რუსმა მოქალაქემ ერთ-ერთ სოფელში უკრაინული დრონის ოპერატორებს აჩვენა საითკენ გადაადგილდებოდა ოკუპანტების სამხედრო მანქანა.
14-ე არმიის კორპუსის ოპერატორები სამიზნის მოსაძებნად რუსეთის ტერიტორიაზე გადაფრინდნენ. ერთ-ერთ სასაზღვრო სოფელში შეხვდნენ სამოქალაქო პირს მოტოციკლით, რომელმაც მყისიერად აჩვენა რუსი სამხედროების ადგილსამყოფელი.
დრონის ოპერატორებმა ისარგებლეს მინიშნებით და რამდენიმე წუთში სამიზნეც იპოვეს.

ნატოს გენერალური მდივანი მარკ რუტე აშშ-ის შუალედურ არჩევნებზე: მეორე დღეს ტრამპს მოკლე შეტყობინება გავუგზავნე: თავი მაღლა ასწიე, ვაგრძელებთ.“
ამერიკა უფრო დიდია, ვიდრე დანარჩენი 31 მოკავშირე ერთად აღებული.
ამერიკელები სასიცოცხლოდ მნიშვნელოვანნი არიან ევროპის თავდაცვისთვის და რუსეთის ომში უკრაინის მხარდასაჭერად.
ჩვენ მათ გარეშე ნამდვილად ვერ გავალთ ფონს.

ინდოეთში სამგზავრო მატარებელს ცეცხლი გაუჩნდა.
შემადგენლობა ამრიტსარი-ნიუ-ჯალპაიგურის რეისს ასრულებდა-იუწყება Times Now. მგზავრების ევაკუაცია ალმოდებული ვაგონებიდან მატარებლის მოძრაობისას განხორციელდა. უსაფრთხოების სისტემის ამოქმედების შემდეგ კი შემადგენლობა გაჩერდა.
დაშავებულებისა და დაღუპულების შესახებ ინფორმაცია ჯერჯერობით არ ვრცელდება. ცნობილია, რომ მატარებელში დაახლოებით 1500 მგზავრი იმყოფებოდა.

​ისრაელის საგარეო საქმეთა სამინისტრომ უკრაინის ქალაქ კამიშევახაზე 2 ნოემბერს განხორციელებული იერიში დაგმო. "ღრმად დამწუხრებული ვართ კამიშევახადან მიღებული საზარელი ახალი ამბებით... ვგმობთ ამ თავდასხმას და გულწრფელ სამძიმარს ვუცხადებთ დაღუპულთა ოჯახებს“-ნათქვამია უწყების განცხადებაში.
▪︎ბოლო მონაცემით, ზაპოროჟიეს ქალაქ კამიშევახაზე ოკუპანტების შეტევის შედეგად დაღუპულთა რიცხვი 53-ამდე გაიზარდა.
ეს ისრაელის პირველი კრიტიკული განცხადება არ არის რუსეთის მიმართ. გიდეონ საარის უწყებამ რუსეთის იერიშები კიევზე სექტემბერშიც დაგმო. ცოტა ხნის წინ კი ნეთანიაჰუმ რუსული სტრუქტურები ანტისემიტური ნარატივების პროპაგანდაში დაადანაშაულა.

89 წლის ასაკში გარდაიცვალა როკფელერების დინასტიის მემკვიდრე ჯონ როქფელერ IV. ის
ნავთობის მაგნატის, ჯონ როქფელერის შვილთაშვილი იყო. როქფელერ IV დასავლეთ ვირჯინიის გუბერნატორი იყო, შემდეგ 30 წლის განმავლობაში წარმოადგენდა შტატს აშშ-ის სენატში. ის ჯანდაცვის, სოციალური პოლიტიკისა და ეროვნული უსაფრთხოების საკითხებზე მუშაობდა.

ირანი რუსეთთან მოლაპარაკებებს მართავს თანამედროვე S-400 ტიპის საჰაერო თავდაცვის სისტემების შესაძენად-წერს გამოცემა The Telegraph. ირანის უშიშროების სამსახურის ხელმძღვანელმა მოჰსენ რეზაიმ ვლადიმერ პუტინს უმაღლესი ლიდერის, მოჯთაბა ხამენეის პირადი წერილი გადასცა აღნიშნული სისტემების მოწოდების თხოვნით.
თეირანი იმედოვნებს, რომ აშშ-ისა და ისრაელის მიერ მიყენებული მასშტაბური დარტყმების შემდეგ საკუთარი საჰაერო თავდაცვის ძალების აღდგენას შეძლებს.
"მოსკოვი წლებია მიანიშნებს მსგავს მიწოდებაზე, თუმცა რეალურ ნაბიჯებს ერიდება ისრაელსა და მთლიანად რეგიონთან ურთიერთობების გაფუჭების შიშით-ნათქვამია სტატიაში.

CBS: აბუ-დაბიში სამმხრივ მოლაპარაკებებზე უკრაინის დელეგაციას კირილო ბუდანოვი უხელმძღვანელებს. ზელენსკის ოფისის ხელმძღვანელის
განცხადებით, შეხვედრაზე გარღვევას არ ელოდება, თუმცა უშუალოდ მოლაპარაკებების გამართვის ფაქტს უკვე პროგრესად მიიჩნევს.
მისი თქმით, მხარეები პოზიციების დაახლოებაზე იმსჯელებენ.
მოლაპარაკებები 10-11 ნოემბერს გაიმართება. რუსულ დელეგაციას პუტინის თანაშემწე მედინსკი უხელმძღვანელებს.

ჯემნიუსი: პერუს აეროპორტში სამ მგზავრს დაახლოებით 3 000 ტარანტული ჩამოართვეს, რომელთა გერმანიაში გაყვანასაც ჭუჭყიანი წინდებით ცდილობდნენ

მათ შორის იყო კვერცხები და ზრდასრული ინდივიდები, მათ შორის იშვიათი სახეობებიც.
ზოგიერთი ტარანტული ევროპაში 500 ევრომდე ღირს, ხოლო მთლიანი პარტიის ღირებულებამ, შესაძლოა, 1,5 მილიონ ევრომდე შეადგინოს.

მეგან მარკლის მამა თომას მარკლი ბავშვთა სექსუალური ექსპლუატაციის ამსახველი მასალის ფლობისთვის დააკავეს.
82 წლის მარკლი ფლორიდაში მას შემდეგ დააკავეს, რაც გამოძიების ფედერალურმა ბიურომ ლოს-ანჯელესის შემოგარენში ორი სასაწყობო ფართი გაჩხრიკა, რომლებსაც ის თითქმის 20 წლის განმავლობაში ქირაობდა.
იუსტიციის დეპარტამენტის ცნობით, ის სასამართლოს წინაშე მოგვიანებით წარდგება. ჰარის მეუღლე მამის დაკავებას ჯერ არ გამოხმაურებია.

აშშ ირანის წინააღმდეგ სამხედრო ოპერაციის დაწყებას 9 ნოემბერს გეგმავს, დონალდ ტრამპმა ეს საკითხი ეროვნული უსაფრთხოების მრჩევლებთან უკვე განიხილა-წერს Fox News.
ოფიციალური პირების განცხადებით, აშშ-ის შეიარაღებული ძალების ცენტრალური სარდლობა ოპერაციის მომზადების დასრულებას უახლოვდება. ამასთან, საბოლოო ბრძანება ჯერ არ გაცემულა, ხოლო ადმინისტრაციაში შემდგომი ნაბიჯების შეფასებას განაგრძობენ.
„9 ნოემბერს ახალმთვარეობაზე ახლო აღმოსავლეთში მთვარის შუქი თითქმის არ იქნება, რაც სამხედრო ოპერაციების ჩასატარებლად ხელსაყრელ პირობებს შექმნის“- განუცხადეს ტელეკომპანიას მაღალი რანგის ამერიკელმა ოფიციალურმა პირებმა.

კაია კალასი ანდრი სიბიჰასა და რადოსლავ სიკორსკისთან ვარშავაში გამართული შეხვედრის შემდეგ: ნატო 2021 წელს საფრთხეს არ უქმნიდა რუსეთს და არც ამჟამად უქმნის.
პუტინს ევროპულ უსაფრთხოებაზე ვეტოს უფლება არ აქვს.
აქამდე მთელი ზეწოლა უკრაინაზე მოდიოდა, რაც არასწორია, რადგან ჩვენ გვყავს ერთი აგრესორი და ერთი მსხვერპლი.
ომის შეჩერების მიზნით, ზეწოლა სწორედ აგრესორზე უნდა განხორციელდეს.

Armenpress: ლონდონში კონსულტაციების შედეგად, სომხეთის თავდაცვის სამინისტროს თავდაცვითი პოლიტიკისა და საერთაშორისო თანამშრომლობის სამმართველოს უფროსმა ლევონ აივაზიანმა და გაერთიანებული სამეფოს თავდაცვის სამინისტროს რუსეთის, აღმოსავლეთ ევროპისა და ცენტრალური აზიის პოლიტიკის საკითხებში დირექტორმა კრის კიმ თავდაცვის სფეროში 2026-2027 წლების თანამშრომლობის პროგრამას მოაწერეს ხელი.

ვოლოდიმირ ზელენსკი აცხადებს, რომ ტრამპის შემოთავაზებული „უსაფრთხოების გარიგება“ შესაძლოა პოტენციურად სახიფათო იყოს.
„ვერ ვხედავ რუსეთის მხრიდან რაიმე სიგნალს, რომ მზად არიან, რაიმეს გასაკეთებლად. აი, რატომ არის ეს, ჩემი აზრით, საშიში. როდესაც მათ არ სურთ საუბარი იმაზე, თუ როგორ უნდა დასრულდეს ეს ომი, ვგულისხმობ რუსეთს, მათ სურთ ყველაფრის დაწყება ევროპაში უსაფრთხოების ახალი ინფრასტრუქტურით. ეს საშიშია“-განაცხადა ზელენსკიმ CNN-ის ეთერში.
მისი თქმით, ტრამპის იდეა უფრო მეტ რისკს ატარებს ევროპისთვის და არა უკრაინისთვის:
„ჩვენ არ ვართ ევროპის ნაწილი, ჩვენ გზაზე ვართ, მაგრამ არ ვართ ევროკავშირის წევრები. ასევე არ ვართ ნატოს წევრი. ამიტომ, მე არ ვსაუბრობ ნატოსა და ევროკავშირის სახელით, მაგრამ ეს საშიშია ყველასთვის. ჩვენ ყველა ევროპაში ვცხოვრობთ. ჩვენ არ გვინდა იალტა-2-ის არსებობა. ჩვენ მზად არ ვართ ასეთი ფორმატისთვის. ჩვენ არ გვინდა, რომ რუსეთმა გაგვყოს. და, რა თქმა უნდა, სუვერენიტეტი და ტერიტორიული მთლიანობა ნებისმიერი დამოუკიდებელი სახელმწიფოსთვის საკვანძო საკითხია“.

ვლადიმერ პუტინმა რუსეთის ფედერაციის უშიშროების საბჭოს მუდმივ წევრებთან ერთად განიხილა უკრაინის შესახებ სამმხრივი მოლაპარაკებების მომზადების საკითხი, რომელიც სამშაბათს, 10 ნოემბერს, აბუ-დაბიში გაიმართება.
რუსეთის პრეზიდენტის თქმით, თათბირის მონაწილეები მოლაპარაკებებზე რუსული დელეგაციის შემადგენლობაში შევლენ.
შეხვედრაში მონაწილეობდნენ რუსეთის ფედერაციის პრეზიდენტის თანაშემწე ვლადიმერ მედინსკი, რუსეთის შეიარაღებული ძალების გენერალური შტაბის უფროსის მოადგილე იგორ კოსტიუკოვი, რუსეთის ფედერაციის პრეზიდენტის თანაშემწე იური უშაკოვი, რუსეთის საგარეო საქმეთა მინისტრის მოადგილე მიხეილ გალუზინი და რუსეთის საგარეო საქმეთა მინისტრის მოადგილე სერგეი რიაბკოვი.

დონალდ ტრამპი ირანზე: ირანთან კარგად მიდის საქმე. ველაპარაკებით ირანს. ერთი ჯარისკაციც არ დაგვიკარგავს 7, 6 თვის განმავლობაში. ჰორმუზის სრუტე იხსნება.

კონგრესის ქვედა პალატაში დემოკრატები გამოძიების დაწყებას აპირებენ სტივენ მილერის წინააღმდეგ, რომელიც ტრამპმა ადმინისტრაციის უფროსად დანიშნა. კონგრესმენ რობერტ გარსიას მიერ გავრცელებულ განცხადებაში სტივენ მილერი მოხსენიებულია საიმიგრაციო სამსახურის რეიდების არქიტექტორად. "ჩვენ ვიბრძოლებთ მისი სიძულვილის პოლიტიკის წინააღმდეგ კონგრესში...სტივენ მილერმა სჯობს ადვოკატი დაიქირაოს"-წერია გარსიას განცხადებაში .