أنت تزهى كل صورة..و تزهى كل عيد
‏"ضحكتك تفريج كربة ودافع معنوي"

مرحـبا يا اغلى المسايير واعز الضيوف
‏جيّتك يضمد لها العود مايكسر كسر

‏لا تحسّس يوم عينتني ذابح خروف
‏والله ان كرامتك من غناه ومن يسر

‏الرفيق اللي فعوله مثل بيض القنوف
‏مايعشى من عشاء البيت و انتاج الاسر

‏وانـت غـالي جعل يفدونك عيال الضعوف
‏اللي لا صيت يجمل ولا عين تسر

‏من يعدّي ربعه الطيب ماهوب معروف
‏لو على بيته مفارق ولوحات وجسـر

‏كيف مانكرم بعض والدراهم بالالوف
‏قبلنا الشيبان خلقوا وجادوا من عسر

‏الكفـو ناقف معه لا ترديه الظروف
‏والردي خاسر كرامته وش عاد يخسـر .

تخيّل إن ليلك يحن وأحباب صمتك يسمعون
‏وإن الوَلَه ضحكه على عينك لها لمعه وصخب

‏والوقت واقف أو مشى مايهم حاله وش يكون
‏يكفي إذا أنفاسك معه .. ترقص ولو فيها عتب

‏والعازف اللي من ورا ضجّة ملامحكم .. يمون
‏أرخى على لحنه لجل بك تمتلي روحك شغب

لانـي قادر . . اعاتب ولا اقدر اللوم
‏انا رهين الصّمت لا ضاق صـدري

‏عادي لو انه ما عرف قدري اليـوم
‏بكرا يدور الوقت . . ويعرف قدري

توسّدت الجراح وكل جرحٍ ما يطيب فداك
‏تنهدت الغياب ونبت بين إيديك مِشراقي

‏تعذّر لليالي لا غدى ورَد الطريق أشواك
‏ترى كل الدُروب إللِّي مشينا ما ثنَّت ساقي

‏لو إنه ما بقي عندي بهالدنيا ياكوّد أهواك؟
‏لأقول إني خذيت إللِّي خذيت ولا بقى باقي

ضميتها ضمةٍ وازرت تخطاها
‏في كل ليله تقول نعيدها ثاني؟

‏ماكان عطري مريح وجايب اقصاها
‏لكن صدري حنون وكانت تعاني

‏ظروفها قاسيه والحظ خلاها
‏تعزف وجعها على قيثارة ألحاني

‏ماكنت أصدق يجي في يوم وألقاها
‏ترمي جسدها النحيل بداخل احضاني

‏ابطت تكابر واشوف الضيق رباها
‏ ولاقبل كانت النية تناساني

بتدرك مع الايام .. بعد الوصل والصدّ
‏( حصيلة شعور ) وحاجةٍ تعتبر منها

‏ما دام الحياه الفانيه .. فانيه لا بدّ
‏فلا تعطي أوقاتك سوى من يثمّنها

غشى ليل الفراق عيون من مل الحياة ومات
‏بعد ماغبت عنه وانكسر قلبه من غيابك

‏عليك الوقت ياخذني لزمانٍ من مضى ما فات
‏على اللي أذنب يحبك .. والين اليوم ما تابك

‏حبيب النظرة الأولى خذ سنين الوداع وهات
‏دقايق .. من لقاك ارجوك لا تحرمني عتابك

فقدتك و احتريت أحبك اللي من عمر ما جات
‏و أنا راضي لو أني اجرع الضيقه من عتابك

‏دخيلك جاوب أسألتي تعبت أعاتبك بسكات
‏يجيب الوقت طاريك أمانه ليه ما جابك ؟

‏حييت بداخلي روحٍ تبدد .. فكرة الأموات
‏أنا للحيني أتحرى تجيني من ورى بابك

غياباتي الواجد .. عن وجيه الناس
‏يبرّرها وجود اللي عن الناس مغنيني

بيني وبينك معرب الانساب
حفيدٍ لـ جداني .. وحفيدٍ لـ جدانك

عليك حْضور بألوان المسرّة والفرح منساب
‏"طغيت بـ حسٍ يجمّل زماني وفيك ميّزته"

‏أشوف إنك غذا روح وضيا دنيا وعطف أقراب
‏"فرقت بقلبٍ أراهن على إحساسه ومعرفته"🤍

من وين ما يممت وجهي وين ما كانت خُطاي :
‏( اطالعك .. و اشوف في وجهك جهاتي الاربعه ) !

‏مبسمك سهم البوصله معاه احس انك معاي :
‏( يُشير كل ما انظر اليـه .. اي درب ممكن اتبعه ) !

‏يا وجهتي فوق البسيطه .. كل هالدنيا وراي :
‏مدام لي في بحر عينك ( كل ما القاك اشرعه ) !

حتى الحياة اللي من أول كنت ألحقها حسوف
‏ما عاد . . أفكر لا فـ واجدها ، ولا فـ شويّها

تجود بي ولا ترخي يدينك لبعاد الاقدار
‏انا بوجهك من صكات الليالي بما فيها

‏ابي اتباهي بك واقول اني عرفت اختار
‏وليفٍ ليا جاته الزله يدمحها و يعديها

على حالنا ماغير الوقت فينا شي
‏نعيش بكرامة نفس ونموت ماخنا

‏ندور بياض الوجه ياهل الضمير الحي
‏نعز الرفيق ولا يجيه الخطا منا

‏طموحاتنا هي هي وعزومنا هي هي
‏تلين الجبال الراسيه مابعد لنا

‏خذني من الخوف وايدين الأسى والملام
‏هالأرض عافت وساعتها وضاقت علي
‏َ
‏ونبني لنا غرفةٍ زرقاء على أرض الغمام
‏وأدس لك في عيوني سحر قمرًا وضي
‏َ
‏وأزعل عليك وتخاصمني "حمامة سلام"
‏وأرضى عليك، وتلبّسني النجوم بيدّي

انا ميت من اللهفه انا عايش على التذكار
تنام احلام عمري فيك ويصحى حظي العاثر

قبل ماترحل وتبعد تعال وللجروح اعذار
انا ماقدر على بعدك لو انك على الجفا قادر

‏حنا كبار وكل دربٍ ندلّه
‏ولنا عقول تميّز الحسن والسيّ

‏ودخولنا في بعض الاشياء اقلّه
‏إن ماخسرنا شي مانطلع بشي

‏وتجاهلي بعض الاوادم من الله
‏ماهي بشوفة نفس ولا كبر فيّ

‏أحب انزّل كل شخص بمحلّه
‏ولا احب اجي في محلٍ ماهو لي

أن جيت كنّي جيّة المنفلت لا ثار
‏وأن رحت كنّي غفوة الذاهن الراقد

‏أن شفت نفسك حاجه نادرة تكرار
‏أنا الحاجه اللي مالها لك — بدل فاقد