቱ ማግኘት እንዳለባቸው ያሳሰቡት ዶ/ር ኤባ የመመሪያው መሻሻል ዋና ዓላማ አፈጻጸሙን ወጥ ማድረግ፣ ግልጽነት መፍጠር እና መመሪያውን ዘላቂና ተራማጅ ማድረግ እንደሆነ ገልጸዋል።

በተጨማሪም የከፍተኛ ትምህርት ልማት ዘርፍ የምርምርና ማህበረሰብ ጉድኝት ጉዳዮች ተጠባባቂ መሪ ሥራ አስፈጻሚ ዶ/ር ሰራዊት ሀንዲሶ ከሁለት ዓመት በፊት በሥራ ላይ የነበረው የቀድሞ መመሪያ 12 ሥርዓታዊና በርካታ የአተገባበር ችግሮች የነበሩበት፣ እንዲሁም ለተለያዩ ትርጉሞች የተጋለጠ እንደነበር አስታውሰዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1DRF9hbYNm/

ዩኒቨርስቲዎች ሀገርን የሚያሻግሩ የእውቀት ማዕከላት ሊሆኑ እንደሚገባ የትምህርት ሚኒስትሩ ገለጹ፤
---------------------- // ---------------------
 
(ነሐሴ 28/2018 ዓ.ም) ዩኒቨርስቲዎች ሀገርን የሚያሻግሩ የእውቀት ማዕከላት ሊሆኑ እንደሚገባ የትምህርት ሚኒስትሩ ፕሮፌሰር ብርሃኑ ነጋ ከመንግስት ዩኒቨርስቲ ፕሬዚዳንቶች ጋር ባደረጉት የምክክር መድረክ አስገነዘቡ።
 
ፕሮፌሰር ብርሃኑ በንግግራቸው፤ ዩኒቨርስቲዎች የሙያና የስነ-ምግባር እሴቶች የሚገነቡባቸው  የአካዳሚክና የምርምር ተቋማት መሆናቸውን ገልጸው የህብረተሰቡ የሞራልና የእውቀት መሪዎች በመሆናቸው፣ የሙያ ስነ-ምግባርንና የሞራል እሴቶችን በመላበስ ማህበረሰቡን በእውቀትና በሙያ ሊደግፉ እንደሚገባ አሳስበዋል።
 
አክለውም፤ የዩኒቨርስቲ ተማሪዎች ስብጥር ብዝሃነትን ባካተተ፣ መተዋወቅን፣ መከባበርን፣ መቻቻልንና ሀገራዊ አንድነትን በሚያጠናክር መልኩ ሊሆን እንደሚገባ ጠቁመዋል።
 
ከዚሁ ጋር ተያይዞ፣ በዩኒቨርስቲዎች ከተማሪዎች ምደባና ዝውውር ጋር ተያይዘው የሚስተዋሉ ችግሮችን ለመፍታት ከቀጣዩ የትምህርት ዘመን ጀምሮ በትምህርት ሚኒስቴር በቴክኖሎጂ የታገዘ አዲስ የአሰራር ስርዓት እንደሚዘረጋ ሚኒስትሩ ገልጸዋል። ከበጀት አጠቃቀም ረገድም ተቋማቱ የተመደበላቸውን በጀት ለታቀደለት ዓላማ ብቻ በቁጠባና በተጠያቂነት መንፈስ ማዋል እንዳለባቸው አሳስበዋል። ሙሉ መረጃውን ይህንን ሊንክ በመጫን ማግኘት ይችላሉ፤ https://web.facebook.com/share/p/1EPYjkE9WK/

ማስታወቂያ
የዩኒቨርስቲ ምደባ በመጠባበቅ ላይ ላላችሁ ተማሪዎች በሙሉ፤
የዩኒቨርሲቲ እና የባንድ ምርጫችሁን፣ እንዲሁም የልዩ ድጋፍ ማመልከቻ ለማቅረብ ከታች ያለውን ቪዲዮ መመሪያ በመከታተል መሙላት የምትችሉ መሆኑን እንገልጻለን

ማስታወቂያ

ለ2019 ዓ/ም አዲስ ለተቋቋሙና ለነባር የፌደራል ልዩ አዳሪ 2ኛ ደረጃ ትምህርት ቤቶች በመምህርነት ሙያ ተቀጥረው ለማገልገል የፅሁፍ ፈተና በመውሰድ የማለፊያ ውጤት አምጥታችሁ ለቃለ መጠይቅ ለተመረጣችሁ መምህራን በሙሉ፣

ቃለ መጠይቁ የሚካሄደው ጳጉሜ 3/2018 ዓ. ም ማክሰኞ በኦንላይን የሚካሄደ ሲሆን በምዝገባ ወቅት በሰጣችሁት ስልክ ቁጥር ዋትስአፕ ላይ በመግባት እንዴት ኢንተር ቪውን በሞባይልና በላፕቶብ ማድረግ እንደምትችሉ የተጫነውን መመሪያ መሰረት በማድረግ ዝግጅት እንድታደርጉ እናሳስባለን!