#أخبار_عالريق 805 يوم
✅يكتبها/#سعيد_الطويل

■وجع جديد بوفاة شب فلسطيني اسمه محمد أحمد ناصر من دير البلح توفى وهو بطريق هجرته من تركيا

■المنخفض والمطرة والسقعة لسة ضايلة لآخر هذا اليوم، وكلها أسبوع زمن وبندخل بالربيع الجميل ان شاء الله.

■بيقولوا انه اليوم في اجتماع مهم للفصا.ئل شرق غزة عشان ممكن يتصعد الوضع شوية شوية .

■مسكوا 33 مشطاح طحين كل مشطاح فيه25 كيس مخزنها تاجر محكتر عنده وكاتب فش طحين للبيع

■الحكومة بغزة ورام الله بتحلفوا لأي تاجر بيحتكر الاسعار ونشروا أسعار الحاجات الأساسية للناس.

■اليــ ـهود بدهم يعملوا تسهيلات جديدة لغزة قبل رمضان ، وحيدخلوا عدّة لصيانة حسكات الصيد وحيخششوا البطاريات الخربانة.

■المهم ال3 بيضات الكبار بيطلع حقهم ب2 شيكل ع حسبة دكانة أبو جميل

■هذا الأسبوع كل يوم حيكون في اضراب للمدارس برام الله بعد الفورسة ،احتجاج عشان مصرفوش رواتب كاملة.

■الرئيس الأوكراني الهامل بيقلك احنا ع طريق النصر ،وهما علموا عليه بنص البلد.

■بصراحة سعر الجاج بغزة صاير جنوني وكسرة الخاطر وصلت مبارح نص بيوت الغلابا بأكلة الجمعة محدش قادر يجيب جاجة ب30 شيكل عشان يطعمي ولاده فما بالكم بجاجتين بدون رز وحاجاتهم.

■حاكم دبي أطلق مبادرة المليار وجبة عشان يطعمي 800 مليون فقير في 50 دولة في رمضان الجاي.

■موسم الأعراس قاعد بيشطب عشان قرّب رمضان ، حتى مشاكل الصالات عالأغاني صارت قليلة عشان نهاية الموسم .

■الأسبوع الجاي حتبلش تنزل بضاعة رمضان عالسوق بس ربنا يستر من الأسعار كيف تكون بعد هالغلا الفاحش.

■الكور.ونا ضايلة وشغالة وأمورها تمام بس الناس صارت تخجل تحكي بموضوعها ،إللي بيكورن صار عالسكت ميحكيش حتى لمرته.

■الذهب سعره غالي والدولار سعره طلع ثاني ، وإللي خاطبين جديد مش عارفين يسلكوا أمورهم كل حاجة ولعت نار.

■المهم أخبارنا اليوم غلسة شوية وفش فيها أكشن بس مليانة تنكيد خاصة بموضوع الأسعار إللي بتسد النفس ،متنسوش تبلغوا عن أي تاجر بيحتكر الأسعار ..لانه بيستاهل

#صباح_الخير للناس إللي تسهلت ع شغلها وهيا مبسوطة من الصبح لأنه الرزق سعادة والشغل في راحة بال حتى لو فيه تعب ،التعب هذا لسة أريح من انك تكون قاعد بالدار بتشتغلش .

#صباح_الخير لكل واحد ساكن عند أمه بيتصبح فيها وبجمالها وبحلاوة روحها وبيكسب رضاها ودعواتها الحلوة ،ربنا يحفظ أمهاتنا ويرحم كل واحد فقد أمه.

#

أخبار_عالريق 814 يوم
✅يكتبها/ #سعيد_الطويل

■ اليوم وبكرة الجو قلاّب وكله ريح وسقعة

■ بأول رمضان حتيجينا موجة شوب خمسانية ،مش بقلك الجو قلاّب

■الحكومة وقفت تصدير الخضرة برة غزة والمفروض بهيك ترخص الأسعار.

■حيبلشوا صرف مساعدات مالية لأهالي شهد.ا.ء 2014 إللي ما الهم أي دخل ولا أي رواتب.

■في 25 ألف كابونة حتوزعها حكومة غزة للناس إللي بتاخذ شؤون بأول رمضان.

■ يوم الجمعة حنشوف الهلال عشان نعرف السبت رمضان ولا الأحد ان شاء الله.

■بيقلك نزلت شوكلاطة السلفانا بعد 25 سنة من القطعة ،بس ع قولة إلي داقوها طعمها مش زاكي..عموما اسمها طلع سلفانيا يعني مقلدة.

■ 19 شحنية غاز وصلت غزة وفي كمان 21 شحنية بترول كمان خشت لمحطة الكهرباء.

■فوق ال 34 ألف خريج وخريجة تقدموا لامتحانات التوظيف بغزة وحيقبلوا منهم 1.5% بس مش أكثر.

■بنت بالاعدادية من نابلس ماتت بسكتة قلبية بعد ما قدمت امتحانها بالمدرسة

■توفى مبارح شاب خلوق حافظ القرآن اسمه براء اسماعيل البطش بالعشرينات من عمره بسكتة قلبيه مفاجأة

■الشعبية فازت عالشبيبة بانتخابات مجلس طلبة جامعة بيت لحم.

■فوق ال 200 مخالفة تحولت للنائب العام وحبسوا 44تاجر كانوا يتلاعبوا بالأسعار بغزة.

■باب الحارة حينعرض منه الجزء الاطنعش هذه السنة.

■عليا الطرشاق منظر المخللات بسوق الزاوية ،بيعدل مودك .

#صباح_الخير وبدناش نكثر حكي لانه اليوم الخميس وصاحيين متأخر والنت يادوب مسلكنا.

#هلا_بالخميس 🌹
24-3-2022

‏صورة من لا تمت قبل أن تكون نداً

‏صورة من لا تمت قبل أن تكون نداً

‏صورة من لا تمت قبل أن تكون نداً

‏صورة من لا تمت قبل أن تكون ندا

#أخبار_عالريق 926 يوم
✅يكتبها /#سعيد_الطويل

■صباح الخير ليوم جديد ان شاء يكون مليان سعادة وراحة بال وصحة ومصاري كثير

■نابلس جبل النار قدمت الليلة عريس جديد اسمه نصر خليفة من مخيم بلاطة برصاص الاحـتـ لال

■بشكل رسمي "اسرائيل" حتطلع 500 تصريح شغل للنسوان من غزة

■البنزين المفروض يرخص سعره لتحت ال6 شيكل في اسرائيل الأيام الجاية

■توفت صبية بعد ما وقعت من فوق عمارة عالسادس جنوب الخليل

■عقود اليومية وحقوق الغير اليوم حتنصرف رواتبهم ومصاريهم من البنوك والبريد

■ خفضوا مفتاح التنسيق لكبشة تخصصات بالأزهر والاسلامية

■احتمال كبير تكون نتائج طلبة التوجيهي تبعون الدور الثاني أول أسبوع بشهر تسعة

■رطل المانجا تبعت العصير بخمس شواكل

■بالنسبة لمدارس الوكالة بنذكركم انهم حيوزعوا ع أولادكم دفاتر وأقلام وشوية قرطاسية خفيفة

#صباح_الخير للناس إللي صحيوا من الصبح يذكروا الله ويحمدوه على النعمة إللي هما فيها...

#الحمد_لله على كل نعمة بنعيشها ،وغيرنا محروم منها

#يسعد_صباحكم
و #هلا_بالخميس

18-8-2022 🌹

#أخبار_عالريق 951
✅يكتبها / #سعيد_الطويل

■عموما دايماً يوم السبت الأخبار ناشفة ورايقة وبيكونش في تصريحات زي أي يوم عادي

■3 أولاد صغار أصلهم من الضفة انحرقوا بشقة بأمريكا بسبب ماس كهرب

■في كمان عاملين غلابا برضه ماتوا من ماس كهربة وهما شغالين بالداخل المحتل

■في سبع حالات عالأقل وصلت عالمستشفى الأندونيسي بعد ما تصاوبت بانفجار داخلي بجباليا

■اليابان غلبت فلسطين 8-صفر ،يعني تعبنا الناس وهما بيدخلوا فينا قوان

■قصة اقتحام البنوك في لبنان صارت موضة ،وصل العدد ل7 بنوك حتى الآن وفي قرار بتعطيل البنوك 3 أيام

■ جيش الاحـتـ لال ناوي نية شر للضفة وهيو بيصادق على على سلسلة عمليات ..الله يحمي الضفة ويحمي شبابها وأهلها

■بيقلك الشب الناجح إللي بيخطط منيح هو إللي بيقدر يرفع اصبع القرشلة من كباية الشاي قبل ما تقع جوا

■موسم السلطعونات شحيح هذه السنة مش زي السنة إللي فاتت

■هينا خشينا بالنص الثاني من شهر تسعة وفش علوم لقبضة الشؤون

■الفترة الجاية حتلاقوها ملهاش راس من رجلين لا هيا صيف ولا هيا شتا لا عارفين نضب المراوح ولا عارفين ننزل الحرامات التقيلة وبتحس انه الوقت مشقلب والناس بتطب فيها الكئابة بزيادة..

🙏طيب يا جماعة في بيت كله مرضى ومعاقين "كله بمعنى الكلمة" الحمد لله فش ولا واحد فيهم سليم ، طلبوا مني الناس تتفقدهم وتوفر إلهم إللي بيقدروا عليه ليقدروا يكملوا عيشتهم بأقل القليل

#صباح_الخير وجبر الخواطر للناس الأصيلة إللي مليانة خير ،إللي بتحب السعادة لغيرها وتشوف الناس مبسوطة
في ناس هيك بتلاقيهم بيفرحوا لفرحة غيرهم وبيشاركوهم سعادتهم مش من برة لبرة ..الله يكثر منهم هذه الناس بطريقكم..

السبت 17-9-2022 🌹

#أخبار_عالريق
✅يكتبها / #سعيد_الطويل

■أول حاجة الله يصبحكم بالخير ومحدش يقعد يتفزلك قديش الساعة وبس يرد عليك إللي سألته تقله بالتوقيت الجديد ولا القديم وتستخف بدمك ،من الآخر الساعة رجعت 60 دقيقة لورا يعني هالوقت الساعة 8:30 مش 9:30 .. تمام هيك ويا سيدي خلي البواخر تغلق لو تلخبطت مواعيدك ..

■النشرة ملغمة موت وحوادث وكل ما نقول بدنا نرجع ننكش راس وتسلك أمور النشرة بتطلعنا قصة جديدة

■ع وجه الفجر أعدم الاحـتـ لال اثنين قد حالهم وكل واحد ورا عيلة وكوم لحم
في نابلس.. الله يرحمكم عماد أبو رشيد ورمزي زيارة

■ أحمد خليل فارس من خانيونس ،شب جديد زي الورد أكله السمك يمة وهو بطريق هجرته المرة

■استــ ـشهد شب اسمه محمد عودة التلباني متأثر بإصابته إللي أكلها بحرب 2021 بغزة

■في حادث سير بالخليل وحادث دهس كمان برام الله ماتوا فيهم ناس.. والله يرحمنا برحمته

■آخر الأسبوع الجاي حتبلش الرواتب تهل والخير يحرك البلد

■السمك صاروا فترة شحيح ببحر غزة حتى السلطعونات منعزمناش عليهم السنة

■نابلس لسة محاصرة وفي قيادات بلشت تلغوص عشان يكسروا شوكة أبطالها ويساوموهم

#يسعد_صباحكم
واكسبوا الصلاة عالنبي ورضا أبوك وأمك والباقي كله تساهيل ..

الجمعة 28-10-2022

#أخبار_عالريق 1018 يوم
✅يكتبها / #سعيد_الطويل

■أحمد دراغمة هو عريس الليلة إللي استــ ـشهد في نابلس وزفوه في طوباس بس ما أعدموه اليــ ـهود

■أحمد كابتن ولعيب كرم قدم قد حاله في دوري المحترفين وهداف في نادي طولكرم

■توفى مبارح طفلين اخوة مع بعض مايا وفارس بنورة من بيت ساحور ،بعد ما تسرب غاز سام لبيتهم والشرطة أخلت المنطقة كلها.

■توفى راجل خليلي شهم وجدع اسمه عبد الرؤوف المحتسب صاحب أغلى دار في فلسطين، دفعلوه 100 مليون دولار $ من جمعيات المستوطنين، وقال "برفض كل مال الأرض و ما بخون شعبي"

■بنت في الأردن عمرها سبعطشر سنة قتلت 3 أشخاص من عليتها طخ بالمسدس

■وحدة تونسية أعلنت انها حتتجوز من اتنين رجال مرة وحدة ونشرت كرت فرحها ،أبصر بأي خروف حتبلش بالأول؟

■ع فكرة أجا المنخفض و مرَّ بسلام ومحدش حس فيه

■واحد من غزة باع ذهب مرته لمحل مجوهرات مشهور عشان يتجوز عليها الثانية ونشر الفيديو

■وقفوا مبادرة شركة هلا تبعت ال (35 $) للمسافرين من القاهرة لقطاع غزة

■الجو حيضل بهدلة زي هيك وقلاب من هان لآخر السنة ع ذمة جماعة الطقس

■طبعا كل السلطة والفصائل ما قدرت تضغط لتحرر جثمان ناصر أبو حميد

■يوم الأحد الجاي اجازة رسمية عشان أعياد الميلاد للمسيحية الغربين

■الجاج الكيلو بتسعة شيكل ونص و3 علب فراولة صغيرة بعشر شيكل

#صباح_الخير والسعادة والرزق
لو وصلتكم النشرة اليوم ابدوا يومكم بذكر الله ..
الخميس 22-12-2022 م🌹

#أخبار_عالريق 1189يوم
✅️يكتبها / #سعيد_الطويل

▪︎ضايل أقل من 100 ساعة للأسف ويخلص الصيف إللي فرفح قلوبنا وأبسطنا وكيفنا ومر علينا زي النسمة عالسريع

▪︎اليوم فتح مكتب التسجيل لفيزا تركيا من أول وجديد بس بشروط ثانية

▪︎اليوم أول يوم بأعياد أولاد اليهو.دية ، حيعملوا طقوس استفزازية بس متوقع انها تمر مرور الكرام

▪︎المنحة القطرية حتنصرف ان شاء الله من هان لآخر هذا الأسبوع

▪︎في خطر كبير على حياة 1100 مريض بالفشل الكلوي، منهم 38 طفلاً عشان في شحاح بالمواد الطبية بغزة..الله يكون إلهم معين

▪︎ع كلام وزير الزراعة ..حيكون إنتاج الزيتون هذه السنة أقل من السنة إللي فاتت بكثير

▪︎بلشوا حفر و نقل بجثث الميتين من مقبرة التوانسي بالشجاعية ،عشان يعملوا مكانها مدرسة للبنات

▪︎إذا معكاش علم ..46 يوم ورا بعض الأ.سيرين كايد الفسفوس و سلطان خلوف مضربين عن الطعام بالسجن

▪︎ أكثر من 9 آلاف نفر لسة مفقود في ليبيا ، والدفع الجماعي لسة شغال

▪︎بتقدر تقول انه سعر الخضار بالسوق صار تقريبا نفس سعر الفواكه..وعادي ضلك اقدح جوافة

▪︎ع قولة #أبو_فؤاد بيقلك ساق الله ع إيام زمان
لما كانت النسوان هي بس الي بتنقل الحكي😉

-صبية وأمها مريضات سرطان بعيد عنكم ..محتاجين حيسافروا للعلاج هذا الأسبوع، نشرنا مناشدتهم وللاسف ما تم الاستجابة حتى اللحظة

فش حاجة أحسن من انك تصحى من النوم تحمد ربنا انك صحيت بخير وصحتك تمام وعيتلك حواليك وقلنالك من زمان ضيق في الرزق أحسن من ضيق في التنفس ...و #الحمد_لله على كل حال ..والله يعطيك تيرضيك
-جاي بلاغات جديدة عالصفحة تقصروش معانا بدعمها ويخلف عليكم
#يسعد_صباحكم🌷
الأحد 17-9-2023