🟦🟦🟦🟦🟦🟦

O‘zDJTUda “Yevropa tillari kuni” va “Yevropa kino festivali”ni o‘tkazish masalalari muhokama qilindi

2026-yil 18-avgust kuni O‘zbekiston davlat jahon tillari universitetida Yevropa delegatsiyasining O‘zbekistondagi vakolatxonasi Siyosiy masalalar bo‘yicha mas’ul xodimi Mikaela Zelenanska bilan ishchi uchrashuv bo‘lib o‘tdi.

Uchrashuvda universitetning Ilmiy ishlar va innovatsiyalar bo‘yicha prorektori O. Yusupov, Xalqaro hamkorlik bo‘limi boshlig‘i X. Yuldashev hamda bo‘lim yetakchi mutaxassisi K. Alimova ishtirok etdilar.

Ishchi uchrashuv davomida joriy yilning 10-iyul kuni bo‘lib o‘tgan muzokaralarda muhokama qilingan O‘zbekiston davlat jahon tillari universitetida “Yevropa tillari kuni”ni o‘tkazish bilan bog‘liq tashkiliy masalalar yuzasidan fikr almashildi.

X. Yuldashev universitet tomonidan mazkur tadbirni yuqori saviyada tashkil etish uchun barcha zarur sharoit va imkoniyatlar yaratilishini ta’kidladi. Jumladan, tadbir uchun faollar zali va 4 ta ma’ruzalar zali ajratilishi, zarur texnik vositalar bilan ta’minlanishi, xalqaro tashkilotlar hamda Yevropa davlatlari elchixonalari vakillarini kutib olish va ularga hamrohlik qilish, shuningdek, O‘zDJTU professor-o‘qituvchilari va talabalarining faol ishtirokini ta’minlash borasida universitet tomonidan tegishli ko‘mak ko‘rsatilishi qayd etildi.

O. Yusupov tadbirni mazmunan boy va yuqori saviyada o‘tkazish maqsadida uning dasturini puxta ishlab chiqish hamda amalga oshirish bo‘yicha o‘z taklif va mulohazalarini bildirdi.

Shuningdek, uchrashuv davomida 2026-yil 28-oktabr kuni “Yevropa kino festivali” doirasida O‘zDJTU talabalari uchun Britaniya Kengashi tomonidan taqdim etiladigan ingliz tilidagi qisqa metrajli filmlar namoyishini tashkil etish masalalari ham muhokama qilindi.

Uchrashuv yakunida Mikaela Zelenanska universitetning asosiy kirish qismidagi foyesi, faollar zali hamda ma’ruzalar zallari bilan tanishtirildi.

Tomonlar mazkur tadbirlarni yuqori saviyada tashkil etish va o‘tkazish uchun O‘zbekiston davlat jahon tillari universitetida barcha zarur sharoit va imkoniyatlar mavjudligini e’tirof etdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🔍 Sirdaryo viloyatida IPM texnologiyalari bo‘yicha amaliy tadqiqotlar davom etmoqda

Yevropa Ittifoqi tomonidan moliyalashtirilayotgan FAOning “Xavfli kimyoviy moddalarni samarali boshqarish uchun texnik ko‘maklashish” loyihasi doirasida ilmiy va amaliy tadqiqot ishlari davom etmoqda.

✔️ Sirdaryo viloyatidagi “Sardoba Universal” klasterining g‘o‘za tajriba maydonlarida zararli organizmlarga qarshi integratsiyalashgan kurash tizimi (IPM) asosida dala tadqiqotlari olib borilmoqda. Tadqiqotlar davomida g‘o‘zaning fitosanitar holati, zararkunandalar va foydali entomofaglar muntazam monitoring qilinib, biologik himoya usullarining samaradorligi baholanmoqda.

Shuningdek, dala mutaxassislariga IPM tamoyillari, zararkunandalarni monitoring qilish va biologik himoya usullarini amaliyotda samarali qo‘llash bo‘yicha tavsiyalar berilmoqda.

------

🔍 Practical Research on IPM Technologies Continues in Syrdarya Region

Scientific and practical research activities are continuing within the framework of the FAO project “Technical Assistance for the Sound Management of Hazardous Chemicals,” funded by the European Union.

✔️ Field research on Integrated Pest Management (IPM) technologies is being conducted in the experimental cotton fields of the “Sardoba Universal” cluster in Syrdarya Region. As part of the research, the phytosanitary condition of cotton crops, the presence of pests and beneficial entomophagous insects are regularly monitored, while the effectiveness of biological pest control methods is also being assessed.

In addition, field specialists receive practical recommendations on the principles of IPM, pest monitoring, and the effective application of biological control methods under field conditions.

🌐 Facebook 🚀 Telegram 🌐 Website