ماني بشايل ضيقة اللي ما يبادلني السرور
‏وماني محاتي روحة اللي ما يقدّر جيّتي

‏أنا ما شعاني غير حر عريب أنساب
‏على سنام المراجل ثبت شداده

‏عسى مدهله للرايح الوابل الصباب
‏ثلاثة ليال و وبلها ضافي زياده

‏عذلت قلبي عن غرامه ولا تاب
‏له القلب منساق وله الروح منقاده

‏ملكني ، مثل ملكي لنظرات الإعجاب
‏ووصف رهاوي ما ملكته ولا غاده

أشوفك فالبروْق ، وفالسَّحاب الممتلي لا هلَّ
‏أنا وين أتِّجه — لا صرت أشوفك بيْن قطراته

يحبك الغيم وانسام الشتا والهبوب
‏وتحبك الارض يا اطهر من مشى فوقها

نكبر على يد الظروف
ونصغر اذا طق المطر 🤍

‏عسى الله علي يديم فضله ولا أحتاج من أفضال
‏غيره و يبني ما بيني و بين عسر الظروف سيّاج

‏تعال وزاحم ظنون الحنين وعتمة التخمين
‏ انا احتاجك طمأنينه تصب الضيّ باحداقي .

وقَف عمري على اخر ليالي عشتها وياك
‏واحس روحي طفت بعدك وادور من يضويني

‏تبكيني الصور واطيح من حيلي بدون ادراك
‏وأنا ماقدرت الدنيا علي إنها تبكيني

مرحبا والصبح لو له شبيه من البشر
‏ كان وش الفرق بينك و بين إشراقته

‏تمر السنين وتجتوّل والقلوب تهاب
‏وتبقين فالعمر المحدد مثل ما أنتي

‏عزيزة نسب وأطهر من الديّن التواب
‏رفيعة مقامٍ هان عمري ولا هنتي

‏تمرين ويصير السماء خيرها صبّاب
‏وتزين الأراضي كل ما أنتي تزينتي

‏فداك الشعر والناس والحلم والأحباب
‏وأنا والسنين المقبله وين ما كنتي ❤️ ..

‏لا ضاع رسم الطريق وزادت الحيره
‏فتحت باب السما من دعوة أعماقي
‏
‏ولا أدري الخير وين ووينها الخِيره
‏لكنّي أعرف وين مدبّر أرزاقي

يالله بصبحٍ مختلف في ثناياه/يستبشر اللي ما تحقق طموحه

‏بعايدك بدري وبشاركّ الافراح
‏كل عام وانت بخير ياكل عمري

‏قربك حبيبي هو ترا كل الارباح
‏ياكبر حظي فيك لو عاد تدري

‏اقبل وهمي كل ما أقبلت ينزاح
‏هذا مكانك بالحشى وسط صدري

‏عسى حياتك كلها أفراح بأفراح
‏يالطيب اللي مارضى يوم كسري

‏سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل لـ اللي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها .

‏اشوفك حقيقة عمر .. لو الليال تزلّ
‏مثل منسبي واسمي وموتي وميلادي

‏عسى كل عام يمرّك احلا من اللي زلّ
‏فدى ضحكتك حسّاد عمرك وحسادي

‏ترى من عرفتك يا حبيبي وشفتك خل
‏وانا .. ماحسب لأيام هجري وميلادي

‏لقاني أحلى محطاته وحلمه وأول الأهداف
‏عرف قيمة حياته في يديني ّوقيمة وجوده

‏تركتك للغياب وأنا خاطري فيك
‏ ما تعودت أنادي على حاجه ما تبيني

عسى الدنيا تبسم لك وتصبح فرحتك روتين
و عساني كل ما اشتاق لـ لقاك القاك قدامي

من اول ما لمحتك لك شعور بداخلي للحين
يوديني البحر و يردني من البحر ضامي

احبك والذي خالق ضلوعي من سلاله طين
محبه فاارقه ما تشبه الا بصمه بهامي

هذي دروبي وانا في حياتي حر
أعيش بأمر الله وعارف مصيري

اللي تجاهلني أغمض عنه و أمر
واللي عرف قدري له كل تقديري

يا زين الشعور اللي يجي فيك لا حبّيت
أنا قمت أحس بـ طهر روحي وبـ إيماني

وأحس إن كل شيء يبتسم لي ليا لدّيت
وأحس إن نور الصبح يطلع على شاني

ولا عاد فكرت بـ حياتي — ولا اهتميت
طغى الحب فيني لين سامحت عدواني

سما بي هوى اللي يوم أحبّه وأنا ما أخطيت
أنا اخطيت ما حبيت في ماضي أزماني