و مواري غلاك تبين في وجه من يغليك
‏ليّا مر طيفك في خياله بانت الضحكه

في ليلة ٍ.. كان القسى أوّله ِلين
‏أزريت أكون لـ زلة البال .. دامح

‏وشلون بروي جرهد الروح في حين
‏لي قلب من وبل المراويح سامح

‏إختلّت أنسام الهوا ، والموازين
‏والصبح ، والقلب الرضيّ المسامح
‏
‏ تغيرت .. حتى المرايا من البين
‏ما عاد تعكس فالوجيه الملامح !

انتي الصباح اللي انخفض له من الليل
‏جناح ... لو منك ( الدُنى ) تستلف ضي

‏و انتي السند و العزوه ان طاح لي حيل
‏( و الا انجرح لي قلب و احتجتك بشي )

‏و اليا ضما لي ريق ... ( حنيتك سيل )
‏و لي دون رمضى الوقت فـ مقابلك فيّ

‏و انتي الثبات اليا لحق خطوتي ميل
‏و الحيله انتي .. لا وقفت اصفق ايديّ

‏يا معجزة دنياي .. ( كفينك تشيل )
‏سربٍ من احلامي يغطي جبل طي

‏و صوتك بـ حبله ( علق السعد قنديل )
‏لا طاف سمعي صاح لي نبض ( هي هي ) !

‏كل ما الليال القاسيه .. تبخس الكيل
‏( توفي لي بـ مكيالها .. و اكثر شوي )

‏سماي لا قمت ارقب الغيم و اخيل
‏و ارضي .. لو اني بـ حاجهٍ منها لـ ري

‏تأقف يميني .. في وجية المقابيل
‏( بابٍ مشرع درفته ) .. بالوفا لي

‏و اكبر نجاحاتي لها .. دون تظليل
‏( الفارقه اللي مالها .. بالبشر زي )

‏وصلت ؟ لْانها في سما عمري سهيل
‏( نجمٍ يقديني …. و لا يلحقه غي )

إن كان غيري يحن بك ويروف
‏عسى القلوب تدوم والله يقربها

‏ماني بقايل تعال وامد الكفوف
‏هذا غلط روحي ولازم احاسبها

‏ولا ينشغل بالك ولا يلحقك خوف
‏واشواقي ليا جات والله لا اكذبها

‏صحيح قلوبنا عمياء ماتشوف
‏ولكن تحس بخيانة حبايبها

‏"أنا على ما تشتهي نفسي ووين ألقى هواي
‏محدٍ يحرك وجهة شراعي على السبع البحور

‏إليا رضيت أطيّر الحاجة وأوصلها سمايَ
‏و إليا زعلت.. أخلي الحاجة دبورٍ في دبور"

عسى اللي نيّته سمحه ليا ضاقت عليه يغاث
‏" يغيثه واحدٍ يعطي العطاء ما يتبعه منّه "

"أبادلك صِمت الشفايا والاشْواق
‏وأنا عليك من الوُله شاب راسي"

لو اقدر اسرق نعمة النسيان من ذهن البليد
‏ماصرت في وجه الظروف القاسية طلَّاب ثار

أنا قررت اعيش العمر كلّه لو يدوم سنين
‏احاضي وردةٍ من حبّها ما ودّي اقطفها !

تمر الليالي وكل ليلة ازيد إيمان
‏ماضاعت ليالي من على الله لياليّه

‏ولو ضاع حلمي قلت من دافع إطمئنان
‏عوض ربي أجمل من خيالي وامانيّه

‏على الله ولاضاعت رجاويك للرحمن
‏يا قلبً خلقه اللهَ من ضلع حنيه .

قدّام تكتبني الأماني .. كتبتك
‏على جبين الجاي من دون سبّه

‏بكرة ليا منّي كبرت ولبستك :
‏بـ اكون لابستك مع اللي أحبّه ؟

أمانه لا رحلتي ودّعي قلبّي شوي شوي
‏تراني منكسر من سيرة الفرقا وطاريها

‏تراني من هذاك اليوم لا ميّت ولاني حيّ
‏ولا أدري عن جميع الناس قاصيها ودانيها

‏أمانه وش معي ولا وش اللي من غيابك لي
‏يا كود الونّه اللي ما تعدت صدر راعيها

‏على حطة يدك كل الطعون النازفه هي هي
‏بعد حتى إنشراحة خاطري مني سرقتيها

‏أنا مثل الغريب وغربة أحبابي طوتني طيّ
‏أجاهد ضيقتي وظروف وقتي ويش أسميها

الخيال أحلى كثير من الحقيقة
‏كل ماتشتاق لـ أحبابك ٫ تخيّل !

والله اني ما لمحت أشباهك بوحي الخيال
‏كيف جيت واقعٍ يكسر قوانين الظروف

يكفيك إنك شفتها دون ميعاد
‏يكفيك شمّك من بعيد لعطرها

عليك ساقتني مقادير الأيّام
‏ضايق وأدوّر في سوالفك راحة

كسرت بي غصنٍ .. حسبت انه متين :
‏و صحيت جرحٍ كنت احسب انه غفا !

‏ازعل عليك اكثر .. او ازعل ع السنين ؟
‏( اللي بـ شتاها كنت اخبي لك .. دفا ) !

‏حبيبي .. انت الجانب الحلو الثمين :
‏( اللي بـ عمره ما عطا قلبي … قفا ) !

‏امنت لك .. و انا من الدنيا حزين :
‏و خدعتني من دون لا ادري بالخفا !

‏كنت اتباهي فيك .. قِدم العابرين :
‏ضوءٍ .. ( يشب الصبح لا منه طفا ) !

‏استسقي شعورك و الوح لك يمين :
‏( و تصد .. ما كن بيننـا لحظة صفا ) !

‏اضوي و انا عطشان ادور بك معين :
‏( و ارجع و انا فوق العطش ميت جفا ) !

‏تتركني .. اسأل خطوتك ممكن تجين ؟
‏و رد الصدا .. من وين ما جاوبت ( آفـا ) !

‏احيان احسك كنت فـ دروبي ( كمين ) :
‏و احيان احسك حُب فايت .. و اختفى !

‏و احيان احسك دمعةٍ في وسط عين :
‏( كم غافلتني .. يوم انا قلبي احتفى ) !

‏حبيبي انت الجانب الحلو الثمين :
‏( اللي كثر .... ما هدّ فيني ما اكتفى ) !

عساني خفيف حضور في كل قلب اجيه
‏و جعل ما يوالف قلبي الا من يحبه

وجهي ذبل ، جسمي هزل ، وأظلم علي جو النهار
‏وبكيت من شان الهوا حرك طرف من شيلتي

‏ماهو دلع ، أنا سواليفي أكبر من سواليف الصغار
‏لكني البارح كتمت … واليوم أعوض ليلتي

‏أمسح دموعي كلما حسيت صدري فيه نار
‏وأخذ نفس وأرجع وأصيح هدت دموعي حيلتي

‏يارب أنا حالي كسير ولانيب أحب الإنكسار
‏وأكره ما بالدنيا علي شكوى تطيح هيبتي

‏بس انت ياربي لطيف وأنا ضعيف وبإختصار
‏مالي رجا إلا إليك طمن مخاوف ريبتي

والله أني في ربيع العمر مرخص لك سنيني
‏ما نبت للعمر زهر إلا عشانك .. تقطفينه