أغليك وأقدرك ولكن ماادري بقدري !

جوارحي لـ الغياب المر مضطره
‏والوصل مانيب فيه اليوم متجود

‏ان كانك تروح مره و تحضر مره
‏انا اقدر اروح / لكن ماقدر اعود

لا تعذّر عن عيونك فالظروف المستحيلة
‏وأنت تدري.. ما ورا ضحكَاتها إلَّا حتوفي

تدري أنك عندي أغلى من الغالي و زود
‏وان لك فالقلب جره .. و لك ماطى قدم

‏جعلني ماذوق حزنك وجعلك فالوجود
‏وجعلني ما أعتاااض ! ولا خلا ولا عدم

معك ادور ما يجر السوالف والقصيد
‏ومع جميع الناس حتى الكلام يكودني

اوعدك كان حضوري مسبب ازعاج
‏بودعك واغيب و الغي حضوري

‏ماني بفاتح باب قلبي للإحراج
‏ولا احب اكون انسان ماهو ضروري

‏يوم انت كنت لظلمه ايامي سراج
‏ماخافت الخطوات حزه عبوري

‏ببعد وانا ادري ماورى بعدك علاج
‏والهجر والله ماهو من دواعي سروري

و أقفيت و أنا أكبر من التبرير و العذر السمين
‏حتى لو إن خاطري ما كلّ شيء يصبّره

‏القلب يكسره اللسان .. ولا تجبّره اليدين
‏ماهوب عظمً كل يوم .. تكسّره و تجبّره

‏ما عاد عندي فرصةً تهدر من العمر الثمين
‏واللي بينشدها من أسباب الفراق تخبّره

‏وإذا شاب الغياب وشحّوا المقفين
‏أنا أعرف الليالي ، " طبعها جاحد "

‏من أول كنت ادور عن لقى والحين ؟
‏أشوفك أو ما أشوفك ، كلها واحد :)

ودي اضمك لين اوجع ضلوعك
ماهي عداوه لكن اشتقلك !

مرَّه أتبع رغبتي — و مرَّه أعيف ميولي
‎مالقيت لهذي الفوضى سبب يشرحني

‎لا بديت أحل مشكلتي تضيع حلولي
‎كل مارتّبت صوتي نبرتي تفضحني

‎قالوا إن حِدة مزاجي تجرح اللي حولي
‎والله إني قبلهم أحسها — تجرحني

يعرف أسمي ويعرف وقفاتي ويبخصني
‏ويدري إني فوق هقواته ، وفوق آماله
‏َ
‏"ويدري إنه ما يزودني .. ولا ينقصني"
‏لو تغني : حنجرة الأبداع .. من مواله
‏َ
‏كانه أرخصني فهو تافه وإذا ما أرخصني
‏قلت من ينسى الجمايل ما يسرك حاله
‏َ
‏إن نصيته في لزوم أقفى قفاية حصني
‏وإن نصاني جيت من بينه وبين ظلاله .

يكفيني رحلت ولا حصل مني خطا وقصور
‏" وانا حتى وداعي فيه بصمه تثبت اخلاقي "

‏تخير فالديار اللي يغشيها ظلام ونور
‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور
‏تدور فالبشر مثلي ولكن صعبه تلاقي

ماغير أداريها مداراة الأيتام
‏من حبّها ، ولا ماهيب بيتيمه

‏لأرضيتها كني محقق لي أحلام
‏ولأزعلتها كني مسوي جريمه

تجي كنك على قلبي سحابة خير
‏و أشوفك تضحك و يضحك معك همي

‏تراك أنت الوحيد اللي بحياتي غير
‏و تراك أنت اللي غرامه يسري بدمي

‏أحس روحي معك كنها بخفة طير
‏شعور أعظم و أكبر من حكي فمي

‏تدري و أدري بدونك ما أصير بخير
‏وقلبي ! عن هوى غيرك معمي

لك العهد وعهود المحبين تبقى دين
‏مايعرض غرامٍ لك بقلبي على الشورى

‏امجّد غرامك في ضميري عن الباقين
‏مثل ماتمجّد شيعة حسين عاشورى

عن ضجيج الناس والمجتمع جاني جفَال
‏كـنّ ماذولا بـ ناسـي ولا ذي بـ بلـدي
‏.
‏والهـروب احيان نـوع من انـواع النضَال
‏لاوطت رجلك طريق الضياع السرمديّ
‏.
‏َجيت محتاجك وفيني كلامً ما يقال
‏اتعزز و ارفع الصوت و امشي و اعدّي
‏.
‏حطني في وجه حضنك من صدوف الليال
‏تايهٍ لا اخطيت من ضمتك وين اغدّي ؟

ايا وجهً عطا الله من يشوفونه نظر مبخوت
‏يطريّك الدعاء تحت المطر لا ارتفعت ايديني

بدا " ليل الشتا " يرسل مناديبه على الملهوف
‏هلا بـ أقسى مسايير . . السنة و أغلا مساييري
‏ٰ
‏أنا أدري ماوراك الا المتاعب والسهر والخوف
‏وحنينٍ يشعل أكوام الحطب في وسط تفكيري

طويتك حافظ الصفحه ممله و السنين كتاب
‏كتاب العمر عنوانه "نغيب أن ضاقت البقعه"

‏فمان اللي كتب بعد العمر هذا نصير أغراب
‏و لا به شي يعطيني على وصلك أبد دفعه

‏فمان الشوق و الذكرى و أماني لمّة الاحباب
‏فمان الله و خذ حبك ما عاد الصدر يتسعه .

على كثر ما كانت ليّال الوصال قصار ..
على كثر ما كانت طويلة بـ ذاكرتي