كل ما تفك الشمس يدها .. تلبس العتمه عباه
‏تقفي .. و تـاخذ بعضها .. ما كنها كانت هنـا

‏و كل ما بدا للصبح جرّة قلت حيّ على الحيـاه
‏اللي تلوح لي بـ صوت عيالي .. بـ هيئة سنا

‏اليا البسو ثوب البياض و زدت بـ اصغرهم غنـاه
‏و شناطهم مزحومة بـ مليون حلمٍ .. ما دنـا

‏استودع الله اقصر خطاويهم .. و انا خوفي حصاه
‏كل ما اسلكو دربٍ جديد اطيح .. يااااا حُب الضنا

‏شيٍ عجزت افسره .. مدري عجزت ابلغ مداه
‏فـ اللي ليا جوني يشيلون السعد .. غاب العنا

‏و لا احدٍ سألني عنهم اضحك و الشعور يصب ماه
‏بالمختصر هم نسختي لا احترت مدري مين انا 🤍🍀

لاتلوموني ترا معظم أحلامي سراب
‏أنا ناقصني سعاااده و فايتني عمر

يوم اقفوا بنعْشك خليين القلوب
‏كانوا يشيلونك عشان تظْلّهم

‏ليت النهار اطول من لسان الكذوب
‏على الرجال اللي بعدك ، الله لهم

‏قومٍ على فقدك محاجرهم تذوب
‏والله ، ما الوم الصبر يوم يملّهم

‏استاحشت حتى المباني و الدروب
‏متّ ، و تقول الناس ماتوا كلّهم

تحررت من قيد المحبة وقيد الشوق
‏ وتقيّدت في شعري وفي القهوة المرّه

أنا بَيْن أتعلَّق في ديَارك.. والزعل سيَّار
‏وبيْن تمرّ في عيني رضا، وتشدّ تفكيْري..

‏أخافك كلّ ما هبَّ الهوَى وارتابَتْ الأشجار
‏مثل ما أخاف لا طال الوداع؛ ألقاك مع غيْري!

ترى حتى هروجِك فالسّحاب وفي هبوب النود
‏أنا ما أصدّ عنها.. لو تصدّ أيَّامنا عنها

‏تذكَّرني إليَا مالت حياتي؛ مع ليَان العود!
‏وعلَّقني: (سنينٍ) في رجاوِي عينك (أرهنْها)

‏عساني لا وقف عمري ما بَيْن النار، والبارود
‏أدَاعِب وَجْنتك.. لين الحقايق «تأمِر، وتنْهى»

الليلة ترى ليلــة شعــر !

أذكرك و أذكر تفاصيل الوله و الحنين
‏ حتى لوّ ان الليال بـ غيبتك ناكره

‏وشلون أبنساك يا عشقٍ بقلبي دفين
‏وانت المشاعر معك ممتنة و شاكره

‏صحيح انا الساهي النسّاي في كل حين
‏ " الا معاك انت ما خانتني الذاكره "

أحبك كثر ما ناظرت وجهك نظرة إعجاب
‏أجدد كل يوم العهد فيه وما أبغى الفكّة

‏أحبك لين أموت ولين أعود للتراب تراب
‏لو إن العمر صكات الليالي فيه مشتكة

‏حبيبي لو تضيق الارض وصدور العباد تضيق
‏يعز إنك علي مْن الزعل تقطع مراسيلك 

‏عليك أخاف من جرح الكلام و لوعة التدقيق
‏وأحنك من قساي ومن قسى الايام و آوي لك 

‏لك الله ماقدرت اسلا بعدك ولا قدرت أطيق
‏تفاصيل الحياه اللي مافيها من تفاصيلك

‏حاشمه عن سوء ظن و حاسبه من طيب فالي
‏ ادري ان قلبه حنون .. و ادري ان روحه نبيله

‏لو تهب الريح من همي على صدرً شمالي
‏قصّر البال الطويل و اصبحت نفسه ثقيله

‏و لو يجي غيري مكاني ما يجي غيري بدالي !
‏"و لو يحبونه جميعاً — ما يعوّض حبني له "

‏تعال ،، بـ ندوّر لـ زلاتك ( أعـذار )
‏وان ماحصل ، بدفع بدالك ثمنها

سلى منه الضمير ولا بقى له فالحشا مقعاد
‏عفى الله عن بقايا لهفتي و ايامي و بوحي

و المشـاعر كلها لك عانيـة 🤍

‏معك لو يطول العمر قلت السنين أيام
‏و بدونك أمّل الليله و ما تعداني

‏وجودي على وقت اللقا يانديم العام
‏و نديم الليال البيض كان الله احياني

‏والله أن صدري معافى وخافقي نظيف
‏لو أشوف الحزن في عين حسادي زعلت

‏الملامح بعض الأحيان تظهرني عنيف
‏ولا أنا بالكلمة الطيبة ما قد بخلت

‏أقبل بوجهٍ يشرّف ومنطوقٍ عفيف
‏ولا لقيت اللي ينقص من حضوري رحلت

‏اتعدا عن عيوب البشر كنّي كفيف
‏وأن تبين شي للعين جنبت وغفلت

في قلب روضه لك مكان و قصر على مد النظر
و ارواحنا دامت على الذكرى وله متعانقه

في وحدتي احتاج لك وانسى انا كل البشر
واشوفك بعين الفرح ما دام روحي ضايقه

تضيق بوجهي الدنيا و الاقي في رحابك باب
‏و احسك مثل شيٍ كان ينقصني . . و كملته

‏اجي صوبك و انا لوجهك يسابق وجهي الترحاب
‏و اشوفك مثل نجمٍ فالسما كم لي تخايلته

‏حبيبي و المدى حاِلك و انا في غيبتك مرتاب
‏ولا غيرك هوى قلبي ، و من قلبي أنا نلته

‏أنا ودي أقضي باقي العمر " طالب ثار "
‏و لا أطلب محبة مقفيٍ شدّت رحاله !