سولف ، يهون الوقت عندي ولا هنت
‏معاك لحظات انشغالي .. ثمينة .!

‏وشلون ماحبّ السّوالف معك وانت :
‏شايل على صوتك .. شعور السكينة !!

هنا يشهد سكوتي أنّ صمتي طال بالهوجاس
‏وهنا تشهد زوايا غرفتي بالحزن والوحده

‏يمرني طاري الفقد ، وأنا أتلحفه باليأس
‏وأمر أقسى مراحل عمري الميؤوس من بعده

‏وأنا ماني بخايف ليلةٍ بها تختنق الأنفاس
‏أنا خايف يغربلني شعور الفقد والوحده

خجول وعيونه ، تسولف قصيد وكلام
‏وعدته / أقدّر أحساسه وقدّ الوعد

‏أنتظره ينام وأرسل له ، أحبك وأنام :
‏عشان لامن صحيت أشوف / وأنا بعد

حتى لو إني ممتلي ضيقه و ياس
‏ما أحب أبيّن ضيقتي و إحتيآجي

‏من حبّني يفهم شعوري بالاحساس
‏لو كنت مستانس و مطلق حجاجي

‏مرّات احس العزله اتهدّم الباس
‏و مرّات أحس انها دواي و علاجي

‏و أنا مزاجي عندي ابدا من الناس
‏عادي ازعلهم . . و أرضي مزاجي

ودّنا نْغيب غيبة .. ما وراها حضور
‏مالقينا : من الأحباب .. غير التعب

‏كم تبعّثر : كلام .. وكم تبلّد : شعور
‏كم من قْلوب سامحنا وطاح العتب

‏المواعيد عدّت ، والصدف ما تدور
‏ودّنا في لقاهم ، بسّ " مالله كتب "

‏لو علمنا : بما تخفيه .. عنّا الصدور
‏كان ما شفت لك كاره ، ولحدٍ يحب

مالله كتب لي بقربك يا حبيبي نصيب
‏وش عاد نقدر نسوي هذا حكم الزمن

‏كانك بدوني وحيد وفاقد لك حبيب ؟
‏أنا بدونك غريب ! وفاقد لي وطن

لو يهوّل فالشعور، ويصدّ عني صدّ عايف
‏ماقدر يمحي وجودي لو بغى عمره يعيده

‏والحنين يْشوّفه زولي لو انْ ماهو بشايف
‏فالزقاير .. في زوايا غرفته .. ماني بعيده

‏أدري انّي كل ليله بينه وْبين الحسايف
‏يوم يذرفني دموع ، ويوم يكتبني قصيده

أحب الماضي من عمري وأحب الجاي به أكثر
‏لأن اللي مضى يصنع .. سنينٍ مقبلة تغنّي

‏عن اللي راح من عندي على كل بابٍ اتسكّر
‏أشوف الخيره من ربي على ما بعّده عني

تعبت من الدروب اللي خطاويها بلا توجيه
‏ومن الغيّ و مشاويرٍ .. ولا تستاهل الروحة !

‏أنا ما عاد في صدري تساؤل أكثر من الـ ليه
‏ومرايا دمعتي كانت حكاية جرح .. مشروحة

‏تعالي في مواعيد الجروح و ذكريات التيه
‏أنا لي ذاكرة لو هي تناسى .. ليه مجروحة

أحس إني كبرت و بيَّن بطبعي مدى التغيير
‏فلا هذا هُو إحساسي ولا هذي هي أطباعي

‏بديت أتعمَّق بنفسي ولا أهـتم لـ كلام الغير
‏يقُولون الهوى غفله و أقول إن المدى واعي

‏قدرت ألقى على الدنيا دروبٍ تحتفي بالسير
‏ترحِّب حيل بقدومي و تشره لحظة وداعي

أسافر من محطات الخيال لـ وقفة التفكير
‏واغني باللحون اللي صداها يطرب اسماعي

‏جناحي ذكرياتي والسما فكره و أحب أطير
‏كرهت الواقع الي يحبس افكاري في قاعي

‏"كثر ما كنت أخاف المفارق صرت أشوفه خير
‏مثل ما كنت أخاف البحر .. قبل اطلق شراعّي"

إذا إنك بخير .. أنا بعد ماعليّ خلاف
‏ تخطيت مرحلة الجفا الإنتقاليه

‏ياحيّ الفراق وقسوة الظلم والإجحاف
‏ولا وصل .. من شاف أوله عاف تاليّه

‏لا تفرح بكسر الخاطر إللي عليك يخاف
‏ترى أحيان كسر الشي .. يزيده جماليه

‏أنا من تعودت أسمع أسمي بصوتك حاف
‏وأنا داري إن حبك على أخر لياليّه.

تمرّك دورة الارض .. و خطاوي العابرين كْثار :
‏و على رجوى يمرونك ( ربيعك كم زهى ورده ) !

‏جلست و نظرتك ترقب و في قلبك زحام اعذار :
‏تواسي نفسك بـ نفسك ( حبيبي ما نسى وعده ) !

‏لو ان العمر فات .. و ماتت اللهفه بدون انذار :
‏و شتا الوحده سكنك ، و يا قساه و يا قسى برده !

‏تحاول قد ما تقدر ... تبي تفهم وش اللي صار ؟
‏و يمر الوقت فيك و تكثر اسألتك من الوحده !

‏و لا تلقى الجواب اللي يطفي في .. فؤادك نار :
‏و ساعات انتظارك ( تطعنك ) و تزيد بك حِده !

‏كذا لييييين اتأكد بـ انهم خلوك .. و انت البار :
‏هذاك اللي كبر .. وافي لهم ... و اختارو الصده !

انا ماجيت ابي منك حياتك.. والسنين عجاف
‏انا جيت وحياتي في يْدي تستأمن كفوفك

كذَّبت الايام لكن السنين صدقَت
‏مواجع الروح تبدا من سهر ليلها
‏ٰ
‏في معترك ذكرياته انهزمت وبقت
‏أشياء عيّت تسامحني تفاصيلها !

ألمَس حنانك في يدينك ، و استريح
‏من وين ما يوجعني ؟ يدينك تمسَحه

‏هان التّعب .. لأني إذا فكرت اطيح
‏اتذكر إنّك فـي حياتي ، و انزحَـه 🤍

انا ما اعلن عنادي .. لا ولا ابدي غرور
بس صار الامر عادي .. غيبتك مثل الحضور !

عندي يقين ان الليالي المقبله ماهيب سود
‏انقى من قنوف السحاب اللي تلوح بروقها

اخاف اتمادى في سؤالي تثاقلني
‏و اخاف اتمهل تحسب اني تناسيتك

‏انا علتي اني فوق ما انتَ تخيلني
‏احبك ، و لا تدري لـ هالحد حبيتك

‏يا وجهًك ما بين الناس من يوم قابلني
‏و انا احب حييك و اترحم على ميتك

‏عليك الهيام اللي خذاني يقولني
‏قصايد قوافيها لك و بيتها بيتك

‏لو أن الوله على غيابك مزعلني
‏يراضيني اني للتوافيق خليتك

فقدت أكثـر من اللازم دموع، وعافية، وأحلام
‏وشعور، وأحباب، وزهرة شباب.. فـ ليلةٍ وحده

‏أنا ماصرت أخاف أفقد وإذا ضاقوا عليّ؟ مانام
‏أنا اللي مافقدته؟ صرت أتدرب على فقده

‏أنا الليلة؛ نتيجة الفقد، والتصديق، والاوهام
‏وجرحٍ في حياتي ما يبريه آسف وورده