لاتخاوي غير من يحفظ حقوق الخوه
خوة اهل المصلحه تكفى تجنب عنها

وان حداك الوقت لاتنصى قليل مروه
دور الي يحترم جيتـــــــــــك ويثمنها

وانتبه والطيب باللي يستحقـــه سوه
لاتروح الطيبه ويروح قسمـــــك منها

رفعناك فوق وأثرك مامنزلك بـــ فوق
شفننأ عيــــونك صوب رجلك ونزلناك

ورحنا وخليناك عند القفاء مفهـــوقق
وتالي عهدنا فيـــــك من يوم خليناك

ياحلو المعنق والسوالف وحلو الصوت
لون إن الســــــــوالف بالتغنـــاج ذباحه

تغار البنـــــي من طلتك والتمر والتوت
ياروعة الحسن الطبيعـــــــي ومصباحه

الزمـــــان الصلـــف وفا ولا كفا
والعرب لا طول الصمت هراجه

والرفيـــــق ليا خذا حاجته قفا
لو يروح بعيـــــد بترده الحاجه

الحـــــــر حر وله مواقـــــــف وينهاب
والـــــــلاش لاش ولاحسبنــــا حسابه

ماكل صاحب ندرجه ضمن الاصحاب
ماندرج الحصنـــــــي بصف الـــــذيابه

رح علـــــم الوقت قله لايعلمنـــــــــي
الليله الوضع ماش ونيتـــــــي مســرا

مازعلنــــي الوقت ميــر اللي مزعلني
اللـي مقامـــــه مقام وخـــــوته تشــرا

قــد قلت ميده ليامن ضقت علمنـــي
والظاهـــــــــر انه بغاء يعلــم بها وزرا

رفيقـــــي اللي اخبــرك وانت خابرني
فــ الليله الموحشــــــه والليله الغــدرا

ان كنت منتب على الصكات ذاخرنــي
ولحر شمســـك وقو ضروفــك القشرا

ان شفتنـــــــي قدم عينــك لا تكلمني
ماني خـــــــوي السعه والليله القمــرا

دام الوطن متلبس ثوب الاسلام
‏فالشعب باذن الله في خير وامان

‏متلحفين الستــــر مانعبـد اصنام
‏ولا عطينا عهــدنا غيـر سلمــــان

‏حتى علمنـا غير عن كـــل الاعـلام
‏وانحن لبيت الله عمدان واركـان

تدري متــــى ترتاح وتكون في خير
لاصار مالك قلب يحقـد على الناس

عش ف الحياه ويرزقك رازق الطير
ولغيــر رب الناس لاتخضع الــــراس

الفقــــر والفرقى وقل التوافيــــق
تقضي على الرجــــال باول شبابه

شفهــــا تراها دايمن فالمطاليـــــق
لا جــاك شفتــه ضايقن مـــن ثيابه

يفطن له اللي جرب العسر والضيق
ولا الردي فـــــــي غفلته ما درى به

حنا ندوس المال دون المواجيب
يومً راع البخـــــــل ما ينغزاى به

واللي ورانا يلحقـــون المشاهيب
ناسً تلها با الردى واهـــــــل عابه