على خويي مايغظلــــــــم حجاجي
ليا قال قم سو الغرض قمت اسويه

إدري خويي مثل مدرى السراجـــي
ادناة نسناسً من الريح تطفيــــــــه

راكب الي لاعطــا الخط امتساوي
تعزف اقزوزه لحن راغـــب علامه

لانحدر ياخذ من السيــل النحاوي
يوم ياخذ من طرف حيد العدامه

سايقه مطنـــــوخ لاسمع النخاوي
قام يومـــــــي بلعقال وبالعمامـــه

سرقتنــي من بين كل المخاليق
‏عوفتنــــــي كل البشر والحقيقه

‏نظرة عيـونك تبعد الهم والضيق
‏خلت عيـوني تعشقك في دقيقه

نعنبوا راسن تعشعش فوق راعيـه الرخامه
ماتجــــــريه العــــــزوم وما تحركه الحميه

والله ان مايلحق الرجال فـــي ربعه ملامه
دام مايلحق رجال العرف من صوبه خطيه

خلك بحــــــر ماتعرف الناس سره
لوهاج موجه غبته تستر الســـــــر

وحكــــــم بعقلك كل كلمه تمـــــره
لاينطــــق لسانك على كل مامــــر

للصمت وقت وكلمة الحــــق مــره
كم كلمه جابت لمـــــن قالها شــــر

لاتشيل فـــــي قلبك من الكبر ذره
من يحقر العالم يجــــي يوم يحقر

جميلك يشوفه من يشوف الجمايل دين
يحفظ الجمايل وفعل طيبك نصب عينه

وتضيع الجمايل فــي ردي الوفاء والدين
لو أنك تصب السمن فـــــــي راحة يدينه

الناس فــي تالي الزمان التالي
طبوعهــم واوضاعهـم مختلفه

حتى الرفيق اللي رفيق وغالي
تدرجه كنـــــــــــك تدرج خلفه

الرفيــــــــق اللي كلامه مايصونه
المجامـــــــــل بالخطأ مهو بدايم

يحسب اني مقطع الفرجه بدونه
ناسيين من علمــــه قطع الخرايم

يادرعنا لا انقادت الخيل للخيـل
ويارمزنا فـ المعضـــلات وجملنا

بك نارد الماء ونتحدى الرياجيل
جعل الليالـــي فيــــك ماتمتحنا

يسمى الجبل راضي وراضي مثل سنجار
ركـــــونه ذرى للخــايف وفيتـــــه فيـــــه

ياراضي ملكنا طيب راســـك وحنا أحرار
وش نقول ياراعـــــي الكفـــوف الرهاويه

جميلك ترى مهوب فــي بطن ابن نصـــار
جميلك على سبيـــــع الـ علا والحـــداريه