ياذروة مكاسيب العُمر وأكبر أطماعه❤️

قربها مثل الحياة الرغيدة للشعوب
‏وبعدها مثل الجمايل ليا راحت سدا

أيّ فرصة تسمح إنك تلتقي بي.. إغتنمها
‏ماورانا إلا القبور، اللي ماندري وش وراها

أنتِ اليقين الراسخ اللي مايشوبه إحتمال
‏وانتِ الثواب اللي تجلّى لي بعد شـدّة صبر

‏من حقّق الله حلمه ونالگ رغم أنف المُحال
‏يستاهل يعيش الحياة وبـداخله نشوة نصر

كان آخر اخبارك تجي في زيارة
‏يا ليت تدري يوم موعدك وش جبت

‏أذكرك قلت؛ —السبت— وطال إنتظاره
‏مرّت علي سنين.. ما مَرّني سبت

على طارف لساني ياكم مات حكيٍ زين
‏ياكم جيت اباقوله وعودت ماقلته

‏ذبحني شعور الخوف والظن والتخمين
‏وشعور اني اهوى شي وابطيت مانلته.

‏خبني بين الضلوع إن كان ما فيها كلافة
‏ما دخلت إلا على شيٍ أبيه ، و فيه شفّي

‏جيت هارون الرشید اللي بنى قصر الخلافة
‏والله إن الشوق فاضح لو أكابر به و أخفّي

‏معك ما استصعب محال و ما توقفني خرافة
‏لـ الصبر آخر ، و أنا دايم معك صبري مكفّي

‏كنت أوصي لك هبوب النود من بُعد المسافة
‏لـ الديار اللي خذاني ساكنيها .. بـ شوق لفّي

‏كل جرحٍ كنت أخاف أبكيه ما أظني بـ اخافه
‏و كل عمرٍ ما نعيشه بـ " القناعة " ما يكفّي

‏جيت شايل وسط كفّي ألف رهبة و ارتجافه
‏ما دريت إن الأمان يعيش عمره وسط كفّي

‏لا يروح العمر من غيرك تناهيد .. و حسافة
‏و كان ودك بـ المفارق ما انخلقت ألحق مقفّي

يالله عسى بيت الكرم والمواجيب
‏ يبقي عزيز .. وشامخاتٍ ركونه

لا تهابين الليالي .. والله إنك في ذرى حضني وأمانه

أحنه من الدنيا و أحبه نقا و أغليه
‏وهو بالغلا عندي يجي بعد شيباني

‏واداريه حتى من النسانيس لا توذيه
‏واخصه بدعواتي لاصليت وانساني

‏له عهود قلبي تالي الوقت وماضيه
‏ما ابدل مكانه لو يقفي ويجفاني

‏بعوّد على العزله واردد قصيدي فيه
‏وهو لو قسى وقته بيرجع ويلقاني .

قد يكون انتصارك انك كل يوم تصحى
‏وانت تدري بأن
‏" مضى شراعك بما لاتشتهي رياحك "
‏مع ذلك همك قهوه موزونة

توسد غيمتك وأغفى على الرمضا ولا ترتاب
‏ وحاول .. قد ما تقدر تعيش بهالزمن راضي

‏تغاضى عن خطاياهم ولا تزعل بدون أسباب
‏يقال إن تسعة أعشار السلام تعيش متغاضي

كثر ما أنشرح صدري وأنا أحطّ عيني فيك
‏ تقول إن جنبي شيخٍ . . يوصف لي الجنَّة

ودّي اضحك من بعد طول المعاتب و التمادي
‏ضحكة اللي يضحك مْن أدناة حاجة من حفيده

انا اموج في يمّ وتعاظم علي اليمّ
‏لو امدّ يدّي لـ طوق منجاه ينجيني

‏اسبّح بحمد الله ولاادري وصلت لـ كم
‏لو ادري وقفت وكنّ ماقلت يكفيني

‏يمر الجفا من بنت خال لـ بنيّة عم
‏ولاالومهم محدٍ لمس حر مافيني

‏يشوفون في نفسي غرور وثقالة دم
‏وانا لو خذوا من شنطتي شي يبكيني

والله ما املّ مْن إسمي اللي يناديه
‏لو النّداء … ما بينه الا ثواني

‏حتى لو انّه ما يبي شي اسويه ؟
‏يرضيني، لا استاحش لحاله دعاني

شيمة الانسان ميزان .. اعتداله وانحرافه
‏تنذره ، لا شافت الاوضاع ما هي مستتبه

‏إن عجزت إنّك ترد النفس عن شيٍ تعافه
‏ماقدرت تحطّ نفسك فالمكان اللي تحبه

خلاص ابرخي قبضتي واترك شراعي لـ الرياح
‏سلّمت اموري لـ اللي بـ أمره تساهيل الأمور

رحلتي جدّ ؟ … ولاّ ما تركتي طبعك المزّاح ؟
‏انا للحين اكذّب … واقع الدنيا ، و تأثيره

‏شعوري يوم جالك حظّ مع غيري واخذك و راح
‏قصيدة شاعرٍ مغمور .. و أنتشرت بـ إسم غيره