‏شعار المرّحلة :
‏تقلبنا الحياة الفانية ضيق وتعب وارهاق
‏ونضحك وكن مافينا من الضيقة ولا حاجة .

‏عقبال مانسكن سوا في بيت الغرام
‏وأجيب لي منّك — * غزالٍ صغيرة *

‏كنت جداً حياوي / كنت مضرب مثال
‏" ما أحب الزقاير ، والشعر ، والغِنى "

‏وصرت شاعر وأدخن وأنطرب مع نوال
‏وداخلي ودي أعرف واقعي ، من أنا ؟

‏كنت أقول إني لو تضيق الوسيعة ما أضيق
‏وأكتشفت إنْ البني آدم ضعيف ولو قوى!

‏كل ما سقت القدم يمّ السعة ضاق الطريق
‏وكل ماحطيت رجليني على درب التوى

‏ أمتلّت عيني منْ الماء وفي صدري حريق
‏والطعون إللي من يديّن الحبايب ماهي سوى
‏
‏والله إني كنت أدف طويق و أطيّح طويق
‏لين صرت أطيح لو يلفح طرف ثوبي هوى

‏مغير أداريها مداراة الأيتام
‏من حُبها ولا ماهيب يتيمه

‏لا أرضيتها كني محقق لي أحلام
‏ولازعلتها كني مسوي جريمه

‏يا ربّي لا تجعلني على يمّتك محتار
‏تولّاني و خذني بيمناي و اصلحني

‏ذنوبي كبـار مالها الّا أنت يا غفّار
‏اذا صار ما سامحتني من يسامحني

‏عسى مغفرتك تحول بيني و بين النار
‏و عسى فضلك إن خابت ظنوني يفرّحني

‏هو قادر يكون الرحلة والرحال ويشق
‏كل الدروب العوج
‏ويخوض الليالي مرها وحلوها معك
‏ولأجلك
‏«بس مايبي»

يعَّرف أسمي، ويعَّرف وقفاتي، ويبخصّني
‏ ويْدري إني فوق هقواته وفوق آمَاله

‏ويْدري إنه ما يزودني ولا ينقصني
‏لو تغني حنجرة الأبداع——مِن مواله

‏أنا لو ينسّيك الزمن ماني بـ ناسيك
‏محبتك قصة ما اقدر ، أكتب نهايتها

‏لو الوقت يرجع قبل اعرفك وقبل آجيك
‏وقبل الهقاوي تنثني ، دون غايتها

‏بـ آروح انتظر فـ اول مكانٍ جمعني فيك
‏وبـ آعيد تجربتي معك من بدايتها

‏يا ملح الحياة وشمس عمري وكل اشياي
‏أنا من لقلبي غيرك .. ليا انطفأ ضيّك ؟

‏فداك الزمان اللي مضى و الزمان الجاي
‏حسافه يا عمرٍ قبل أعْرفك ما أهتدى غيّك

‏قليلك ، لا يهمك دام كله في سبيل رضاي
‏تراني عن كثير الناس - يغني نفسي شويّك ❣️

‏طلبتك لا تضمّد جرحك الي في ضماده ويل
‏وتبكي ماهو بكيفك وتضحك ماهو بمشهاك

‏جروحك ماهي كتاب سماوي نزّله جبريل
‏تحرفها الليالي لين تنساها وهي تنساك

‏واذا هذا السراب الي تشوفه قد قرْب لك (ميل)
‏سراب بيقرب ويقرب ، ولكنه بعيد هناك!

‏على فكرة نحرت الصبح واشعلت المساء قنديل
‏ولا به من نشد عنك ولا به من كره فرقاك!

‏أبرك الساعات عندي يوم أشوفك
‏وأحلى لحظات العمر يومك تجيني

‏وأشعر إنك يوم تتحدى ظروفك
‏كأنك تفتح على الأحلام عيني

‏معك ماخذني برغم إحساس خوفك
‏ومعك أسافر من حنينك لحنيني

‏كل ما حطيت بكفوفي كفوفك
‏أشعر إني مالك الدنيا بإيديني

‏عسى الدنيا تشمّر لي سواعدها بليّــا حدود
‏وعسى كل فرحة يا قلبي تناديها .. تلبي لك

أدري انك خطوتي لا تهت في وسط الزحام
وانك لـ كسري ليا جيتي من اللهفة .. جبر

وأدري انك فجري إليا لوّحت كف الظلام
وإنك إليا قلّت الحيلة تمديني .. صبر

وأدري انك لا سألتيني وقلت اني "تمام"
وبين ضلعي جرح يكتم صوته ان "عندك خبر"

‏سعد عيني فيك ولا سعد عينك
‏يا غراااامٍ لا بغيت انساه .. عيّا

‏لا يمر الشك من .. بيني و بينك
‏والله أن قلبي لغيرك .. ما تهيّا

‏إلى آخر مدى صبري عسَاي من التعب مأجور
‏و لا أكون القنوط الِّلي جزع .. من كثر حِرمانه

محتاج له في درب ما اقوى ظلامه
‏هو شمعتي لا كثرت ايامي السود

‏ما اقوى على بعده ولا اقوى خصامه
‏لا غاب احس بدنيتي شي مفقود