سقى الله خد عدوان أبتساماتك غيوم دموع
‏حبيب أيام عمري هي ملاذ الروح ضحكاتك

‏تبسم وجهك و تبدا تبسم في حشاي ضلوع
‏وتصب الدمع عيني بس تلمح برق دمعاتك

‏ياودي عنك اخذ كل آه وكل جرح و لوع
‏ولا أسمع لين موتي قبل موتك صوت وناتك

‏هجرت النوم مابين الوله والعالمين هجوع
‏و بين إني اصبحني بوجهك و بصباحاتك

‏معاك الساعه بلحظة ودونك ساعتي بأسبوع
‏تتل الروح روحاتك ، ترد الروح جياتك

‏تبعتك رغم عسرات الظروف و قسوة الممنوع
‏وانا ادري ما جذب روح العنيد الا عسيراتك

‏ولا ماتت بي اللهفه ولو حبل الأمل مقطوع
‏ولو ما كنت أنا أول .. فـ انا اخر محطاتك

‏لقيتك لي وطن واحباب و اصحاب و أهل و ربوع
‏وفديت بمن فدا شوفي بعمره عمر شوفاتك

‏الا يا قطرة الضامي و زاد اللي ذبحه الجوع
‏عن الواجد مع غيري تكفيني شوياتك

‏أنا أحبك غصب عن عين قلبي ما أحبك طوع
‏انا أفهم منّك طبوعك و انا اقرب منّك لذاتك

‏انا من قبل احس إني احبك وافهم الموضوع
‏دروا هالناس و بعيني قروا سيرة حضاراتك

‏فدى الله في عدوين ابتسامك راسك المرفوع
‏ عساني ما اخلا من ضحكتك و دموع شماتك

تهب بعز صيف الله وانا جنبك هبوب النود
‏عساني ما اخلى يا قبلة الله منك قبالي

‏سواليفك مطر قلبي يورّد في حشاي ورود
‏على فالك تسولف ليّ و انا احبك على فالي
‏
‏اشوف الزود بك لكن عجزت ادل وين الزود
‏واشوف عيوبك اللي في عيون الناس تحلالي

‏تهب بفوحة المعمول حولي مثل كسرة عُود
‏و لا غيرك من العالم على ذكره خوا بالي

‏لقيتك مثل موتي ماتجي الا في يد المعبود
‏ولو بأجيك انا ساعي يجوز تكون غربالي

‏و انا القانع شعور اللي يظن الجود بالموجود
‏طمعت بقلبك اللي ما أظن انه يهيالي

‏مشيتك و ادري انك درب مظلم واخره مسدود
‏غبارة غيرةً حمرا و غيثه دمع همالي

‏و حبيتك رغم ما بيني وبينك عذل و قيود
‏رغم كثر امنياتي صرت احسك أول امالي

‏وكل مره ذبحت الحب في قلبي رجع مولود
‏مثل غيرك صعب جداً اشوفك تخطر قبالي.

أمانه .. كلّ ما تذكر مشاوير الغرام المنتهي
‏تذكّر كلّ عثرات الطريق اللي قضى بجروح

‏مصير الشوق يتلاشى مع ايّام العمر وبنلتهي
‏تنبّه لا يحسّسك الحنين ان اللقاء مسموح

‏فمان اقدارنا اللي عاندت رغباتنا وما نشتهي
‏كتب ربّي علينا .. نلتقي يوم ، و بيوم نروح

وعلى كثر ما بقلبي من جروح وندوب
‏يا كثر ما أضحك وكن الحزن مني بِري

‏لعل ربـي .. يعوضني بوجهٍ طروب
‏شخصٍ لعيني على صكات بقعا جِري

‏يخشى دموعي مثل خشية وقوع الذنوب
‏معاه ما يسبق الرغبة شعور الجري

‏"يلبّي الحاجة بنفسي قبــل مــا تـذوب
‏من زود طيبه يستحي لا تقعد بخاطري"

اشتقت لك كثر شوقي لابتساماتي
‏اللي سببها سوالف بينك وبيني

‏فيك البدايات تولد من نهاياتي
‏كل ما نويت أبتعد قربك يناديني

‏يا اغلى طموحي و غاياتي و نياتي
‏ياسري اللي حيا ما بين ضلعيني

‏" يا حاجةً لا حصلتلي عفت حاجاتي "
‏و يا اعز قلبً مابين قلوب غاليني

تهلّي في خطاويك النسايم و السحاب يهل
‏واغني لك بصوتي بين . . براقه و رعادّه

‏شعورك بـ الزهر فايح و شعرك بـ المطر مبتل
‏ووجهك عادته يفتن .. وانا مفتون كـ العاده

من بغى قربك يسوي المستحيل
‏و من يشوف انك خساره اخسره

‏لا تنادي من بغى درب الرحيل
‏ابتسم له و في رحيله اشكره .

أسافر بوجهك واعرف الدرب والعنوان
‏هو أجمل محطاتي .. ولا لي غنى عنه

إن ضاقت أيامك وتحتاج تغيير
‏لا تظهر الأوجاع ، والحزن خبّه

‏دايم تظاهر لـ الجميع إنّك بخير
‏أقل حاااجه .. لو عشان الأحبّه

‏مافيه حاجه تستحق الحزن غير
‏وفاة غالي ، أو مرض من تحبّه

وقفنا على باب الأمل وقفة المحتاج
‏ورجينا كريمٍ ماهوب يصك بيبانه

‏عسى مِقبِلات الأيام .. يسر ورخا وافراج
‏وعسى ما مضى يمحيه عفوه وغفرانه

حفظتك بقلبي وأنا قلبي كسير
‏كان الأمل في قلبك وقلبك قسا

‏أجي لك بقلبي عتب ثم أستخير
‏وأرجع وأنا قلبي رمى اللوم ونسى

‏أنت تغفى عينك وأنا أسهر ! مايصير
‏ماغمضت عيني صباح ولا مساء

بسولف لك ! لو انك عارف اللي صار :
‏و بـ افتح لك يارب .. كفوفي الثنتين !

‏ابي قارب ليا ابحرت بـ مداه و سار :
‏يعبر بـ حيرتي .. لا أغرق بـ دمعة عين !

‏ابـ القا في كرم جودك يارب .. اعذار :
‏انا اللي عن قسا الدنيا قصدتك لين !

‏( جلست و من ورا ظهري الحياه إعصار
‏و يقيني .. لا وقفت ان الحياه .. تزين )

حاولت اواسيه في حزنه على ان حزنه :
‏شتتني اكثر من شتاته ... و هو عارف !

‏اللي خذا غيمته ... و اقفا : معه مزنه !
‏تركت له بالخفا باب الوصل .. طارف

أنت وصلك في خيالي على كل الوصال
‏ ماله الا اسمين يـ اما رضا ولا جبر

‏غيرك يحاول ولا له على قلبي مجال
‏وأنت حبك قد تمكن في القلب وعبر

‏وان قلت عطني على قولك مثال
‏قلت معطيك الحنايا .. وزايد لك شبر

‏وان سمعت القول بين الحقيقه والخيال
‏ قلت أحبك فوق كل المحبه والامر .

وشلون ما اضحك وانت من دوني ذرى ؟
‏و ايدينك الثنين .. من دوني .. سياج !

‏يا وجهٍ ( الجرح انتخى فيه ) .. و برى :
‏و السعد يقبل معه من شتى الفجاج !

‏خطوة قدم رجلك .. ( يقبّلها .. الثرى ) :
‏و في يدك حتى الما ( مطر ) .. لو هو هماج

بين هقوات المشاعر ونظرات العيون
‏كل شفرات المحبه مثيره للجدل

‏لاتضيعك الهقاوي وتخلفك الضنون
‏تحسب ان الوضع عادي وللفاقد بدل

‏وين ابلقى لي مع اللي يروحون ويجون
‏قلبً ليا راح يرجع واذا مال اعتدل

‏المحب اليا تعدا محطات الجنون
‏لو يدلونه على الدرب لايمكن يدل .

لا من زعل كنّه محمّلني ذنوب
‏وإذا ضحك كنّه يسوق البشارة

روّحت عنه ، و خاطري فيه لا زال :
‏و صوتٍ يصيح بـ وسط صدري تصرّف ؟

‏اللي و انا امشي عنه ما رفّ له بال :
‏حتى قفل للوصل .. ( بـابٍ مطرف ) !

ادري انك ف اللزوم المعتبر متواجد
‏خابرك سيفٍ شطير و وقفتك ضامنها

‏لا تقول . . اني تعديتك فـ امور واجد
‏والله اني ذااااخرك لـ أمور اكبر منها

بعدك ، انا المشهد اللي صعب تصويره
‏وتمر الأيام . . و أوضاعي هي أوضاعي

‏مشتاق لـ الليل و الشرهات . . والغيره
‏ومشتاق لـ أسئلتك اللي مالها . . داعي :)