هلا يا أعز وأغلى كل من ودّا الزمان وجاب
‏هلابك في خفوقٍ فرّغ الخلان من شانك

صاحبي ، مامرّ يوم إلّا ولك جيّه وروحه
‏وش بقى غير الطيوف اللي لها قد ومكانه
‏ ٰ
‏كنت أقول إنّ المشاعر عنْك توبتها نصوحه
‏وأثرها عمرٍ مايعطى فيه عهد ولا ضمانه
‏ٰ
‏لاتحمّلك الخطايا هم عذر .. ولا سموحة
‏ارجع أنت .. وكل شيٍ فات يرجع في مكانه

كل حلم سجلته بـ قائمتي .. و طال
‏داريته بـ صبري . و في صدري نما

‏عادي اتنازل عنه … حلمٍ حلم جال
‏لو ريقي الشفقان له ياما .. ضما

‏و استكفي بْـ حلمٍ .. رسمته لا يزال
‏ يطري مثل ما يطري الشوف لـْ عما

‏اني فـ مكه .. و ارفع ايدي بـ السؤال
‏و من فوقي الهتان .. شقٍ من سما

‏غيمٍ يبل .. الروح .. و ابلغ به منـال
‏( حتى اشعر انّه سال في مجرى الدما )

عاد عيد اللي وجوده لذة العيد السعيد🤍

ياربي أحبّك وأحب الدِّين وأحب الرسول
‏وأتعوذ من إبليس وجنوده ومن درب ٍمشاه

‏أبي من الدنيا بياض ٍيسمح لوجهي دخول
‏الجنة الِّلي تجمع أهل الله بوجهه وبلقاه

تجين بليلةٍ وجهك على حالك سماها ضي
‏وتزهين المكان اللي تجينه قبل يزهى بك🤍

عيدك مبارك وكل عام المشاعر تجري
‏ما توّقفها الظروف ولا قليل الجيّة

‏والله إنك أوّل من أبارك له ومن يطري
‏ووالله إنك ما أنت حول العالم المنسيّة

‏العيادي منّك صوّرٍ تفرّح صدري
‏خذْتها منّك وأنا الي ما آخذ العيديّة

العيد باكر أسعد الله ممساك
‏و الله مدري وين خدٍ لمسته

‏وين انت ياللي عيدنا في محيّاك
‏كف القدر من ضيقة الخلق بسته

‏شريت لي ثوبٍ على شان لقياك
‏والثوب راحت موضته ما لبسته

‏و شريت عطرٍ ما زهاني بليّاك
‏أربع سنين بعلبته ما لمسته

‏ودفتر قصيدٍ كل يوم يترجاك
‏مافيه يوم ماسهرت ودرسته

عسى لي أثر طيب مواقف و ذكرى خير
‏و نفسً تنول اللي تمناه يا ربي

‏ولا تبتليني بالسعيّ في نصيب الغير
‏ولا تضيّع سنيني و أنا أدور لطبي

‏و هب لي بصيره ما توردني التقصير
‏تميز قلوب الناس في كرهي و حبي

‏ و نورني أشوف الحقيقه مثل ما تصير
‏انا أشوف الاشياء مثل ما يشتهي قلبي ..

الذكرى السنويّة لـ بيت صالح بن حمد:
‏"المحزن إن مثلك مثل رابع العيد
‏لا فرَّح الديرة .. ولا مر عادي"

تذري في شماغي لو كفوفي قصرت تْذريك
‏فداك عيوني الثنتين .. ( خلي عنك شماغي )

‏انا يا عز اخوك .. اسابقك بالروح لو ترضيك
‏واجي من دون غيم يْجاكرك في حسنك الطاغي

‏يبللك بْيده .. يحسب ليا بلّك .. يبي يلغيّك
‏ما يدري انك خذيتي منه المشهد و هو لاغي ؟

ماجابك ابريـل . . حتى في طرف كذبة
‏يا غاية اللي يحبّـك . . و أنـت ما تدري
‏ٰ
‏عزاي . . إنك " بخير " وضحكتك عذبة
‏وإنك على وسع صدري ساكن بصدري

ودك ما يدخل حياتك
‏إلاالضحوك الونيس
‏اللي لا شفته أنشرح صدرك
‏وأسفهل خاطرك

رغـم الوداع المرّ ، والـواقع الشين
‏ وذنوبي اللي كلّ ليل اقترفها !

‏ ودّي أشوف شلون ضحكتك هاللحين؟
‏ تغيّرت؟ .. ولّا مثل ما اعرفها

بتزين الامور .. وينشرح صدرك
‏العسر بعدّه يسر .. لو طالت المدّه

‏اظن بالله الكريم .. ظن الواثِق المُدرك
‏مهما تضيق الصدور وتكبر الشِدّه

أخترت روحي في زحام العلاقات
‏وقويت مع روحي تفاصيل روحي

‏لا أحاتي الآتي و لا اندم على الفات
‏أتبع خرايط رسم ربي بـ لوحي

‏اللي بدع هالارض تحت السموات
‏وكلت مكتوبه يلوّن صروحي

‏للـ مرحبا حشمة و خاطر و وقفات
‏وللـ بالسلامه جعل دربك سموحي

‏ماراح يذكرني أحد بالتنهات
‏ اطريهم بطيبي و ضحكة مزوحي

‏الوجه واحد ما اختلف بالتلفات
‏يشبه بصدقه و اعتباره وضوحي

‏اكبر وتصغر بالعيون الخلافات
‏و يصعب وجودي ويتسهل نزوحي

‏ما عاد يغريني جمال البدايات
‏انا النهايات الجميله طموحي

ولا خذيت السوالف لبّ ومقارح
‏أصغي مع السالفه من حب راعيها

مثل جيلي ولي جوّي ولي عند الشغف عنوان
‏ رغم إنهم يقولون لي .. أنا ماني مثل جيلي

‏صحيح إني رقيقة قلب ويتعبني الوداع أحيان
‏ولكن من تخيّر في بعادي .. ما يهد حيلي

‏بيدرك كثرة أحبابي بيدرك من هو الخسران
‏وأنا يكفي القلوب الطيّبة تشري مواصيلي

انا ضلعٍ تراكينه .. عن همومك ذرى و ستار
‏اشيل الحزن من جوفك و اذره في شراييني

‏انا مالي سوى وجهك .. ينسيني عنا المشوار
‏ينسيني قسى بعض القلوب .. و جرح غاليني

‏ظميت وما شربت الا سنا وجهك و انا مختار
‏دلهت من الوجيه اللي تمُر .. و ما ملت عيني..

تباهي وغني واضحكي ولايهمك شيء
‏لامالت ظروفك فيه لك من يعدلها

‏بتلقين لك في جوف قلبي براد وفّي
‏هنا منزلك والناس تعرف منازلها